ترجمة معاني سورة التكوير - الترجمة اليورباوية - موسوعة القرآن الكريم

سورة التكوير - Suuratut-Takweer

آية: 1

إِذَا ٱلشَّمۡسُ كُوِّرَتۡ

Nígbà tí wọ́n bá ká òòrùn kóróbójó dànù,

آية: 2

وَإِذَا ٱلنُّجُومُ ٱنكَدَرَتۡ

àti nígbà tí àwọn ìràwọ̀ bá já bọ́ káàkiri,

آية: 3

وَإِذَا ٱلۡجِبَالُ سُيِّرَتۡ

àti nígbà tí wọ́n bá mú àwọn àpáta rìn (kúrò ní àyè wọn, tí wọ́n kù wọ́n dànù),

آية: 4

وَإِذَا ٱلۡعِشَارُ عُطِّلَتۡ

àti nígbà tí wọ́n bá pa àwọn ràkúnmí aboyún tì,

آية: 5

وَإِذَا ٱلۡوُحُوشُ حُشِرَتۡ

àti nígbà tí wọ́n bá ko àwọn ẹranko jọ,

آية: 6

وَإِذَا ٱلۡبِحَارُ سُجِّرَتۡ

àti nígbà tí wọ́n bá mú àwọn agbami odò gbiná,

آية: 7

وَإِذَا ٱلنُّفُوسُ زُوِّجَتۡ

àti nígbà tí wọ́n bá so àwọn ẹ̀mí pọ̀ mọ́ra wọn, (ẹni rere pẹ̀lú ẹni rere, ẹni ibi pẹ̀lú ẹni ibi)

آية: 8

وَإِذَا ٱلۡمَوۡءُۥدَةُ سُئِلَتۡ

àti nígbà tí ọmọbìnrin tí wọ́n bò mọ́lẹ̀ láàyè bá bèèrè pé

آية: 9

بِأَيِّ ذَنۢبٖ قُتِلَتۡ

ẹ̀ṣẹ̀ wo ni wọ́n pa òun fún,

آية: 10

وَإِذَا ٱلصُّحُفُ نُشِرَتۡ

àti nígbà tí wọ́n bá ṣí àwọn tákàdá (iṣẹ́ ẹ̀dá) sílẹ̀,

آية: 11

وَإِذَا ٱلسَّمَآءُ كُشِطَتۡ

àti nígbà tí wọ́n bá ká sánmọ̀ kúrò lókè,

آية: 12

وَإِذَا ٱلۡجَحِيمُ سُعِّرَتۡ

àti nígbà tí wọ́n bá mú iná Jẹhīm jò fòfò,

آية: 13

وَإِذَا ٱلۡجَنَّةُ أُزۡلِفَتۡ

àti nígbà tí wọ́n bá sún Ọgbà Ìdẹ̀ra mọ́ (àwọn onígbàgbọ́ òdodo),

آية: 14

عَلِمَتۡ نَفۡسٞ مَّآ أَحۡضَرَتۡ

(nígbà náà ni) ẹ̀mí (kọ̀ọ̀kan) yóò mọ ohun tí ó mú wá (nínú iṣẹ́ ire àti iṣẹ́ ibi).

آية: 15

فَلَآ أُقۡسِمُ بِٱلۡخُنَّسِ

Nítorí náà, Èmi (Allāhu) ń fi àwọn ìràwọ̀ tó ń yọ ní alẹ́, tó ń wọ̀ọ̀kùn ní ọ̀sán búra,

آية: 16

ٱلۡجَوَارِ ٱلۡكُنَّسِ

(ìyẹn) àwọn ìràwọ̀ tó ń rìn lọ rìn bọ̀, tó ń wọ̀ọ̀kùn sí ibùwọ̀ wọn.

آية: 17

وَٱلَّيۡلِ إِذَا عَسۡعَسَ

Mo tún fi alẹ́ nígbà tí ó bá lọ búra.¹

1. Ìtúmọ̀ mìíràn: Mo tún fi alẹ́ nígbà tí ó bá wọlé búra.

آية: 18

وَٱلصُّبۡحِ إِذَا تَنَفَّسَ

Mo tún fi òwúrọ̀ nígbà tí ó bá mọ́lẹ̀ búra.

آية: 19

إِنَّهُۥ لَقَوۡلُ رَسُولٖ كَرِيمٖ

Dájúdájú (al-Ƙur’ān) ni ọ̀rọ̀ (tí A fi rán Jibrīl) Òjíṣẹ́, alápọ̀n-ọ́nlé,¹

1. Wo ìtọsẹ̀-ọ̀rọ̀ sūrah al-Hāƙƙọh; 69:40.

آية: 20

ذِي قُوَّةٍ عِندَ ذِي ٱلۡعَرۡشِ مَكِينٖ

alágbára, ẹni pàtàkì ní ọ̀dọ̀ Ẹni t’Ó ni Ìtẹ́-ọlá,

آية: 21

مُّطَاعٖ ثَمَّ أَمِينٖ

ẹni tí wọ́n ń tẹ̀lé àṣẹ rẹ̀ níbẹ̀ yẹn (nínú sánmọ̀), olùfọkàntán.

آية: 22

وَمَا صَاحِبُكُم بِمَجۡنُونٖ

Àti pé ẹni yín (Ànábì Muhammad - kí ìkẹ́ àti ọlà Allāhu máa bá a -) kì í ṣe wèrè.

آية: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Ó kúkú rí i nínú òfurufú kedere.¹

1. Ìyẹn ni pé, Ànábì Muhammad - kí ìkẹ́ àti ọlà Allāhu máa bá a - fojú ara rẹ̀ rí Mọlāika Jibrīl - kí ọlà Allāhu máa bá a - nínú òfurufú kedere. Ẹ wo ìtọsẹ̀-ọ̀rọ̀ sūrah an-Najm; 53:13.

آية: 24

وَمَا هُوَ عَلَى ٱلۡغَيۡبِ بِضَنِينٖ

Àti pé kì í ṣe ahun (tàbí ẹni-afurasí) lórí ìró ìkọ̀kọ̀ (tí A fi ránṣẹ́ sí i).

آية: 25

وَمَا هُوَ بِقَوۡلِ شَيۡطَٰنٖ رَّجِيمٖ

Al-Ƙur’ān kì í sì ṣe ọ̀rọ̀ (tí A fi rán) Èṣù, ẹni ẹ̀kọ̀.

آية: 26

فَأَيۡنَ تَذۡهَبُونَ

Nítorí náà, ibo l’ẹ̀ ń lọ?

آية: 27

إِنۡ هُوَ إِلَّا ذِكۡرٞ لِّلۡعَٰلَمِينَ

Kí sì ni al-Ƙur’ān bí kò ṣe ìrántí fún gbogbo ẹ̀dá.

آية: 28

لِمَن شَآءَ مِنكُمۡ أَن يَسۡتَقِيمَ

(Ó wà) fún ẹni tí ó bá fẹ́ nínú yín láti dúró déédé.

آية: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Ẹ̀yin kò sì níí fẹ́ (láti dúró déédé) àyàfi tí Allāhu bá fẹ́, Olúwa gbogbo ẹ̀dá.