অর্থসমূহের অনুবাদ সূরা সূরা আল-মুতাফফিফীন - ইয়াও ভাষায় অনুবাদ - আল-কুরআনুল কারীম বিশ্বকোষ

Al-Mutwaffifîn

আয়াত: 1

وَيۡلٞ لِّلۡمُطَفِّفِينَ

Ipotesi ni yao ŵakupuungusya (miliingo).

আয়াত: 2

ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ

Aŵala ŵaakutiji naga ndema jaakulilinjila ku ŵandu (pakwasuma indu yao) akasaligumbachisyaga.

আয়াত: 3

وَإِذَا كَالُوهُمۡ أَو وَّزَنُوهُمۡ يُخۡسِرُونَ

Nambo pa ndema jaakwaaliinjila (ŵanduo) kapena kwapimila (pakwasumisya indu) akupungusyaga.

আয়াত: 4

أَلَا يَظُنُّ أُوْلَٰٓئِكَ أَنَّهُم مَّبۡعُوثُونَ

Ana ngakuganisya ŵanganyao yanti chachiukulidwa (m’malembe);

আয়াত: 5

لِيَوۡمٍ عَظِيمٖ

Pa Lisiku Lyekulungwa nnope;

আয়াত: 6

يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ

Lisiku lyatachijima ŵandu pameso pa M’mbuje jwa iwumbe yosope?

আয়াত: 7

كَلَّآ إِنَّ كِتَٰبَ ٱلۡفُجَّارِ لَفِي سِجِّينٖ

Yakuona! Chisimu yakulembedwa ya (masengo ga) ŵandu ŵakusakasya nnope ili mu Sijjin.

আয়াত: 8

وَمَآ أَدۡرَىٰكَ مَا سِجِّينٞ

Ana ni chichi champaka chimmanyisye ya Sijjin?

আয়াত: 9

كِتَٰبٞ مَّرۡقُومٞ

Chele ni chitabu (chekulungwa) chachilembedwe (nkati mwakwe yakusakalape).

আয়াত: 10

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

আয়াত: 11

ٱلَّذِينَ يُكَذِّبُونَ بِيَوۡمِ ٱلدِّينِ

Aŵala ŵakukanila ya Lisiku Lyamalipilo.

আয়াত: 12

وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ

Ni pangali jwampaka alikanile lyalakwelyo ikaŵeje jwalijose jwakusumba mpika jwasambi syejinji.

আয়াত: 13

إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ

Pandema jakusoomedwa kukwakwe ma Ȃya Getu akasatiji: “Asi ni adisiadisi sya ŵandu ŵandanda.”

আয়াত: 14

كَلَّاۖ بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ

Ngwamba! Nambo kuti m’mitima mwao mwana nkuwo wa (ilemwa) yaaŵele ali nkupanganya.^[1]

(83:1) Akusimulila Abȗ Hurairah رضى الله عنه yanti: Ntenga jwa Allah ﷺ jwatite: “Chisimu kapolo (mundu) naga juli jutesile yasambi, kakasadondechelaga mu ntima mwakwe kadondo kepiliwu. Sano naga juli julesile (kutenda yasambiyo), ni kum’benda Allah chikululuko, ni kutenda toba, ntima wakwe ukasakwechedwaga (nikutyoka kadondo kepiliwu kala). Nambo naga kuwujawuja, basi kakasajonjechesyaga (kadondoko) mpaka kuwujenela ntima wosope. Jele ni Ar-Rân (nkuwo) jajisasile Allah pa jele Ȃyaji.” At-Tirmidhî, Hadith No. 3334).

আয়াত: 15

كَلَّآ إِنَّهُمۡ عَن رَّبِّهِمۡ يَوۡمَئِذٖ لَّمَحۡجُوبُونَ

Yakuona! Chisimu ŵanganyao lyele lisikulyo kwa M’mbuje gwao (Allah) tachisiŵilidwa (mwanti ngaaja kum’bona).

আয়াত: 16

ثُمَّ إِنَّهُمۡ لَصَالُواْ ٱلۡجَحِيمِ

Kaneka chisimu ŵanganyao tachiujinjila Moto Waukali.

আয়াত: 17

ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ

Kaneko ni kuchiŵechetedwa kuti: “Ayi ni ayilayila yamwaliji nkuikanila.”

আয়াত: 18

كَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ

Yakuona! Chisimu yakulembedwa ya (masengo ga) atenda ngoto ili mu Illiyyun.

আয়াত: 19

وَمَآ أَدۡرَىٰكَ مَا عِلِّيُّونَ

Ana ni chichi champaka chimmanyisye ya Illiyyun?

আয়াত: 20

كِتَٰبٞ مَّرۡقُومٞ

Chalakwecho ni chitabu (chekulungwa) chachilembedwe (nkati mwakwe yambonepe).

আয়াত: 21

يَشۡهَدُهُ ٱلۡمُقَرَّبُونَ

Akuchiŵichilaga umboni (Achimalaika) ŵaŵandichisyidwe (kwa Allah).

আয়াত: 22

إِنَّ ٱلۡأَبۡرَارَ لَفِي نَعِيمٍ

Chisimu atenda ngoto tachiŵa m’chindimba (mu Mbepo Jakusengwasya).

আয়াত: 23

عَلَى ٱلۡأَرَآئِكِ يَنظُرُونَ

Ali pachanya pa indanda yetandiche chenene aku achilolaga (ku chindimba chaŵapele ni kum'bona soni Allah).

আয়াত: 24

تَعۡرِفُ فِي وُجُوهِهِمۡ نَضۡرَةَ ٱلنَّعِيمِ

Tinchikumanyilila pangope syao kumelemenda kwa chindimba.

আয়াত: 25

يُسۡقَوۡنَ مِن رَّحِيقٖ مَّخۡتُومٍ

Takamwesyedweje nkologo wambone nnope wesiŵe (ni isiŵilo yakulimbangana).

আয়াত: 26

خِتَٰمُهُۥ مِسۡكٞۚ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ

Kumbesi kwa kumwako (chikukanunjileje luwumba lwa) miski. Sano kuti akaipate yele basi apikisane akupikisana (pakutenda yambone).

আয়াত: 27

وَمِزَاجُهُۥ مِن تَسۡنِيمٍ

Soni chakuwanganyichisya chakwe (nkologowo chigakaŵe) mesi gakuumila mu Tasnim.

আয়াত: 28

عَيۡنٗا يَشۡرَبُ بِهَا ٱلۡمُقَرَّبُونَ

Jwalakwejo ni tutumule jwachakamweje (ŵandu) ŵakuŵandichisyidwa (kwa Allah).

আয়াত: 29

إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ

Chisimu (ku duniya) ŵandu ŵaŵanneŵele (Allah) ŵaliji nkwaseka ŵandu ŵakulupilila.

আয়াত: 30

وَإِذَا مَرُّواْ بِهِمۡ يَتَغَامَزُونَ

Mwanti ndema jaŵaliji nkupita (ŵakulupililao) paali ŵanganyao ŵaliji nkukupililana meso (mwakuchembulusya).

আয়াত: 31

وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ

Sano naga atite agalauche kuja kwaachin'jao ŵagalaukaga ali nkusengwa (ligongo lya kuchembulusya kwao).

আয়াত: 32

وَإِذَا رَأَوۡهُمۡ قَالُوٓاْ إِنَّ هَٰٓؤُلَآءِ لَضَآلُّونَ

Soni naga ali ŵawenimo ŵatiji: “Chisimu ŵanganyaŵa ni ŵali ŵakupotela nnope.”

আয়াত: 33

وَمَآ أُرۡسِلُواْ عَلَيۡهِمۡ حَٰفِظِينَ

Nambotu (achimakafilio) nganatumisyidwa kuŵa ŵakwalolela (Asilamu nikusunga itendo yao).

আয়াত: 34

فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ

Nambo lelojino (lisiku lya Kiyama) ŵandu ŵaŵakulupilile chaŵe ali nkugaseka makafili.

আয়াত: 35

عَلَى ٱلۡأَرَآئِكِ يَنظُرُونَ

Ali pachanya pa indanda yetandiche chenene aku achigalolaga (makafiligo galinkulagasika).

আয়াত: 36

هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ

Ana alipiidwe achimakafili pa yaŵaliji nkutenda!?