Übersetzung der Bedeutungen von dem heiligen Quran - الترجمة الياؤو * - Übersetzungen

Übersetzung der Bedeutungen Surah / Kapitel: Al-Qiyâmah   Vers:
Suren/ Kapiteln Liste Nummer der Seite HTML

Al-Qiyâmah

Vers: 1

لَآ أُقۡسِمُ بِيَوۡمِ ٱلۡقِيَٰمَةِ
Ngulilumbila lisiku lya Kiyama.
Arabische Interpretationen von dem heiligen Quran:

Vers: 2

وَلَآ أُقۡسِمُ بِٱلنَّفۡسِ ٱللَّوَّامَةِ
Ni nguulumbila soni ntima wakuliigamba.
Arabische Interpretationen von dem heiligen Quran:

Vers: 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ
Ana akuganichisya mundu kuti ngaŵa nkusonganganya Uwwe maupa gakwe?
Arabische Interpretationen von dem heiligen Quran:

Vers: 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ
Elo (tuchigasonganganya), ngati Uwwe tuli ŵakombola kwalanya chenene (tumisela twa) songa sya yala yakwe,[1] (kuli uli maupa)!
(75:1) Mundu jwalijose jukwete tumisela twa songa sya yala yakwe twangalandana ni jwine. Ayi ikulosya ukombosi wa Allah pa kagumbe. (Nnole chilaaki cha aji Ȃyaji mu THE NOBLE QUR’AN).
Arabische Interpretationen von dem heiligen Quran:

Vers: 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ
Nambo mundu (akukanila ya Kiyama) pakusachilila kwendelechela kusakasya m'bujo mwakwe.
Arabische Interpretationen von dem heiligen Quran:

Vers: 6

يَسۡـَٔلُ أَيَّانَ يَوۡمُ ٱلۡقِيَٰمَةِ
Akuusya (mwa chipongwe kuti): “Ana lisiku lya Kiyama lichiŵa chakachi?”
Arabische Interpretationen von dem heiligen Quran:

Vers: 7

فَإِذَا بَرِقَ ٱلۡبَصَرُ
Sano ndema ja lichikolondoka liso (ligongo lya woga).
Arabische Interpretationen von dem heiligen Quran:

Vers: 8

وَخَسَفَ ٱلۡقَمَرُ
Ni kutyoka kuŵala kwa mwesi.
Arabische Interpretationen von dem heiligen Quran:

Vers: 9

وَجُمِعَ ٱلشَّمۡسُ وَٱلۡقَمَرُ
Ni kusonganganyisyidwa lyuŵa ni mwesi.
Arabische Interpretationen von dem heiligen Quran:

Vers: 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ
Lyele lisikulyo mundu tachiti: “Kwakutilila ni kwapi?”
Arabische Interpretationen von dem heiligen Quran:

Vers: 11

كَلَّا لَا وَزَرَ
Iyayi, pangali kwakutilila.
Arabische Interpretationen von dem heiligen Quran:

Vers: 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ
Kwa Ambuje ŵenupe (Allah) lyele lisikulyo nikuchipelela kwakuujila.
Arabische Interpretationen von dem heiligen Quran:

Vers: 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ
Tachisalilidwa mundu lyele lisikulyo ichindu yajwalongwesye (kupanganya) ni yajwalesile (munyuma).
Arabische Interpretationen von dem heiligen Quran:

Vers: 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ
Nambo mundu tachilichonjela nsyene (ligongo kutandila lipende, makono ni ngongolo syakwe ichijuwula masengo gakusakala ga jwapanganyisye).
Arabische Interpretationen von dem heiligen Quran:

Vers: 15

وَلَوۡ أَلۡقَىٰ مَعَاذِيرَهُۥ
Namuno tatole madandawusi gakwe (pakuliŵalanga ngasigankamuchisya).
Arabische Interpretationen von dem heiligen Quran:

Vers: 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ
Ngasin'jitenganyila (Qur’aniji mmwe Muhammadi ﷺ) lulimi lwenu (ndema jajikutuluka) kuti n'jikulumisye (kujisunga ni kujisooma).
Arabische Interpretationen von dem heiligen Quran:

Vers: 17

إِنَّ عَلَيۡنَا جَمۡعَهُۥ وَقُرۡءَانَهُۥ
Chisimu ili Kukwetu Uwwe kujisonganganya (mu ntima mwenu) ni kumpa ukombosi wakujisooma.
Arabische Interpretationen von dem heiligen Quran:

Vers: 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ
Sano pati tuchinsoomelaga, basi kuyichisyani kusoomwa kwakwe.
Arabische Interpretationen von dem heiligen Quran:

Vers: 19

ثُمَّ إِنَّ عَلَيۡنَا بَيَانَهُۥ
Soni chisimu ili Kukwetu Uwwe kujisalichisya.
Arabische Interpretationen von dem heiligen Quran:

Vers: 20

كَلَّا بَلۡ تُحِبُّونَ ٱلۡعَاجِلَةَ
Ngaŵa (chine chikuntendekasya kaanila Kiyama), nambo kuti ŵanganyammwe nkunonyelwa umi wachitema (wa duniya).
Arabische Interpretationen von dem heiligen Quran:

Vers: 21

وَتَذَرُونَ ٱلۡأٓخِرَةَ
Ni nkujileka Akhera.
Arabische Interpretationen von dem heiligen Quran:

Vers: 22

وُجُوهٞ يَوۡمَئِذٖ نَّاضِرَةٌ
Ngope sine lyele lisikulyo sichiŵa syakuŵala.
Arabische Interpretationen von dem heiligen Quran:

Vers: 23

إِلَىٰ رَبِّهَا نَاظِرَةٞ
Sili nkwalola Ambuje ŵao (Allah).
Arabische Interpretationen von dem heiligen Quran:

Vers: 24

وَوُجُوهٞ يَوۡمَئِذِۭ بَاسِرَةٞ
Sano nambo ngope sine lyele lisikulyo sichiyinda.
Arabische Interpretationen von dem heiligen Quran:

Vers: 25

تَظُنُّ أَن يُفۡعَلَ بِهَا فَاقِرَةٞ
Sichisimichisya yanti chiitendekwe kukwakwe yakuniula n'gongo.
Arabische Interpretationen von dem heiligen Quran:

Vers: 26

كَلَّآ إِذَا بَلَغَتِ ٱلتَّرَاقِيَ
Ngaŵa (yanti nikanila), ndema jauchiika ntima paligongwa (papasimanile maupa gammakoyo).
Arabische Interpretationen von dem heiligen Quran:

Vers: 27

وَقِيلَ مَنۡۜ رَاقٖ
Nikuŵechetedwa (yanti): “Ŵani ŵampaka aposye (chilwelechi)?”
Arabische Interpretationen von dem heiligen Quran:

Vers: 28

وَظَنَّ أَنَّهُ ٱلۡفِرَاقُ
Nikumala mwakusimichisya (chilwelecho) kuti kwalakweku ni kulekangana (najo duniya).
Arabische Interpretationen von dem heiligen Quran:

Vers: 29

وَٱلۡتَفَّتِ ٱلسَّاقُ بِٱلسَّاقِ
Mwanti lusonjo nikusajikana ni lusonjo (lujakwe ndema jakutyoka ntima).
Arabische Interpretationen von dem heiligen Quran:

Vers: 30

إِلَىٰ رَبِّكَ يَوۡمَئِذٍ ٱلۡمَسَاقُ
Kwa Ambuje ŵenupe lyele lisikulyo ni kwakuwujila mwakuchinjidwa.
Arabische Interpretationen von dem heiligen Quran:

Vers: 31

فَلَا صَدَّقَ وَلَا صَلَّىٰ
Mwanti (kafili) nganijukunda (chikulupi) soni (namuno swala) nganijuswali.
Arabische Interpretationen von dem heiligen Quran:

Vers: 32

وَلَٰكِن كَذَّبَ وَتَوَلَّىٰ
Nambo jwakaaniile ni kunyosya.
Arabische Interpretationen von dem heiligen Quran:

Vers: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ
Kaneka jwapite kwiŵasa lyakwe (juli nkwenda) mwakutwanga.
Arabische Interpretationen von dem heiligen Quran:

Vers: 34

أَوۡلَىٰ لَكَ فَأَوۡلَىٰ
Chonasiko nichenu! Chonasiko chisyene!
Arabische Interpretationen von dem heiligen Quran:

Vers: 35

ثُمَّ أَوۡلَىٰ لَكَ فَأَوۡلَىٰٓ
Soni chonasiko nichenu! Chonasiko chisyene!
Arabische Interpretationen von dem heiligen Quran:

Vers: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى
Ana jukuganichisya mundu yanti chijugambe kulechedwa wambape (ngapedwa malamusi soni ngaja kulipidwa)?
Arabische Interpretationen von dem heiligen Quran:

Vers: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ
Ana nganijuŵa lindondwa lya ulume wakutajidwa (m’chiŵelechelo)?
Arabische Interpretationen von dem heiligen Quran:

Vers: 38

ثُمَّ كَانَ عَلَقَةٗ فَخَلَقَ فَسَوَّىٰ
Kaneka jwaliji chipande cha myasi, niŵan'gumbile ni kunkolosya.
Arabische Interpretationen von dem heiligen Quran:

Vers: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ
Ni ŵagumbile kuumila mwalakwemo mitundu jiŵili (jaŵandu) jwannume ni jwankongwe.
Arabische Interpretationen von dem heiligen Quran:

Vers: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ
Ana Jwalakwe (Allah jwaŵapakombwele kutenda yele) nganaŵa jwanti ni kombola kwasyusya (ŵandu) ŵawe?
Arabische Interpretationen von dem heiligen Quran:
 
Übersetzung der Bedeutungen Surah / Kapitel: Al-Qiyâmah
Suren/ Kapiteln Liste Nummer der Seite
 
Übersetzung der Bedeutungen von dem heiligen Quran - الترجمة الياؤو - Übersetzungen

ترجمة معاني القرآن الكريم الى اللغة الياؤو، ترجمها محمد بن عبدالحميد سليكا.

Schließen