অর্থসমূহের অনুবাদ সূরা সূরা আল-লাইল - অসমীয়া ভাষায় অনুবাদ - আল-কুরআনুল কারীম বিশ্বকোষ

ছুৰা আল-লাইল

আয়াত: 1

وَالَّیْلِ اِذَا یَغْشٰی ۟ۙ

শপত ৰাতিৰ, যেতিয়া ই আচ্ছন্ন কৰে,

আয়াত: 2

وَالنَّهَارِ اِذَا تَجَلّٰی ۟ۙ

শপত দিনৰ, যেতিয়া ই উজ্জ্বল হয়,

আয়াত: 3

وَمَا خَلَقَ الذَّكَرَ وَالْاُ ۟ۙ

আৰু শপত সেই সত্ত্বাৰ, যিজনে নৰ আৰু নাৰীক সৃষ্টি কৰিছে।

আয়াত: 4

اِنَّ سَعْیَكُمْ لَشَتّٰی ۟ؕ

নিশ্চয় তোমালোকৰ কৰ্মপ্ৰচেষ্টা বিভিন্ন প্ৰকৃতিৰ।

আয়াত: 5

فَاَمَّا مَنْ اَعْطٰی وَاتَّقٰی ۟ۙ

এতেকে যিয়ে দান কৰে আৰু তাক্বৱা অৱলম্বন কৰে,

আয়াত: 6

وَصَدَّقَ بِالْحُسْنٰی ۟ۙ

লগতে যি উত্তম তাক সত্য বুলি গ্ৰহণ কৰে,

আয়াত: 7

فَسَنُیَسِّرُهٗ لِلْیُسْرٰی ۟ؕ

শীঘ্ৰেই আমি তাৰ বাবে সুগম কৰি দিম (জান্নাতৰ) সহজ পথ।

আয়াত: 8

وَاَمَّا مَنْ بَخِلَ وَاسْتَغْنٰی ۟ۙ

আনহাতে যিয়ে কৃপণালি কৰে আৰু নিজকে স্বয়ংসম্পূৰ্ণ বুলি ভাবে,

আয়াত: 9

وَكَذَّبَ بِالْحُسْنٰی ۟ۙ

লগতে যি উত্তম তাক অস্বীকাৰ কৰে,

আয়াত: 10

فَسَنُیَسِّرُهٗ لِلْعُسْرٰی ۟ؕ

শীঘ্ৰেই আমি তাৰ বাবে সুগম কৰি দিম (জাহান্নামৰ) কঠিন পৰিণামৰ পথ।

আয়াত: 11

وَمَا یُغْنِیْ عَنْهُ مَالُهٗۤ اِذَا تَرَدّٰی ۟ؕ

যেতিয়া সি ধ্বংস হ’ব, তেতিয়া তাৰ সম্পদ কোনো কামত নাহিব।

আয়াত: 12

اِنَّ عَلَیْنَا لَلْهُدٰی ۟ؗۖ

নিশ্চয় পথপ্ৰদৰ্শন কৰাটোৱে হৈছে আমাৰ কৰ্তব্য।

আয়াত: 13

وَاِنَّ لَنَا لَلْاٰخِرَةَ وَالْاُوْلٰی ۟

নিশ্চয় আমিয়েই পৰকাল আৰু ইহকালৰ মালিক।

আয়াত: 14

فَاَنْذَرْتُكُمْ نَارًا تَلَظّٰی ۟ۚ

এতেকে আমি তোমালোকক লেলিহান জুই সম্পৰ্কে সতৰ্ক কৰি দিছোঁ।

আয়াত: 15

لَا یَصْلٰىهَاۤ اِلَّا الْاَشْقَی ۟ۙ

তাত প্ৰৱেশ কৰিব কেৱল সেই ব্যক্তি, যিজন হ’ব চৰম দুৰ্ভগীয়া,

আয়াত: 16

الَّذِیْ كَذَّبَ وَتَوَلّٰی ۟ؕ

যিয়ে অস্বীকাৰ কৰিছে আৰু মুখ ঘূৰাই লৈছে।

আয়াত: 17

وَسَیُجَنَّبُهَا الْاَتْقَی ۟ۙ

আৰু ইয়াৰ পৰা দুৰৈত ৰখা হ’ব পৰম মুত্তাক্বী ব্যক্তিক,

আয়াত: 18

الَّذِیْ یُؤْتِیْ مَالَهٗ یَتَزَكّٰی ۟ۚ

যিয়ে আত্মশুদ্ধিৰ বাবে নিজৰ সম্পদ দান কৰে,

আয়াত: 19

وَمَا لِاَحَدٍ عِنْدَهٗ مِنْ نِّعْمَةٍ تُجْزٰۤی ۟ۙ

আৰু তাৰ প্ৰতি কাৰো এনে অনুগ্ৰহ নাই যাৰ প্ৰতিদান দিব লাগিব,

আয়াত: 20

اِلَّا ابْتِغَآءَ وَجْهِ رَبِّهِ الْاَعْلٰی ۟ۚ

কেৱল তাৰ মহান প্ৰতিপালকৰ সন্তুষ্টিৰ প্ৰত্যাশাত;

আয়াত: 21

وَلَسَوْفَ یَرْضٰی ۟۠

আৰু অনতিপলমে তেওঁ সন্তুষ্টি লাভ কৰিব।