ترجمة معاني سورة المرسلات - الترجمة الطاجيكية - خوجه ميروف خوجه مير - موسوعة القرآن الكريم

سورة المرسلات - Сураи Мурсалот (Бодҳо)

آية: 1

وَٱلۡمُرۡسَلَٰتِ عُرۡفٗا

1. Аллоҳ савганд ёд мекунад: Савганд ба бодҳое, ки аз паи ҳам меоянд

آية: 2

فَٱلۡعَٰصِفَٰتِ عَصۡفٗا

2.ва савганд ба бодҳои сахти вазандаи ҳалоксозанда

آية: 3

وَٱلنَّٰشِرَٰتِ نَشۡرٗا

3. ва савганд ба фариштагоне, ки ба бодҳои бороновар ӯҳдадоранд, ҳар куҷо ки Аллоҳ хоҳад боронро мебаранд

آية: 4

فَٱلۡفَٰرِقَٰتِ فَرۡقٗا

4. ва савганд ба фариштагоне, ки ҷудокунандаанд ҳақро аз ботил ва ҳалолро аз ҳаром

آية: 5

فَٱلۡمُلۡقِيَٰتِ ذِكۡرًا

5. ва савганд ба фариштагоне, ки ваҳйи Илоҳиро аз назди Аллоҳ ба сӯи паёмбарон мефароранд,

آية: 6

عُذۡرًا أَوۡ نُذۡرًا

6. то ҳуҷҷатро барпо намоянд ё мардумро бим намоянд,

آية: 7

إِنَّمَا تُوعَدُونَ لَوَٰقِعٞ

7.ки ҳароина, он чӣ ба шумо аз амри рӯзи қиёмат ваъда дода шавад, воқеъ хоҳад шуд!^[3062]

[3062]Тафсири Бағавӣ 8\304

آية: 8

فَإِذَا ٱلنُّجُومُ طُمِسَتۡ

8.Пас, он гоҳ ки ситорагон нест ва хомӯш шаванд ва равшании онҳо аз байн равад

آية: 9

وَإِذَا ٱلسَّمَآءُ فُرِجَتۡ

9.ва он гоҳ ки осмон шикофта шавад

آية: 10

وَإِذَا ٱلۡجِبَالُ نُسِفَتۡ

10.ва он гоҳ ки кӯҳҳо пора-пора гарданд ва дар фазо барбод раванд ва ҳеҷ асаре аз онҳо боқӣ намонад

آية: 11

وَإِذَا ٱلرُّسُلُ أُقِّتَتۡ

11. ва он гоҳ ки паёмбаронро вақте муъайян шавад, ки миёни онҳо ва умматонашон доварӣ шавад.

آية: 12

لِأَيِّ يَوۡمٍ أُجِّلَتۡ

12. Пас гӯянд: барои кадом рӯз ин чизҳо мавқуф гузошта шуд?

آية: 13

لِيَوۡمِ ٱلۡفَصۡلِ

13. Онгоҳ гуфта шавад: барои рӯзи фасл, ки дар он миёни мардум мувофиқи аъмолашон доварӣ содир мешавад.

آية: 14

وَمَآ أَدۡرَىٰكَ مَا يَوۡمُ ٱلۡفَصۡلِ

14.Ва чӣ донӣ, ки рӯзи фасл ва шиддат ва сахтии он чист?

آية: 15

وَيۡلٞ يَوۡمَئِذٖ لِّلۡمُكَذِّبِينَ

15.Дар он рӯз вой (ҳалокӣ бод) бар дурӯғшуморандагон!^[3063]

[3063]Тафсири ибни Касир 8\298

آية: 16

أَلَمۡ نُهۡلِكِ ٱلۡأَوَّلِينَ

16. Оё ба сабаби дурӯғбароварданашон паёмбаронро умматони пешинаро монанди қавми Нӯҳ, Од ва Самуд ҳалок накардаем?

آية: 17

ثُمَّ نُتۡبِعُهُمُ ٱلۡأٓخِرِينَ

17. Баъд аз он умматони охиринро (аз куффори Макка ва амсоли онҳо, ки ҳазрати Муҳаммад саллаллоҳу алайҳи ва салламро дурӯғ мебароранд,) низ аз паи онҳо намебарем^[3064]?

[3064]Яъне, ҳалок намекунем.

آية: 18

كَذَٰلِكَ نَفۡعَلُ بِٱلۡمُجۡرِمِينَ

18.Бо гунаҳкорон чунин рафтор мекунем. Ин равиши мо дар мавриди онҳост.^[3065]

[3065] Тафсири Табарӣ 24\132

آية: 19

وَيۡلٞ يَوۡمَئِذٖ لِّلۡمُكَذِّبِينَ

19. Дар он рӯз вой (ҳалокӣ ва азоби сахт бод) бар дурӯғшуморандагон; касоне, ки ба ягонагии Аллоҳ ва рисолати паёмбарон ва ба рӯзи зинда шудани баъд аз марг ва ҳисоб бовар надоранд!

آية: 20

أَلَمۡ نَخۡلُقكُّم مِّن مَّآءٖ مَّهِينٖ

20. Оё эй кофирон, шуморо аз обе ҳақиру ночиз (нутфа) наёфаридаем?

آية: 21

فَجَعَلۡنَٰهُ فِي قَرَارٖ مَّكِينٍ

21.Ва онро дар ҷойгоҳе устувор қарор надодем, ки он бачадони зан аст

آية: 22

إِلَىٰ قَدَرٖ مَّعۡلُومٖ

22.то замоне муъайян, ки ҳамон замони ҳомиладорӣ аст?

آية: 23

فَقَدَرۡنَا فَنِعۡمَ ٱلۡقَٰدِرُونَ

23. Мо бар он кор тавоно будаем, пас Мо некӯ тавоно ҳастем!^[3066]

[3066] Тафсири Бағавӣ 8\305

آية: 24

وَيۡلٞ يَوۡمَئِذٖ لِّلۡمُكَذِّبِينَ

24.Дар он рӯзи қиёмат вой (ҳалокӣ ва азоби сахт бод) бар дурӯғшуморандагон, ки қудрати Моро дурӯғ мебароранд!

آية: 25

أَلَمۡ نَجۡعَلِ ٱلۡأَرۡضَ كِفَاتًا

25. Оё заминро ҷойгоҳи фарогире насохтем, ки ҳамаи шуморо фаро мегирад,

آية: 26

أَحۡيَآءٗ وَأَمۡوَٰتٗا

26.барои зиндагиву маргатон, ки зиндаҳо дар он зиндагӣ мекунанд ва мурдаҳо дар он дафн мешаванд?

آية: 27

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا

27.Дар он (замин) кӯҳҳои баланд падид овардем, то замин маҳкам гардад ва такон нахӯрад ва ба шумо оби ширин ва гуворо нӯшонидем.^[3067]

[3067] Тафсири Саъдӣ 1\904

آية: 28

وَيۡلٞ يَوۡمَئِذٖ لِّلۡمُكَذِّبِينَ

28. Дар он рӯзи қиёмат вой (ҳалокӣ ва азоби сахт бод) бар дурӯғшуморандагон ба ин неъматҳо!

آية: 29

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ

29. Рӯзи қиёмат барои кофирон гуфта мешавад: Биравед ба сӯи азоби дӯзах он чӣ дар дунё дурӯғаш мешумурдед.

آية: 30

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ

30. Биравед ба сӯи сояе аз дуди ҷаҳаннам, ки дорои сешоха аст,

آية: 31

لَّا ظَلِيلٖ وَلَا يُغۡنِي مِنَ ٱللَّهَبِ

31.ки он на сояи хунук аст ва на дар он рӯз ҳарорати оташро бозмедорад.

آية: 32

إِنَّهَا تَرۡمِي بِشَرَرٖ كَٱلۡقَصۡرِ

32.Ҳароина, ҷаҳаннам шарораҳое меафканад, ки дар бузургии худ монанди баландии қасри азим аст),

آية: 33

كَأَنَّهُۥ جِمَٰلَتٞ صُفۡرٞ

33.гӯё, ки он шарораҳо уштуроне сияҳтоби зардранг бошанд.^[3068]

[3068] Тафсири Табарӣ 24\139

آية: 34

وَيۡلٞ يَوۡمَئِذٖ لِّلۡمُكَذِّبِينَ

34. Дар он рӯзи қиёмат вой (ҳалокӣ ва азоби сахт бод) бар дурӯғшуморандагон, ки азоби Аллоҳро дурӯғ мебароранд!

آية: 35

هَٰذَا يَوۡمُ لَا يَنطِقُونَ

35. Ин қиёмат рӯзест, ки ҳеҷ кас аз дурӯғшуморандагон сухан нагӯянд.

آية: 36

وَلَا يُؤۡذَنُ لَهُمۡ فَيَعۡتَذِرُونَ

36.Онҳоро рухсат надиҳанд, то узр хоҳанд, зеро барояшон узре нест.^[3069]

[3069] Тафсири Табарӣ 24\142

آية: 37

وَيۡلٞ يَوۡمَئِذٖ لِّلۡمُكَذِّبِينَ

37. Дар он рӯзи қиёмат вой (ҳалокӣ ва азоби сахт бод) бар дурӯғшуморандагон, ки ин рӯзро ва он чӣ дар он аст дурӯғ мебароранд!

آية: 38

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ

38. Ин рӯз, рӯзи фасл аст, ки дар ин рӯз байни ҳақ ва ботил ҷудо мегардад ва шумо эй кофирони ин уммат ва кофирони пешиниёнатонро гирд меоварем.

آية: 39

فَإِن كَانَ لَكُمۡ كَيۡدٞ فَكِيدُونِ

39.Пас, агар ҳилае доред, ки худро аз азоб халос кунед, ба кор баред.^[3070]

[3070] Тафсири Саъдӣ 1\905

آية: 40

وَيۡلٞ يَوۡمَئِذٖ لِّلۡمُكَذِّبِينَ

40. Дар он рӯзи қиёмат вой (ҳалокӣ ва азоби сахт бод) бар дурӯғшуморандагон, ки рӯзи қиёматро дурӯғ мебароранд)!

آية: 41

إِنَّ ٱلۡمُتَّقِينَ فِي ظِلَٰلٖ وَعُيُونٖ

41. Ҳароина, парҳезгорон, ки дар дунё аз азоби Правардигорашон тарсиданд ва фармудаҳояшро ба ҷо оварданд ва аз манъкардҳояш дур истоданд, дар сояҳо ва канори чашмасоронанд,

آية: 42

وَفَوَٰكِهَ مِمَّا يَشۡتَهُونَ

42. Ва аз ҳар мевае, ки орзу кунанд, баҳра мебаранд.

آية: 43

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ

43. Барояшон гуфта мешавад: Ба подоши корҳое, ки дар дунё аз амалҳои шоиста мекардаед, бо лаззату гуворо бихӯред ва биёшомед.

آية: 44

إِنَّا كَذَٰلِكَ نَجۡزِي ٱلۡمُحۡسِنِينَ

44.Ҳароина, Мо некӯкоронро инчунин подош медиҳем!

آية: 45

وَيۡلٞ يَوۡمَئِذٖ لِّلۡمُكَذِّبِينَ

45.Дар он рӯзи қиёмат вой (ҳалокӣ ва азоби сахт бод) бар дурӯғшуморандагон, ки рӯзи ҳисобу ҷазоро ва он чӣ дар он аст аз неъматҳо ва азобҳо дурӯғ мебароранд!^[3071]

[3071] Тафсири Табарӣ 24\143

آية: 46

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ

46. Сипас Аллоҳ кофиронро таҳдид карда гуфтааст: Бихӯреду андак баҳрае баргиред дар дунё, ки ҳароина, шумо гунаҳкоронед ба сабабе, ки ба Аллоҳи якто шарик меовардед.^[3072]

[3072] Тафсири Бағавӣ 8\308

آية: 47

وَيۡلٞ يَوۡمَئِذٖ لِّلۡمُكَذِّبِينَ

47. Дар он рӯзи қиёмат вой (ҳалокӣ ва азоби сахт бод) бар дурӯғшуморандагон, ки рӯзи ҳисобу ҷазоро дурӯғ мебароранд.

آية: 48

وَإِذَا قِيلَ لَهُمُ ٱرۡكَعُواْ لَا يَرۡكَعُونَ

48. Ва чун барои мушрикон гуфта шавад, ки намоз гузоред ва рукӯъ кунед, намоз намегузоранд ва рукӯъ намекунанд, балки такаббур меварзанд.^[3073]

[3073] Тафсири ибни Касир

آية: 49

وَيۡلٞ يَوۡمَئِذٖ لِّلۡمُكَذِّبِينَ

49. Дар он рӯзи қиёмат вой (ҳалокӣ ва азоби сахт бод) бар дурӯғшуморандагон, ки мӯъҷизаҳои Аллоҳро дурӯғ мебароранд!

آية: 50

فَبِأَيِّ حَدِيثِۭ بَعۡدَهُۥ يُؤۡمِنُونَ

50. Агар ба ин Қуръон имон наоварданд, пас, аз Қуръон ба кадом сухан имон меоваранд? Ҳол он ки Қуръон худ мӯъҷиза ва баёнкунандаи ҳама чизҳост ва аҳкому хабарҳояш равшан аст.