ترجمة معاني سورة البلد - الترجمة السواحلية - عبد الله محمد وناصر خميس - موسوعة القرآن الكريم

سورة البلد - Surat Al-Balad

آية: 1

لَآ أُقۡسِمُ بِهَٰذَا ٱلۡبَلَدِ

Mwenyezi Mungu Anaapa kwa mji huu mtakatifu wa Makkah.

آية: 2

وَأَنتَ حِلُّۢ بِهَٰذَا ٱلۡبَلَدِ

Na wewe, ewe Nabii, ni mkazi wa mji huu mtakatifu.

آية: 3

وَوَالِدٖ وَمَا وَلَدَ

Na Anaapa kwa mzazi wa wanaadamu, ambaye ni Ādam, amani imshukie, na kilichozalikana na yeye.

آية: 4

لَقَدۡ خَلَقۡنَا ٱلۡإِنسَٰنَ فِي كَبَدٍ

Hakika Tumemuumba binadamu katika usumbufu na shida za kilimwengu.

آية: 5

أَيَحۡسَبُ أَن لَّن يَقۡدِرَ عَلَيۡهِ أَحَدٞ

Kwani anadhani kwa mali aliyoyakusanya kuwa Mwenyezi Mungu Hatakuwa na uwezo juu yake?

آية: 6

يَقُولُ أَهۡلَكۡتُ مَالٗا لُّبَدًا

Huwa akisema kwa kujigamba: «Nimetumia mali mengi.»

آية: 7

أَيَحۡسَبُ أَن لَّمۡ يَرَهُۥٓ أَحَدٌ

Kwani anadhani, kwa kitendo chake hiko, kuwa Mwenyezi Mungu, Aliyetukuka na kushinda, Hamuoni wala hatamhesabu juu ya kubwa na dogo?

آية: 8

أَلَمۡ نَجۡعَل لَّهُۥ عَيۡنَيۡنِ

Kwani hatukumpa macho mawili ya kuonea,

آية: 9

وَلِسَانٗا وَشَفَتَيۡنِ

ulimi na midomo miwili ya kusemea

آية: 10

وَهَدَيۡنَٰهُ ٱلنَّجۡدَيۡنِ

na kumfafanulia njia mbili: ya kheri na ya shari?

آية: 11

فَلَا ٱقۡتَحَمَ ٱلۡعَقَبَةَ

Basi ajiepushe na janga la Akhera kwa kutoa mali yake ili aokoke.

آية: 12

وَمَآ أَدۡرَىٰكَ مَا ٱلۡعَقَبَةُ

Ni kitu gani kilichojulisha ni lipi hilo janga la Akhera na ni mambo gani yenye kusaidia kujiepusha nalo?

آية: 13

فَكُّ رَقَبَةٍ

Ni kuacha huru shingo iliyoamini kuikomboa na utumwa.

آية: 14

أَوۡ إِطۡعَٰمٞ فِي يَوۡمٖ ذِي مَسۡغَبَةٖ

Au kulisha, wakati wa shida ya njaa,

آية: 15

يَتِيمٗا ذَا مَقۡرَبَةٍ

yatima mwenye ujamaa, ili ipatikane fadhila ya sadaka na ya kuunga kizazi,

آية: 16

أَوۡ مِسۡكِينٗا ذَا مَتۡرَبَةٖ

au masikini asiyekuwa na kitu.

آية: 17

ثُمَّ كَانَ مِنَ ٱلَّذِينَ ءَامَنُواْ وَتَوَاصَوۡاْ بِٱلصَّبۡرِ وَتَوَاصَوۡاْ بِٱلۡمَرۡحَمَةِ

Kisha akawa, baada ya kufanya amali njema zilizotajwa, ni miongoni mwa waliotakasa Imani yao kwa Mwenyezi Mungu, wakausiana kusubiri juu ya kumtii Mwenyezi Mungu kwa kufuata maamrisho Yake na kujiepusha na vitendo vya kumuasi na wakausiana kuwahurumia viumbe.

آية: 18

أُوْلَٰٓئِكَ أَصۡحَٰبُ ٱلۡمَيۡمَنَةِ

Wenye kufanya hayo ndiwo watu wa kulia ambao watapelekwa Siku ya Kiyama upande wa kulia kuelekea Peponi.

آية: 19

وَٱلَّذِينَ كَفَرُواْ بِـَٔايَٰتِنَا هُمۡ أَصۡحَٰبُ ٱلۡمَشۡـَٔمَةِ

Na wale waliokanusha Qur’ani ndio ambao watapelekwa, Siku ya Kiyama, upande wa kushoto kuelekea Motoni.

آية: 20

عَلَيۡهِمۡ نَارٞ مُّؤۡصَدَةُۢ

Malipo yao ni Moto wa Jahanamu wenye kuwafinika na kuwaziba.