Prijevod značenja časnog Kur'ana - Prijevod na urdu jezik * - Sadržaj prijevodā

XML CSV Excel API
Please review the Terms and Policies

Prijevod značenja Sura: Sura Abese   Ajet:

سورۂ عبَسْ

عَبَسَ وَتَوَلّٰۤی ۟ۙ
وه ترش رو ہوا اور منھ موڑ لیا.
Tefsiri na arapskom jeziku:
اَنْ جَآءَهُ الْاَعْمٰى ۟ؕ
(صرف اس لئے) کہ اس کے پاس ایک نابینا آیا.(1)
(1) ابن ام مکتوم سےنبی (صلى الله عليه وسلم) کے چہرے پر جو ناگواری کے اثرات ظاہر ہوئے، اسے عَبَسَ سے اور توجہی کو تَوَلَّى ٰ سے تعبیر فرمایا۔
Tefsiri na arapskom jeziku:
وَمَا یُدْرِیْكَ لَعَلَّهٗ یَزَّ ۟ۙ
تجھے کیا خبر شاید وه سنور جاتا.(1)
(1) یعنی وہ نابینا تجھ سے دینی رہنمائی حاصل کرکے عمل صالح کرتا جس سے اس کا اخلا ق وکردار سنور جاتا، اس کے باطن کی اصلاح ہو جاتی اور تیری نصیحت سننے سے اس کو فائدہ ہوتا۔
Tefsiri na arapskom jeziku:
اَوْ یَذَّكَّرُ فَتَنْفَعَهُ الذِّكْرٰى ۟ؕ
یا نصیحت سنتا اور اسے نصیحت فائده پہنچاتی.
Tefsiri na arapskom jeziku:
اَمَّا مَنِ اسْتَغْنٰى ۟ۙ
جو بے پرواہی کرتا ہے.(1)
(1) ایمان سے اور اس علم سے جو تیرے پاس اللہ کی طرف سے آیا ہے۔ یا دوسرا ترجمہ ہے جو صاحب ثروت وغنا ہے۔
Tefsiri na arapskom jeziku:
فَاَنْتَ لَهٗ تَصَدّٰى ۟ؕ
اس کی طرف تو تو پوری توجہ کرتا ہے.(1)
(1) اس میں آپ (صلى الله عليه وسلم) کو مزید توجہ دلائی گئی ہے کہ مخلصین کو چھوڑ کر معرضین کی طرف توجہ مبذول رکھنا صحیح بات نہیں ہے۔
Tefsiri na arapskom jeziku:
وَمَا عَلَیْكَ اَلَّا یَزَّكّٰى ۟ؕ
حاﻻنکہ اس کے نہ سنورنے سے تجھ پر کوئی الزام نہیں.(1)
(1) کیوں کہ تیرا کام تو صرف تبلیغ ہے۔ اس لئے اس قسم کے کفار کے پیچھے پڑنے کی ضرورت نہیں ہے۔
Tefsiri na arapskom jeziku:
وَاَمَّا مَنْ جَآءَكَ یَسْعٰى ۟ۙ
اور جو شخص تیرے پاس دوڑتا ہوا آتا ہے.(1)
(1) اس بات کا طالب بن کر کہ تو خیر کی طرف اس کی رہنمائی کرے اور اسے وعظ ونصیحت سے نوازے۔
Tefsiri na arapskom jeziku:
وَهُوَ یَخْشٰى ۟ۙ
اور وه ڈر (بھی) رہا ہے.(1)
(1) یعنی اللہ کا خوف بھی اس کے دل میں ہے، جس کی وجہ سے یہ امید ہے کہ تیری باتیں اس کےلئے مفید ہوں گی اور وہ ان کو اپنائے گا اور ان پر عمل کرے گا۔
Tefsiri na arapskom jeziku:
فَاَنْتَ عَنْهُ تَلَهّٰى ۟ۚ
تو اس سے بےرخی برتتا ہے.(1)
(1) یعنی ایسے لوگوں کی تو قدر افزائی کی ضرورت ہے نہ کہ ان سے بےرخی برتنے کی۔ ان آیات سے یہ بات معلوم ہوئی کہ دعوت وتبلیغ میں کسی کو خاص نہیں کرنا چاہئے بلکہ اصحاب حیثیت اور بےحیثیت، امیر اور غریب، آقا وغلام، مرد اور عورت، چھوٹے اور بڑے سب کو یکساں حیثیت دی جائے اور سب کو مشترکہ خطاب کیا جائے۔ اللہ تعالیٰ جس کو چاہے گا اپنی حکمت بالغہ کے تحت، ہدایت سے نواز دے گا۔ ( ابن کثیر ) ۔
Tefsiri na arapskom jeziku:
كَلَّاۤ اِنَّهَا تَذْكِرَةٌ ۟ۚ
یہ ٹھیک نہیں(1) قرآن تو نصیحت (کی چیز) ہے.
(1) یعنی غریب سے یہ اعراض اور اصحاب حیثیت کی طرف خصوصی توجہ، یہ ٹھیک نہیں۔ مطلب ہے کہ آئندہ اس کا اعادہ نہ ہو۔
Tefsiri na arapskom jeziku:
فَمَنْ شَآءَ ذَكَرَهٗ ۟ۘ
جو چاہے اس سے نصیحت لے.(1)
(1) یعنی جو اس میں رغبت کرے، وہ اس سے نصیحت حاصل کرے، اسے یاد کرے اور اس کے موجبات پر عمل کرے۔ اور جو اس اعراض سے کرے اور بے رخی برتے، جیسے اشراف قریش نے کیا، تو ان کی فکر کرنے کی ضرورت نہیں ہے۔
Tefsiri na arapskom jeziku:
فِیْ صُحُفٍ مُّكَرَّمَةٍ ۟ۙ
(یہ تو) پر عظمت صحیفوں میں (ہے).(1)
(1) یعنی لوح محفوظ میں، کیوں کہ وہیں سے یہ قرآن اترتا ہے۔ یا مطلب ہے کہ یہ صحیفے اللہ کے ہاں بڑےمحترم ہیں کیوں کہ وہ علم وحکمت سے پر ہیں۔
Tefsiri na arapskom jeziku:
مَّرْفُوْعَةٍ مُّطَهَّرَةٍ ۟ۙ
جو بلند وباﻻ اور پاک صاف ہے.(1)
(1) مَرْفُوعَةٍ اللہ کے ہاں رفیع القدر ہیں، یا شبہات اور تناقض سے بلند ہیں۔ مُطَهَّرَةٍ، وہ بالکل پاک ہیں کیوں کہ انہیں پاک لوگوں ( فرشتوں ) کے سوا کوئی چھوتا ہی نہیں، یا کمی بیشی سے پاک ہے۔
Tefsiri na arapskom jeziku:
بِاَیْدِیْ سَفَرَةٍ ۟ۙ
ایسے لکھنے والوں کے ہاتھوں میں ہے.(1)
(1) سَفَرَةٍ، سَافِرٌ کی جمع ہے، یہ سفارت سے ہے۔ مراد یہاں وہ فرشتے ہیں جو اللہ کی وحی اس کےرسولوں تک پہنچاتے ہیں۔ یعنی اللہ اور اس کےرسول کے درمیان سفارت کا کام کرتے ہیں۔ یہ قرآن ایسے سفیروں کے ہاتھوں میں ہےجو اسے لوح محفوظ سے نقل کرتے ہیں۔
Tefsiri na arapskom jeziku:
كِرَامٍ بَرَرَةٍ ۟ؕ
جو بزرگ اور پاکباز ہیں.(1) @Ispravljeno
جو بزرگ اور پاکباز ہے
(1) یعنی خلق کے اعتبار سے وہ کریم یعنی شریف اور بزرگ ہیں اور افعال کے اعتبار سے وہ نیکو کار اور پاکباز ہیں۔ یہاں سے یہ بات معلوم ہوئی کہ حامل قرآن ( حافظ اور عالم ) کو بھی اخلاق وکردار اور افعال واطوار میں كِرَامٍ بَرَرَةٍ کا مصداق ہونا چاہئے۔ (ابن کثیر) حدیث میں بھی سَفَرَةٍ کا لفظ فرشتوں کے لئے استعمال ہوا ہے۔ نبی (صلى الله عليه وسلم) نے فرمایا جو قرآن پڑھتا ہے اور وہ اس کا ماہر ہے، وہ السَّفَرَةُ الكِرَامُ الْبَرَرَةُ ( فرشتوں ) کے ساتھ ہوگا اور جو قرآن پڑھتا ہے، لیکن مشقت کےساتھ۔ ( یعنی ماہرین کی طرح سہولت اور روانی سےنہیں پڑھتا ) اس کے لئے دوگنا اجر ہے۔ (صحيح بخاري، تفسير سورة عبس مسلم، كتاب الصلاة، باب فضل الماهر بالقرآن....)۔
Tefsiri na arapskom jeziku:
قُتِلَ الْاِنْسَانُ مَاۤ اَكْفَرَهٗ ۟ؕ
اللہ کی مار انسان پر کیسا ناشکرا ہے.(1)
(1) اس سے وہ انسان مراد ہے جو بغیر کسی سند اور دلیل کے قیامت کی تکذیب کرتا ہے۔ قُتِلَ بمعنی لُعِنَ اور مَا أَكْفَرَهُ ! فعل تعجب ہے، کس قدر ناشکرا ہے۔ آگے اس انسان کفور کو غور وفکر کی دعوت دی جا رہی ہے کہ شاید وہ اپنے کفر سے باز آجائے۔
Tefsiri na arapskom jeziku:
مِنْ اَیِّ شَیْءٍ خَلَقَهٗ ۟ؕ
اسے اللہ نے کس چیز سے پیدا کیا.
Tefsiri na arapskom jeziku:
مِنْ نُّطْفَةٍ ؕ— خَلَقَهٗ فَقَدَّرَهٗ ۟ۙ
اسے) ایک نطفہ(1) سے پیدا کیا،پھراس کا اندازہ مقررکیا .(2) @Ispravljeno
(اسے) ایک نطفہ سے، پھر اندازه پر رکھا اس کو
(1) یعنی جس کی پیدائش ایسے حقیر قطرۂ آب سے ہوئی ہے، کیا اسے تکبر زیب دیتا ہے؟
(2) اس کا مطلب ہے کہ اس کے مصالح نفس اسے مہیا کیے، اس کو دو ہاتھ دو پیر اوردو آنکھیں اور دیگر آلات وخواص عطا کیے۔
Tefsiri na arapskom jeziku:
ثُمَّ السَّبِیْلَ یَسَّرَهٗ ۟ۙ
پھر اس کے لئے راستہ آسان کیا.(1)
(1) یعنی خیر اور شر کے راستے اس کے لئے واضح کر دیئے۔ بعض کہتے ہیں اس سے مراد ماں کے پیٹ سے نکلنے کا راستہ ہے۔ لیکن پہلا مفہوم زیادہ صحیح ہے۔
Tefsiri na arapskom jeziku:
ثُمَّ اَمَاتَهٗ فَاَقْبَرَهٗ ۟ۙ
پھر اسے موت دی اور پھر قبر میں دفن کیا.
Tefsiri na arapskom jeziku:
ثُمَّ اِذَا شَآءَ اَنْشَرَهٗ ۟ؕ
پھر جب چاہے گا اسے زنده کر دے گا.(1)
(1) یعنی موت کےبعد، اسے قبر میں دفنانے کا حکم دیا، تاکہ اس کا احترام برقرار رہے ورنہ درندے اور پرندے اس کی لاش کو نوچ نوچ کر کھاتے جس سے اس کی بے توقیری ہوتی۔
(2) یعنی معاملہ اس طرح ہے، جس طرح یہ کافر کہتا ہے۔
Tefsiri na arapskom jeziku:
كَلَّا لَمَّا یَقْضِ مَاۤ اَمَرَهٗ ۟ؕ
ہرگز نہیں(1) ۔ اس نے اب تک اللہ کے حکم کی بجا آوری نہیں کی.
Tefsiri na arapskom jeziku:
فَلْیَنْظُرِ الْاِنْسَانُ اِلٰى طَعَامِهٖۤ ۟ۙ
انسان کو چاہئے کہ اپنے کھانے کو دیکھے.(1)
(1) کہ اسے اللہ نے کس طرح پیدا کیا، جو اس کی زندگی کا سبب ہے اور کس طرح اس کے لئے اسباب معاش مہیا کئے تاکہ وہ ان کے ذریعے سے سعادت اخروی حاصل کر سکے۔
Tefsiri na arapskom jeziku:
اَنَّا صَبَبْنَا الْمَآءَ صَبًّا ۟ۙ
کہ ہم نے خوب پانی برسایا.
Tefsiri na arapskom jeziku:
ثُمَّ شَقَقْنَا الْاَرْضَ شَقًّا ۟ۙ
پھر پھاڑا زمین کو اچھی طرح.
Tefsiri na arapskom jeziku:
فَاَنْۢبَتْنَا فِیْهَا حَبًّا ۟ۙ
پھر اس میں سے اناج اگائے.
Tefsiri na arapskom jeziku:
وَّعِنَبًا وَّقَضْبًا ۟ۙ
اور انگور اور ترکاری.
Tefsiri na arapskom jeziku:
وَّزَیْتُوْنًا وَّنَخْلًا ۟ۙ
اور زیتون اور کھجور.
Tefsiri na arapskom jeziku:
وَّحَدَآىِٕقَ غُلْبًا ۟ۙ
اور گنجان باغات.
Tefsiri na arapskom jeziku:
وَّفَاكِهَةً وَّاَبًّا ۟ۙ
اور میوه اور (گھاس) چاره (بھی اگایا).(1)
(1) أباً، وہ گھاس چارہ جو خود رو ہو اور جسے جانور کھاتے ہیں۔
Tefsiri na arapskom jeziku:
مَّتَاعًا لَّكُمْ وَلِاَنْعَامِكُمْ ۟ؕ
تمہارے استعمال وفائدے کے لئے اور تمہارے چوپایوں کے لئے.
Tefsiri na arapskom jeziku:
فَاِذَا جَآءَتِ الصَّآخَّةُ ۟ؗ
پس جب کہ کان بہرے کر دینے والی (قیامت) آجائے گی.(1)
(1) قیامت کو صَاخَّةٌ (بہرا کر دینے والی) اس لئے کہا کہ وہ ایک نہایت سخت چیخ کے ساتھ واقع ہوگی جو کانوں کو بہرہ کر دے گی۔
Tefsiri na arapskom jeziku:
یَوْمَ یَفِرُّ الْمَرْءُ مِنْ اَخِیْهِ ۟ۙ
اس دن آدمی اپنے بھائی سے.
Tefsiri na arapskom jeziku:
وَاُمِّهٖ وَاَبِیْهِ ۟ۙ
اور اپنی ماں اور اپنے باپ سے.
Tefsiri na arapskom jeziku:
وَصَاحِبَتِهٖ وَبَنِیْهِ ۟ؕ
اور اپنی بیوی اور اپنی اوﻻد سے بھاگے گا.
Tefsiri na arapskom jeziku:
لِكُلِّ امْرِئٍ مِّنْهُمْ یَوْمَىِٕذٍ شَاْنٌ یُّغْنِیْهِ ۟ؕ
ان میں سے ہر ایک کو اس دن ایسی فکر (دامن گیر) ہوگی جو اس کے لئے کافی ہوگی.(1)
(1) یا اپنے اقربا اور احباب سے بے نیاز اور بے پروا کر دے گا۔ حدیث میں آتا ہے ۔ نبی (صلى الله عليه وسلم) نے فرمایا کہ سب لوگ میدان محشر میں ننگے بدن، ننگے پیر، پیدل اور غیر مختون ہوں گے۔ حضرت عائشہ (رضی الله عنها) نے پوچھا، اس طرح شرم گاہوں پر نظر نہیں پڑے گی ؟ آپ (صلى الله عليه وسلم) نے اس کے جواب میں یہی آیت تلاوت فرمائی۔ یعنی لِكُلِّ امْرِئٍ مِنْهُمْ ( الترمذي تفسير سورة عبس، النسائي، كتاب الجنائز، باب البعث) اس کی وجہ بعض کے نزدیک یہ ہے کہ انسان اپنے گھر والوں سے اس لئےبھاگے گا تاکہ وہ اس کی وہ تکلیف اور شدت نہ دیکھیں جس میں وہ مبتلا ہوگا۔ بعض کہتے ہیں، اس لئے کہ انہیں علم ہوگا کہ وہ کسی کو فائدہ نہیں پہنچا سکتے اور ان کے کچھ کام نہیں آسکتے۔ (فتح القدیر ) ۔
Tefsiri na arapskom jeziku:
وُجُوْهٌ یَّوْمَىِٕذٍ مُّسْفِرَةٌ ۟ۙ
اس دن بہت سے چہرے روشن ہوں گے.
Tefsiri na arapskom jeziku:
ضَاحِكَةٌ مُّسْتَبْشِرَةٌ ۟ۚ
(جو) ہنستے ہوئے اور ہشاش بشاش ہوں گے.(1)
(1) یہ اہل ایمان کے چہرےہوں گے،جنہیں ان کے اعمال نامے ان کو دائیں ہاتھ میں ملیں گے جس سے انہیں اپنی اخروی سعادت وکامیابی کا یقین ہو جائے گا، جس سے ان کے چہرے خوشی سے تمتما رہے ہوں گے۔
Tefsiri na arapskom jeziku:
وَوُجُوْهٌ یَّوْمَىِٕذٍ عَلَیْهَا غَبَرَةٌ ۟ۙ
اور بہت سے چہرے اس دن غبار آلود ہوں گے.
Tefsiri na arapskom jeziku:
تَرْهَقُهَا قَتَرَةٌ ۟ؕ
جن پر سیاہی چڑھی ہوئی ہوگی.(1)
(1) یعنی ذلت اور معائینہ عذاب سے ان کے چہرے غبار آلود، کدورت زدہ اور سیاہ ہوں گے، جیسے محزون اور نہایت غمگین آدمی کا چہرہ ہوتا ہے۔
Tefsiri na arapskom jeziku:
اُولٰٓىِٕكَ هُمُ الْكَفَرَةُ الْفَجَرَةُ ۟۠
وه یہی کافر بدکردار لوگ ہوں گے.(1)
(1) یعنی اللہ کا، رسولوں کا اور قیامت کا انکار کرنے والے بھی تھے اور بدکردار اور بداطوار بھی۔ اللَّهُمَّ! لا تَجْعَلْنَا مِنْهُمْ ۔
Tefsiri na arapskom jeziku:
 
Prijevod značenja Sura: Sura Abese
Indeks sura Broj stranice
 
Prijevod značenja časnog Kur'ana - Prijevod na urdu jezik - Sadržaj prijevodā

Prijevod značenja Plemenitog Kur'ana na urdu jezik - Muhammed Ibrahim Džunakri. Štampao i distribuirao Kompeks kralja Fehda za štampanje Plemenitog Kur'ana u Medini, 1417. godine po Hidžri. Napomena: Prijevod naznačenih ajeta je korigovan pod nadzorom Ruwwad centra. Omogućen je uvid u originalni prijevod radi prijedloga, ocjene i kontinuiranog unapređivanja.

Zatvaranje