Mənaların tərcüməsi Surə əl-Leyl - Səvahili dilinə tərcümə - Abdullah Məhəmməd və Nasir Xamis - Qurani Kərim ensiklopediyası

Surat Al-Lail

Ayə: 1

وَٱلَّيۡلِ إِذَا يَغۡشَىٰ

Mwenyezi Mungu Anaapa kwa usiku unapoifinika ardhi na vilivyoko juu yake kwa giza lake.

Ayə: 2

وَٱلنَّهَارِ إِذَا تَجَلَّىٰ

Na kwa mchana unapofunuka mwangaza wake kutoka kwenye giza la usiku.

Ayə: 3

وَمَا خَلَقَ ٱلذَّكَرَ وَٱلۡأُنثَىٰٓ

Na kwa kuumba mbea mbili: ya kiume na ya kike,

Ayə: 4

إِنَّ سَعۡيَكُمۡ لَشَتَّىٰ

Kuwa vitendo vyenu vinatofautiana: kuna wenye kufanyia dunia na wenye kufanyia Akhera.

Ayə: 5

فَأَمَّا مَنۡ أَعۡطَىٰ وَٱتَّقَىٰ

Ama mwenye kutoa kwenye mali yake, akamcha Mwenyezi Mungu katika huko kutoa,

Ayə: 6

وَصَدَّقَ بِٱلۡحُسۡنَىٰ

akaamini «Lā Ilāha Illā Allāh» na yanayotakiwa na Imani hiyo na akaamini malipo yanayofungamana nayo,

Ayə: 7

فَسَنُيَسِّرُهُۥ لِلۡيُسۡرَىٰ

Tutamuongoza na kumuafikia njia za kheri na wema na kumsahilishia mambo yake.

Ayə: 8

وَأَمَّا مَنۢ بَخِلَ وَٱسۡتَغۡنَىٰ

Na ama mwenye kuyafanyia ubakhili mali yake, asiwe na haja ya malipo ya Mola wake,

Ayə: 9

وَكَذَّبَ بِٱلۡحُسۡنَىٰ

akakanusha neno la «Lā Ilāha Illā Allāh» na yanayotakiwa na neno hilo na akakanusha malipo yanayofungamana nalo,

Ayə: 10

فَسَنُيَسِّرُهُۥ لِلۡعُسۡرَىٰ

Tutamnyoshea njia za mateso.

Ayə: 11

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ

Wala hayatamfaa yeye mali yake aliyoyafanyia ubakhili atakapotumbukia Motoni.

Ayə: 12

إِنَّ عَلَيۡنَا لَلۡهُدَىٰ

Ni juu Yetu, kwa fadhila Zetu na busara Yetu, kueleza njia ya uongofu yenye kufikisha kwa Mwenyezi Mungu na ya upotevu.

Ayə: 13

وَإِنَّ لَنَا لَلۡأٓخِرَةَ وَٱلۡأُولَىٰ

Na Sisi Tuna mamlaka ya maisha ya Akhera na maisha ya ulimwenguni.

Ayə: 14

فَأَنذَرۡتُكُمۡ نَارٗا تَلَظَّىٰ

Ndipo nikawaonya , enyi watu, na kuwatisha moto wenye kuwaka, nao ni moto wa Jahanamu.

Ayə: 15

لَا يَصۡلَىٰهَآ إِلَّا ٱلۡأَشۡقَى

Hataingia Moto huo isipokuwa aliyekuwa mbaya sana. Mwenye kumkanusha Nabii Muhammad, rehema ya Mwenyezi Mungu na amani zimshukie,

Ayə: 16

ٱلَّذِي كَذَّبَ وَتَوَلَّىٰ

na akakataa kumwamini na kumtii Mwenyezi Mungu na Mtume wake.

Ayə: 17

وَسَيُجَنَّبُهَا ٱلۡأَتۡقَى

Na ataepushwa nao mchaji Mwenyezi Mungu sana.

Ayə: 18

ٱلَّذِي يُؤۡتِي مَالَهُۥ يَتَزَكَّىٰ

Ambaye hutoa mali yake kwa kutaka nyongeza za kheri

Ayə: 19

وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ

kutoa Kwake si kwa kulipa zema alizofanyiwa na mtu.

Ayə: 20

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ

Lakini anatoa kwa kutaka uso wa Mola wake na radhi zake. Basi Mwenyezi Mungu atampa,

Ayə: 21

وَلَسَوۡفَ يَرۡضَىٰ

huko Peponi, malipo ya kumridhisha.