অৰ্থানুবাদ ছুৰা ছুৰা আশ্ব-শ্বাৰাহ - ছাৱাহিলী অনুবাদ- আলী মুহছিন আল-বিৰৱানী - আল-কোৰআনুল কাৰীমৰ বিশ্বকোষ

Surat Ash-Sharh

আয়াত: 1

أَلَمۡ نَشۡرَحۡ لَكَ صَدۡرَكَ

Hatukukunjulia kifua chako?

Hakika tumekukunjulia kifua chako kwa kuwa tulitia ndani yake Uwongofu na Imani.

আয়াত: 2

وَوَضَعۡنَا عَنكَ وِزۡرَكَ

Na tukakuondolea mzigo wako!

Na tumekupunguzia mizigo iliyo kuwa mizito juu ya mgongo wako, kwa kukuunga mkono na kukusahilishia mambo yako,

আয়াত: 3

ٱلَّذِيٓ أَنقَضَ ظَهۡرَكَ

Ulio vunja mgongo wako?

Ambayo yalikuwa ni mazito juu ya mgongo wako.

আয়াত: 4

وَرَفَعۡنَا لَكَ ذِكۡرَكَ

Na tukakunyanyulia utajo wako?

Na tumelitukuza jina lako, tukalifanya linatajwa na ulimi wa kila Muumini pamoja na jina letu.

আয়াত: 5

فَإِنَّ مَعَ ٱلۡعُسۡرِ يُسۡرًا

Basi kwa hakika pamoja na uzito upo wepesi!

Hizo ni baadhi ya neema zetu juu yako. Basi kuwa na yakini na uweza wa Mwenyezi Mtukufu, kwani pamoja na uzito upo wepesi mwingi unao kuja nao.

আয়াত: 6

إِنَّ مَعَ ٱلۡعُسۡرِ يُسۡرٗا

Hakika pamoja na uzito upo wepesi.

Hakika pamoja na uzito (wakati huo huo ijapo kuwa wewe hujui), upo wepesi mwingi vile vile.

আয়াত: 7

فَإِذَا فَرَغۡتَ فَٱنصَبۡ

Na ukipata faragha, fanya juhudi.

Basi ukipata nafasi katika kazi ya kuwalingania watu, na mambo yaliyo khusiana na Jihadi, endelea na jitihada ya ibada na jishughulishe nafsi yako katika hayo.

আয়াত: 8

وَإِلَىٰ رَبِّكَ فَٱرۡغَب

Na Mola wako Mlezi ndio mshughulikie.

Kwa Mola wako Mlezi tu ndio uelekee kwa kumwomba na kumhitajia.