Prijevod značenja Sura Sura el-Infitar - الترجمة الياؤو - Enciklopedija Kur'ana

Al-Inftwâr

Ajet: 1

إِذَا ٱلسَّمَآءُ ٱنفَطَرَتۡ

Pandema jalichipasuka liwunde.

Ajet: 2

وَإِذَا ٱلۡكَوَاكِبُ ٱنتَثَرَتۡ

Ni ndema jasichilakatika ndondwa.

Ajet: 3

وَإِذَا ٱلۡبِحَارُ فُجِّرَتۡ

Ni ndema jasichigumuchila mbwani.

Ajet: 4

وَإِذَا ٱلۡقُبُورُ بُعۡثِرَتۡ

Ni ndema jagachiukulidwa malembe.

Ajet: 5

عَلِمَتۡ نَفۡسٞ مَّا قَدَّمَتۡ وَأَخَّرَتۡ

Mundu jwalijose juchimanyilila yajwalongwesye (kupanganya) ni yajwalesile munyuma.

Ajet: 6

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

E mmwe amundu! Ana ni chichi chinnyenjile kwa (kwikanila kunnyosya) M’mbuje gwenu (Allah) Jwantuka wejinji?

Ajet: 7

ٱلَّذِي خَلَقَكَ فَسَوَّىٰكَ فَعَدَلَكَ

Ajula jwaŵan'gumbile, ni kunkolosya pa kunnandanya (iŵalo yenu) soni ni kun'golosya (nsingu wenu).

Ajet: 8

فِيٓ أَيِّ صُورَةٖ مَّا شَآءَ رَكَّبَكَ

Mukawoneche kalikose kaŵasachile (kuti m'bonecheje) ŵampanganyisye.

Ajet: 9

كَلَّا بَلۡ تُكَذِّبُونَ بِٱلدِّينِ

Ngwamba! Nambo kuti ŵanganyammwe nkukanila ya malipilo.

Ajet: 10

وَإِنَّ عَلَيۡكُمۡ لَحَٰفِظِينَ

Soni chisimu kwa jenumanja kwana (Achimalaika) ŵakunnolela (ni kusunga itendo yenu).^[1]

(82:1) Akusimulila Abȗ Hurairah رضى الله عنه yanti: Ntenga jwa Allah ﷺ jwatite: “Achimalaika akupisyanganaga pakwika kukwenu chilo ni muusi. Ni akusimanganaga wosope pa swala ja Fajr ni pa swala ja Asr. Kaneka aŵala ŵatemi namwe chilo chosope ni akasakwelaga (kwa Allah), ni akwawusyaga kutendaga Jwalakwe ni Jwakumanyilila nnope kwapunda ŵanganyao: “Achikapolo ŵangu mwalesile uli?” Basi ŵanganyao ni akasatiji pakwanga: “Twalesile achiswaliji, nambo soni twaasimene achiswaliji.” (Swahîh Al-Bukhârî, Hadith No. 530).

Ajet: 11

كِرَامٗا كَٰتِبِينَ

Ŵakuchimbichika, ŵakulemba.

Ajet: 12

يَعۡلَمُونَ مَا تَفۡعَلُونَ

Akumanyilila yankuntenda.

Ajet: 13

إِنَّ ٱلۡأَبۡرَارَ لَفِي نَعِيمٖ

Chisimu atenda ngoto chachiŵa nchindimba (mu Mbepo Jakusengwasya).

Ajet: 14

وَإِنَّ ٱلۡفُجَّارَ لَفِي جَحِيمٖ

Sano ŵandu ŵakusakasya nnope, chisimu chene tachiŵa m’Moto Waukali.

Ajet: 15

يَصۡلَوۡنَهَا يَوۡمَ ٱلدِّينِ

Chachiujinjila Lisiku Lyamalipilo.

Ajet: 16

وَمَا هُمۡ عَنۡهَا بِغَآئِبِينَ

Soni ŵanganyao ngasaŵa asoŵile mwalakwemo (pakopoka ata panandi).

Ajet: 17

وَمَآ أَدۡرَىٰكَ مَا يَوۡمُ ٱلدِّينِ

Ana ni chichi champaka chimmanyisye ya Lisiku Lyamalipilo?

Ajet: 18

ثُمَّ مَآ أَدۡرَىٰكَ مَا يَوۡمُ ٱلدِّينِ

Soni ana ni chichi champaka chimmanyisye ya Lisiku Lyamalipilo?

Ajet: 19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

Lyele ni lisiku lyangakola mundu chilichose chanti ni kunkamuchisya mundu jwine. Nombe ulamusi (wosope) lyele lisikulyo uchiŵa wa Allah pe.