Traducción de los significados del Sagrado Corán - Traducción al Yau * - Índice de traducciones

Traducción de significados Capítulo: Sura At-Takwir   Versículo:
Índice de Capítulos Número de página HTML

At-Takwîr

Versículo: 1

إِذَا ٱلشَّمۡسُ كُوِّرَتۡ
Pandema jalichikulunjidwa lyuŵa (nikutyoka lilanguka lyakwe).
Las Exégesis Árabes:

Versículo: 2

وَإِذَا ٱلنُّجُومُ ٱنكَدَرَتۡ
Ni ndema jasichipatuka ndondwa.
Las Exégesis Árabes:

Versículo: 3

وَإِذَا ٱلۡجِبَالُ سُيِّرَتۡ
Ni ndema jagachijendesyedwa matumbi (paagachuŵa m’mangwakwe).
Las Exégesis Árabes:

Versículo: 4

وَإِذَا ٱلۡعِشَارُ عُطِّلَتۡ
Ni ndema jasichilechedwa ngamiya syana maŵele gepele.
Las Exégesis Árabes:

Versículo: 5

وَإِذَا ٱلۡوُحُوشُ حُشِرَتۡ
Ni ndema jaichisonganganyisyidwa inyama yamwitinji.
Las Exégesis Árabes:

Versículo: 6

وَإِذَا ٱلۡبِحَارُ سُجِّرَتۡ
Ni ndema jasichikolesyedwa mbwani moto.
Las Exégesis Árabes:

Versículo: 7

وَإِذَا ٱلنُّفُوسُ زُوِّجَتۡ
Ni ndema jajichilumbikanyisyidwa mitima (ku ilu yakwe).
Las Exégesis Árabes:

Versículo: 8

وَإِذَا ٱلۡمَوۡءُۥدَةُ سُئِلَتۡ
Ni ndema jachachiwusyidwa mwanache jwankwongwe jwaŵasichidwe ali jwaumi.
Las Exégesis Árabes:

Versículo: 9

بِأَيِّ ذَنۢبٖ قُتِلَتۡ
Kuti ŵawulajidwe ni ulemwachi?
Las Exégesis Árabes:

Versículo: 10

وَإِذَا ٱلصُّحُفُ نُشِرَتۡ
Ni ndema jaichipindikulidwa ikalakala (mugalembedwe masengo gamundu).
Las Exégesis Árabes:

Versículo: 11

وَإِذَا ٱلسَّمَآءُ كُشِطَتۡ
Ni ndema jalichitandukulidwa liwunde.
Las Exégesis Árabes:

Versículo: 12

وَإِذَا ٱلۡجَحِيمُ سُعِّرَتۡ
Ni ndema jauchikwisilidwa Moto Waukali.
Las Exégesis Árabes:

Versículo: 13

وَإِذَا ٱلۡجَنَّةُ أُزۡلِفَتۡ
Ni ndema jajichiŵandichisyidwa Mbepo.
Las Exégesis Árabes:

Versículo: 14

عَلِمَتۡ نَفۡسٞ مَّآ أَحۡضَرَتۡ
Mundu jwalijose tachimanyilila yayiche nayo.
Las Exégesis Árabes:

Versículo: 15

فَلَآ أُقۡسِمُ بِٱلۡخُنَّسِ
Basi ngusilumbila ndondwa syasikusisika muusi.
Las Exégesis Árabes:

Versículo: 16

ٱلۡجَوَارِ ٱلۡكُنَّسِ
(Ni) syasikwendaga (chilo kaneka) ni kusisika pakutiŵila.
Las Exégesis Árabes:

Versículo: 17

وَٱلَّيۡلِ إِذَا عَسۡعَسَ
Ni nguchilumbila soni chilo ndema jachikwika ni kutyoka.
Las Exégesis Árabes:

Versículo: 18

وَٱلصُّبۡحِ إِذَا تَنَفَّسَ
Ni ngukulumbila soni kumasikusiku ndema jakukulanguka.
Las Exégesis Árabes:

Versículo: 19

إِنَّهُۥ لَقَوۡلُ رَسُولٖ كَرِيمٖ
Chisimu aji (Qur’aniji) gaŵele maloŵe ga (kulungusyidwa ni) Ntenga Jwakuchimbichika (Jibulilu).
Las Exégesis Árabes:

Versículo: 20

ذِي قُوَّةٍ عِندَ ذِي ٱلۡعَرۡشِ مَكِينٖ
Nsyene machili, soni jwana uchimbichimbi wapenani kwa (Allah) Nsyene Arishi (Chindanda Chaulungu).
Las Exégesis Árabes:

Versículo: 21

مُّطَاعٖ ثَمَّ أَمِينٖ
Jwakundidwa malamusi kwinaniko (ni Achimalaika) soni jwakulupichika.
Las Exégesis Árabes:

Versículo: 22

وَمَا صَاحِبُكُم بِمَجۡنُونٖ
Soni Nnongo n'jenuju (Muhammadi ﷺ) nganaŵa jwamasoka.
Las Exégesis Árabes:

Versículo: 23

وَلَقَدۡ رَءَاهُ بِٱلۡأُفُقِ ٱلۡمُبِينِ
Soni chisimu chene (Muhammadi ﷺ) ŵam'bweni jwalakwe (Jibulilu mu kagumbidwe kakwe kasyesyene) kuchipelela chameso chakuonechela (cha ku ngopoko lyuŵa).
Las Exégesis Árabes:

Versículo: 24

وَمَا هُوَ عَلَى ٱلۡغَيۡبِ بِضَنِينٖ
Soni jwalakwe nganijuŵa jwausuchi pa (umanyilisi wa) yakusisika.
Las Exégesis Árabes:

Versículo: 25

وَمَا هُوَ بِقَوۡلِ شَيۡطَٰنٖ رَّجِيمٖ
Soni aji (Qur’an) nganigaŵa maloŵe ga shetani jwakuŵinjidwa.
Las Exégesis Árabes:

Versículo: 26

فَأَيۡنَ تَذۡهَبُونَ
Nambi kwapi nkuja?
Las Exégesis Árabes:

Versículo: 27

إِنۡ هُوَ إِلَّا ذِكۡرٞ لِّلۡعَٰلَمِينَ
Nganijiŵa aji (Qur’an) ikaŵeje chikumbusyo cha iwumbe yosope.
Las Exégesis Árabes:

Versículo: 28

لِمَن شَآءَ مِنكُمۡ أَن يَسۡتَقِيمَ
Kwa mundu jwaakusaka mwa jenumanja kuti ajongoche.
Las Exégesis Árabes:

Versículo: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ
Ni nganim'ba nsachile, ikaŵeje akasache kaje Allah M’mbuje jwa iwumbe yosope.
Las Exégesis Árabes:
 
Traducción de significados Capítulo: Sura At-Takwir
Índice de Capítulos Número de página
 
Traducción de los significados del Sagrado Corán - Traducción al Yau - Índice de traducciones

Traducción del significado del Corán en Yau por Muhammad bin Abdul Hamid Silika

Cerrar