অর্থসমূহের অনুবাদ সূরা সূরা আদ-দুহা - অসমীয়া ভাষায় অনুবাদ - আল-কুরআনুল কারীম বিশ্বকোষ

ছুৰা আদ-জুহা

আয়াত: 1

وَالضُّحٰی ۟ۙ

পূৰ্বাহ্নৰ শপত,

আয়াত: 2

وَالَّیْلِ اِذَا سَجٰی ۟ۙ

শপত ৰাতিৰ, যেতিয়া ই অন্ধকাৰাচ্ছন্ন হয়।

আয়াত: 3

مَا وَدَّعَكَ رَبُّكَ وَمَا قَلٰی ۟ؕ

তোমাৰ প্ৰতিপালকে তোমাক পৰিত্যাগ কৰা নাই আৰু অসন্তুষ্টও হোৱা নাই।

আয়াত: 4

وَلَلْاٰخِرَةُ خَیْرٌ لَّكَ مِنَ الْاُوْلٰی ۟ؕ

নিশ্চয় তোমাৰ বাবে পৰবৰ্তী সময় পূৰ্বৱৰ্তী সময়তকৈ উত্তম।

আয়াত: 5

وَلَسَوْفَ یُعْطِیْكَ رَبُّكَ فَتَرْضٰی ۟ؕ

নিশ্চয় অনতিপলমে তোমাৰ প্ৰতিপালকে তোমাক (এনেকুৱা) অনুগ্ৰহ প্ৰদান কৰিব, যাৰ ফলত তুমি সন্তুষ্ট হ’বা।

আয়াত: 6

اَلَمْ یَجِدْكَ یَتِیْمًا فَاٰوٰی ۪۟

তেওঁ তোমাক অনাথ অৱস্থাত পোৱা নাছিলনে? তাৰ পিছত তেৱেঁই তোমাক আশ্ৰয় দিছে।

আয়াত: 7

وَوَجَدَكَ ضَآلًّا فَهَدٰی ۪۟

আৰু তেওঁ তোমাক পাইছিল পথহাৰা অৱস্থাত, তাৰ পিছত তেৱেঁই তোমাক পথনিৰ্দেশ দিছে।

আয়াত: 8

وَوَجَدَكَ عَآىِٕلًا فَاَغْنٰی ۟ؕ

আৰু তেওঁ তোমাক পাইছিল সম্বলহীন দৰিদ্ৰৰূপে, তাৰ পিছত তেৱেঁই অভাৱমুক্ত কৰিলে।

আয়াত: 9

فَاَمَّا الْیَتِیْمَ فَلَا تَقْهَرْ ۟ؕ

এতেকে তুমি এতীমৰ (অনাথৰ) প্ৰতি কঠোৰ নহ’বা।

আয়াত: 10

وَاَمَّا السَّآىِٕلَ فَلَا تَنْهَرْ ۟ؕ

আৰু ভিখাৰীক ধমক নিদিবা।

আয়াত: 11

وَاَمَّا بِنِعْمَةِ رَبِّكَ فَحَدِّثْ ۟۠

আৰু তোমাৰ প্ৰতিপালকৰ অনুগ্ৰহৰ কথা প্ৰচাৰ কৰা।