ترجمة معاني سورة البروج - الترجمة التلغوية - عبد الرحيم بن محمد - موسوعة القرآن الكريم

سورة البروج - సూరహ్ అల్-బురూజ్

آية: 1

وَالسَّمَآءِ ذَاتِ الْبُرُوْجِ ۟ۙ

విస్తారమైన తారాగణం గల ఆకాశం సాక్షిగా!^[1]

[1] చూడండి, 25:61.

آية: 2

وَالْیَوْمِ الْمَوْعُوْدِ ۟ۙ

వాగ్దానం చేయబడిన (పునరుత్థాన) దినం సాక్షిగా!

آية: 3

وَشَاهِدٍ وَّمَشْهُوْدٍ ۟ؕ

చూచేదాని (దినం) మరియు చూడబడే దాని (దినం) సాక్షిగా!^[1]

[1] ఈ ఆయతు వ్యాఖ్యానంలో భేదాభిప్రాయాలున్నాయి. ఇమామ్ షౌకాని ఒక 'హదీస్' ఆధారంగా అన్నారు: షాహిదున్: అంటే జుము'అహ్ దినం. ఆరోజు విశ్వాసి చేసిన పని, పునరుత్థాన దినమున దానికి సాక్ష్యమిస్తుంది. మష్ హూదున్ : అంటే 9వ జు'ల్ 'హజ్జ్, 'అరఫాత్ దినం. ఏ రోజైతే ముస్లింలు 'హజ్ కొరకు సమావేశమవుతారో! మరొక తాత్పర్యం: "అంతా చేసే ఆయన, అల్లాహుతా'ఆలా సాక్షిగా మరియు ఆయన సాక్షిగా నిలిపేవాని సాక్షిగా!"

آية: 4

قُتِلَ اَصْحٰبُ الْاُخْدُوْدِ ۟ۙ

అగ్ని కందకం (ఉఖూద్) వారు నాశనం చేయబడ్డారు.^[1]

[1] పైన పేర్కొన్నట్లు నజ్ రాన్ లోని సత్యతిరస్కారులు, ఆ కాలపు విశ్వాసులను ఒక అగ్ని కందకంలో త్రోసి చంపేవారు.

آية: 5

النَّارِ ذَاتِ الْوَقُوْدِ ۟ۙ

ఇంధనంతో తీవ్రంగా మండే అగ్నిని రాజేసేవారు.

آية: 6

اِذْ هُمْ عَلَیْهَا قُعُوْدٌ ۟ۙ

వారు దాని (ఆ కందకం) అంచుపై కూర్చొని ఉన్నప్పుడు;^[1]

[1] విశ్వాసులను అగ్నిలో వేసి వారు (సత్యతిరస్కారులు) చూసి ఆనందించేవారు.

آية: 7

وَّهُمْ عَلٰی مَا یَفْعَلُوْنَ بِالْمُؤْمِنِیْنَ شُهُوْدٌ ۟ؕ

మరియు తాము విశ్వాసుల పట్ల చేసే ఘోర కార్యాలను (సజీవ దహనాలను) తిలకించేవారు.

آية: 8

وَمَا نَقَمُوْا مِنْهُمْ اِلَّاۤ اَنْ یُّؤْمِنُوْا بِاللّٰهِ الْعَزِیْزِ الْحَمِیْدِ ۟ۙ

మరియు వారు విశ్వాసుల పట్ల కసి పెంచుకోవడానికి కారణం - వారు (విశ్వాసులు) సర్వశక్తిమంతుడు, సర్వ స్తోత్రాలకు అర్హుడైన - అల్లాహ్ ను విశ్వసించడం మాత్రమే!

آية: 9

الَّذِیْ لَهٗ مُلْكُ السَّمٰوٰتِ وَالْاَرْضِ ؕ— وَاللّٰهُ عَلٰی كُلِّ شَیْءٍ شَهِیْدٌ ۟ؕ

ఆయనే! ఎవరికైతే భూమ్యాకాశాల ఆధిపత్యం ఉందో! మరియు అల్లాహ్ యే ప్రతిదానికి సాక్షి.

آية: 10

اِنَّ الَّذِیْنَ فَتَنُوا الْمُؤْمِنِیْنَ وَالْمُؤْمِنٰتِ ثُمَّ لَمْ یَتُوْبُوْا فَلَهُمْ عَذَابُ جَهَنَّمَ وَلَهُمْ عَذَابُ الْحَرِیْقِ ۟ؕ

ఎవరైతే విశ్వాసులైన పురుషులను మరియు విశ్వాసులైన స్త్రీలను హింసిస్తారో, ఆ తరువాత పశ్చాత్తాపంతో క్షమాపణ కోరరో! నిశ్చయంగా, అలాంటి వారికి నరకశిక్ష ఉంటుంది. మరియు వారికి మండే నరకాగ్ని శిక్ష విధించబడుతుంది.

آية: 11

اِنَّ الَّذِیْنَ اٰمَنُوْا وَعَمِلُوا الصّٰلِحٰتِ لَهُمْ جَنّٰتٌ تَجْرِیْ مِنْ تَحْتِهَا الْاَنْهٰرُ ؕ— ذٰلِكَ الْفَوْزُ الْكَبِیْرُ ۟ؕ

నిశ్చయంగా, విశ్వసించి సత్కార్యాలు చేసేవారి కొరకు క్రింద సెలయేళ్ళు ప్రవహించే స్వర్గవనాలు ఉంటాయి^[1]. అదే గొప్ప విజయం.

[1] ఖుర్ఆన్ అవతరణా క్రమంలో స్వర్గవనాలను గురించి ఇక్కడ మొదటి సారి వచ్చింది.

آية: 12

اِنَّ بَطْشَ رَبِّكَ لَشَدِیْدٌ ۟ؕ

నిశ్చయంగా, నీ ప్రభువు యొక్క పట్టు (శిక్ష) చాలా కఠినమైనది.^[1]

[1] ఆయన మొదట వ్యవధినిస్తాడు. ఇక శిక్షించటానికి పట్టుకొన్నప్పుడు, ఆయన పట్టు నుండి ఎవ్వరూ తప్పించుకోలేరు మరియు ఎవ్వరూ తప్పించజాలరు కూడానూ!

آية: 13

اِنَّهٗ هُوَ یُبْدِئُ وَیُعِیْدُ ۟ۚ

నిశ్చయంగా, ఆయనే (సృష్టిని) ఆరంభించేవాడు మరియు ఆయనే (దానిని) మరల ఉనికిలోకి తెచ్చేవాడు.

آية: 14

وَهُوَ الْغَفُوْرُ الْوَدُوْدُ ۟ۙ

మరియు ఆయన క్షమాశీలుడు, అమిత వాత్సల్యుడు.

آية: 15

ذُو الْعَرْشِ الْمَجِیْدُ ۟ۙ

సింహాసనాన్ని (అర్ష్ ను) అధిష్టించిన వాడు,^[1] మహత్త్వపూర్ణుడు.^[2]

[1] సింహాసనాధీశుడు, చూడండి, 7:54.
[2] చూడండి, అల్లాహుతా'ఆలాను సంబోధించిన సందర్భానికి, 11:73 అల్-మజీదు: వైభవం గలవాడు, ప్రభావం, ప్రతాపం విశిష్టత, దివ్యుడు, మహిమాన్వితుడు, మహత్త్వపూర్ణుడు. .

آية: 16

فَعَّالٌ لِّمَا یُرِیْدُ ۟ؕ

తాను తలచింది చేయగలవాడు.

آية: 17

هَلْ اَتٰىكَ حَدِیْثُ الْجُنُوْدِ ۟ۙ

ఏమీ? సైన్యాల వారి సమాచారం నీకు అందిందా?

آية: 18

فِرْعَوْنَ وَثَمُوْدَ ۟ؕ

ఫిర్ఔన్ మరియు సమూద్ వారి (సైన్యాల).

آية: 19

بَلِ الَّذِیْنَ كَفَرُوْا فِیْ تَكْذِیْبٍ ۟ۙ

అలా కాదు, సత్యతిరస్కారులు (సత్యాన్ని) తిరస్కరించుటలో నిమగ్నులై ఉన్నారు.

آية: 20

وَّاللّٰهُ مِنْ وَّرَآىِٕهِمْ مُّحِیْطٌ ۟ۚ

మరియు అల్లాహ్ వారిని వెనుక (ప్రతి దిక్కు) నుండి చుట్టుముట్టి ఉన్నాడు.

آية: 21

بَلْ هُوَ قُرْاٰنٌ مَّجِیْدٌ ۟ۙ

వాస్తవానికి, ఇది ఒక దివ్యమైన^[1] ఖుర్ఆన్.

[1] చూడండి, ఖుర్ఆన్ సంబోధించిన సందర్భానికి, 50:1.

آية: 22

فِیْ لَوْحٍ مَّحْفُوْظٍ ۟۠

సురక్షితమైన ఫలకం (లౌహె మహ్ ఫూజ్)^[1] లో (వ్రాయబడి) ఉన్నది.

[1] చూడండి, 13:39 మరియు 43:4. ఉమ్ముల్-కితాబ్, అంటే లౌ'హె మ'హ్ ఫూ"జ్. సురక్షితమైన ఫలకం, మూలగ్రంథం. అంటే యధస్థితిలో, భద్రంగా ఉంచబడిన గ్రంథం.