ترجمهٔ معانی سوره سوره زلزله - ترجمهٔ یائو - دایرة المعارف قرآن کریم

Az-Zalzalah

آیه: 1

إِذَا زُلۡزِلَتِ ٱلۡأَرۡضُ زِلۡزَالَهَا

Pandema jalichitenganyika litaka nichisikinya chakwe chamachili.

آیه: 2

وَأَخۡرَجَتِ ٱلۡأَرۡضُ أَثۡقَالَهَا

Ni kwisa koposya litaka misigo jakwe jausito (ichindu yayaliji nkati mwakwe, mpela malilo ni mitapo jambiya).

آیه: 3

وَقَالَ ٱلۡإِنسَٰنُ مَا لَهَا

Ni kwisa kuŵecheta mundu (mwawoga soni mwakusimonga kuti): “Litite uli (litaka, ana Kiyama jiyiche?)”

آیه: 4

يَوۡمَئِذٖ تُحَدِّثُ أَخۡبَارَهَا

Lyele lisikulyo (litaka) lichiŵecheta abali syakwe syosope (sya indu yayatendekwele pachanya pakwe yambone kapena yakusakala).

آیه: 5

بِأَنَّ رَبَّكَ أَوۡحَىٰ لَهَا

Ligongo lyanti Ambuje ŵenu tachililamula lyalakwelyo (kuti liŵechete).

آیه: 6

يَوۡمَئِذٖ يَصۡدُرُ ٱلنَّاسُ أَشۡتَاتٗا لِّيُرَوۡاْ أَعۡمَٰلَهُمۡ

Lyele lisikulyo ŵandu tachipwilingana ali m'mikutula jakulekangana-lekangana kuti akaalosye masengo gao.

آیه: 7

فَمَن يَعۡمَلۡ مِثۡقَالَ ذَرَّةٍ خَيۡرٗا يَرَهُۥ

Basi jwatapanganye chambone chausito wanti chisawu lunyilili, tachija kuchiona.

آیه: 8

وَمَن يَعۡمَلۡ مِثۡقَالَ ذَرَّةٖ شَرّٗا يَرَهُۥ

Nombe soni jwatapanganye chakusakala chausito wanti chisawu lunyilili, tachija kuchiona.