Translation of the Meanings of the Noble Qur'an - Yau Translation * - Translations’ Index

Translation of the meanings Surah: Al-Inshiqāq   Ayah:
Surahs’ Index Page Number HTML

Al-Inshiqâq

Ayah: 1

إِذَا ٱلسَّمَآءُ ٱنشَقَّتۡ
Pandema jalichipapuka liwunde.
Arabic explanations of the Qur’an:

Ayah: 2

وَأَذِنَتۡ لِرَبِّهَا وَحُقَّتۡ
Ni kwisa kunda lilamusi lya M’mbujeegwe, soni liichiŵajilwa (kuti likunde).
Arabic explanations of the Qur’an:

Ayah: 3

وَإِذَا ٱلۡأَرۡضُ مُدَّتۡ
Ni ndema jalichijasyisyidwa litaka (pakusyaga matumbi ni ikwesya).
Arabic explanations of the Qur’an:

Ayah: 4

وَأَلۡقَتۡ مَا فِيهَا وَتَخَلَّتۡ
Ni kwisa kuponya kusa (litakalyo) yayaliji nkati mwakwe nikuŵa mwangali chachipali.
Arabic explanations of the Qur’an:

Ayah: 5

وَأَذِنَتۡ لِرَبِّهَا وَحُقَّتۡ
Ni kwisa kunda lilamusi lya M’mbujeegwe, soni liichiŵajilwa (kuti likunde).
Arabic explanations of the Qur’an:

Ayah: 6

يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحٗا فَمُلَٰقِيهِ
E mmwe amundu! Chisimutu mmwe nkukangamala wa kwa Ambuje ŵenu (Allah) nchilimbichilaga (kutenda itendo yambone kapena yakusakala), basi ni tinchisimangana nayo (pa lisiku lya Kiyamalyo).
Arabic explanations of the Qur’an:

Ayah: 7

فَأَمَّا مَنۡ أُوتِيَ كِتَٰبَهُۥ بِيَمِينِهِۦ
Sano mundu jwatachipedwa chitabu chakwe ku nkono wakwe wan'dyo.
Arabic explanations of the Qur’an:

Ayah: 8

فَسَوۡفَ يُحَاسَبُ حِسَابٗا يَسِيرٗا
Basi jwalakwe tachiŵalanjidwa kuŵalanjidwa kwakwepepala.
Arabic explanations of the Qur’an:

Ayah: 9

وَيَنقَلِبُ إِلَىٰٓ أَهۡلِهِۦ مَسۡرُورٗا
Soni ni tachiujila kwa achalongo achin'jakwe ali jwakusengwa.
Arabic explanations of the Qur’an:

Ayah: 10

وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ
Nambo mundu jwatachipedwa chitabu chakwe cha kunyuma kwa n'gongo wakwe.
Arabic explanations of the Qur’an:

Ayah: 11

فَسَوۡفَ يَدۡعُواْ ثُبُورٗا
Basi jwalakwe, tachichiŵilanga chonasiko (kuti bola agambe kuwa, nambo ngasiyikomboleka).
Arabic explanations of the Qur’an:

Ayah: 12

وَيَصۡلَىٰ سَعِيرًا
Ni tachijinjila ku Moto Wakulapuka.
Arabic explanations of the Qur’an:

Ayah: 13

إِنَّهُۥ كَانَ فِيٓ أَهۡلِهِۦ مَسۡرُورًا
Chisimu jwalakwe jwaliji jwakusengwa (pajwaliji) ni achalongo achin'jakwe (ku duniya).
Arabic explanations of the Qur’an:

Ayah: 14

إِنَّهُۥ ظَنَّ أَن لَّن يَحُورَ
Chisimu jwalakwe jwasimichisyaga kuti ngasaujila (kwa Allah).
Arabic explanations of the Qur’an:

Ayah: 15

بَلَىٰٓۚ إِنَّ رَبَّهُۥ كَانَ بِهِۦ بَصِيرٗا
Elo! Chisimu Ambujegwe ŵaliji ali nkunnolechesya.
Arabic explanations of the Qur’an:

Ayah: 16

فَلَآ أُقۡسِمُ بِٱلشَّفَقِ
Basi ngukulumbila kuchejela kwegulo.
Arabic explanations of the Qur’an:

Ayah: 17

وَٱلَّيۡلِ وَمَا وَسَقَ
Kwisa soni chilo ni yachikusonganganyaga.
Arabic explanations of the Qur’an:

Ayah: 18

وَٱلۡقَمَرِ إِذَا ٱتَّسَقَ
Ni mwesi ndema jaukwanila lilanguka (lyakwe).
Arabic explanations of the Qur’an:

Ayah: 19

لَتَرۡكَبُنَّ طَبَقًا عَن طَبَقٖ
Chisimu ŵanganyammwe chinsimanganeje nako kaŵe kane kutyochela pa kaŵe kane (paumi wa duniya uno mpaka kwa Akhera).
Arabic explanations of the Qur’an:

Ayah: 20

فَمَا لَهُمۡ لَا يُؤۡمِنُونَ
Ana akwete chichi ŵanganyao chikwatendekasya kuti akakulupilila?
Arabic explanations of the Qur’an:

Ayah: 21

وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ۩
Soni pati jichisoomedwaga kukwao Qur’an ŵangasujudu!
Arabic explanations of the Qur’an:

Ayah: 22

بَلِ ٱلَّذِينَ كَفَرُواْ يُكَذِّبُونَ
Nambo kuti achimakafili agamba kanila basi.
Arabic explanations of the Qur’an:

Ayah: 23

وَٱللَّهُ أَعۡلَمُ بِمَا يُوعُونَ
Sano Allah ni jwaakuyimanya chenene yaakusonganganya ŵanganyao.
Arabic explanations of the Qur’an:

Ayah: 24

فَبَشِّرۡهُم بِعَذَابٍ أَلِيمٍ
Basi mwatagulilani ya ilagasyo yakupoteka nnope.
Arabic explanations of the Qur’an:

Ayah: 25

إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونِۭ
Ikaŵeje aŵala ŵaakulupilile ni kutendaga yambone, akwete kupata ŵanganyao malipilo gangamala.
Arabic explanations of the Qur’an:
 
Translation of the meanings Surah: Al-Inshiqāq
Surahs’ Index Page Number
 
Translation of the Meanings of the Noble Qur'an - Yau Translation - Translations’ Index

Translation of the Quran meanings into Yau by Muhammad bin Abdul Hamid Silika.

close