ترجمة معاني سورة الضحى - الترجمة السواحلية - عبد الله محمد وناصر خميس - موسوعة القرآن الكريم

سورة الضحى - Surat Ad-Duha

آية: 1

وَٱلضُّحَىٰ

Mwenyezi Mungu Anaapa kwa wakati wa dhuha, na uliokusudiwa ni wakati wa mchana mzima.

آية: 2

وَٱلَّيۡلِ إِذَا سَجَىٰ

Na kwa usiku utuliapo na viumbe na likashadidi giza lake. Mwenyezi Mungu Huapa kwa Atakacho katika viumbe vyake. Ama kiumbe, hafai kuapa kwa asiyekuwa Muumba wake. Kuapa kwa asiyekuwa Mwenyezi Mungu ni ushirikina.

آية: 3

مَا وَدَّعَكَ رَبُّكَ وَمَا قَلَىٰ

Hakukuwacha Mola wako, ewe Mtume, wala Hakukuchukia kwa kuchelewesha kukuteremshiaWahyi.

آية: 4

وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ

Na Nyumba ya Akhera ni bora kwako kuliko nyumba ya ulimwengu.

آية: 5

وَلَسَوۡفَ يُعۡطِيكَ رَبُّكَ فَتَرۡضَىٰٓ

Na Atakupa Mola wako, ewe Mtume, neema ya kila sampuli uridhike.

آية: 6

أَلَمۡ يَجِدۡكَ يَتِيمٗا فَـَٔاوَىٰ

Kwani Hakukupata, kabla ya hapo, kuwa ni yatima Akakukusanya na kukutunza.

آية: 7

وَوَجَدَكَ ضَآلّٗا فَهَدَىٰ

Na Akakupata hujui Kitabu wala Imani, Akakufundisha yale amabayo ulikuwa huyajui na akakuafikia kufanya amali bora?

آية: 8

وَوَجَدَكَ عَآئِلٗا فَأَغۡنَىٰ

Na Akakupata masikini, Akakuletea riziki yako na Akakutajirisha kwa kutosheka na kusubiri?

آية: 9

فَأَمَّا ٱلۡيَتِيمَ فَلَا تَقۡهَرۡ

Basi yatima usimtende ubaya.

آية: 10

وَأَمَّا ٱلسَّآئِلَ فَلَا تَنۡهَرۡ

Na muombaji usimkaripie, bali mlishe na umtimizie haja yake.

آية: 11

وَأَمَّا بِنِعۡمَةِ رَبِّكَ فَحَدِّثۡ

Na ama neema ya Mola wako Aliyokuneemesha nayo izungumze.