ترجمة معاني سورة الشمس - الترجمة السواحلية - عبد الله محمد وناصر خميس - موسوعة القرآن الكريم

سورة الشمس - Surat Ash-Shams

آية: 1

وَٱلشَّمۡسِ وَضُحَىٰهَا

Mwenyezi Mungu Anaapa kwa jua na mchana wake na mwangaza wake wa asubuhi.

آية: 2

وَٱلۡقَمَرِ إِذَا تَلَىٰهَا

Na kwa mwezi unapolifuata wakati wa kucha na kutwa.

آية: 3

وَٱلنَّهَارِ إِذَا جَلَّىٰهَا

Na kwa mchana unapoliondoa giza na kulifunua.

آية: 4

وَٱلَّيۡلِ إِذَا يَغۡشَىٰهَا

Na kwa usiku unapoifinika ardhi ikawa giza.

آية: 5

وَٱلسَّمَآءِ وَمَا بَنَىٰهَا

Na kwa mbingu na kujengeka kwake kiimara.

آية: 6

وَٱلۡأَرۡضِ وَمَا طَحَىٰهَا

Na kwa ardhi na kutandikika kwake.

آية: 7

وَنَفۡسٖ وَمَا سَوَّىٰهَا

Na kwa kila nafsi na namna Mwenyezi Mungu alivyoikamilisha umbo lake ili itekeleze kazi iliyoumbiwa nayo.

آية: 8

فَأَلۡهَمَهَا فُجُورَهَا وَتَقۡوَىٰهَا

Akaibainishia njia ya shari na njia ya kheri.

آية: 9

قَدۡ أَفۡلَحَ مَن زَكَّىٰهَا

Amefaulu mwenye kuisafisha na kuikuza kwa kheri.

آية: 10

وَقَدۡ خَابَ مَن دَسَّىٰهَا

Na ameingia kwenye hasara mwenye kuitia nafsi yake kwenye maasia.

آية: 11

كَذَّبَتۡ ثَمُودُ بِطَغۡوَىٰهَآ

Kabila la Thamūd lilimkanusha Nabii wake kwa kuvama kwenye uasi.

آية: 12

إِذِ ٱنۢبَعَثَ أَشۡقَىٰهَا

Pindi walipotoka wabaya zaidi wa kabila hilo kumchinja Ngamia. Mtume wa Mwenyezi Mungu’ Ṣāliḥ, amani imshukie,

آية: 13

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا

akawaambia: «Tahadharini kumgusa kwa ubaya ngamia ambaye ni miujiza ilioletwa na Mwenyezi Mungu kwenu inayoonyesha ukweli wa Nabii wenu, na msizuie kinywaji chake. Yeye ana siku yake ya kunywa na nyinyi mna siku yenu maalumu ya kunywa.» Hilo likawa zito kwao.

آية: 14

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا

Wakamkanusha na kulipuza onyo lake wakamchinja.Mola wao Akawafinika kwa adhabu, akaisawazisha juu yao na hakuna aliyeweza kuponyoka.

آية: 15

وَلَا يَخَافُ عُقۡبَٰهَا

Wala Haogopi, Mwenye uwezo uliotukuka, athari ya adhabu kali Aliywateremshia.