Traduction des sens Sourate AL-QIYÂMAH - Traduction asante - Encyclopédie du Noble Coran

Al-Qiyaama

Verset: 1

لَآ أُقۡسِمُ بِيَوۡمِ ٱلۡقِيَٰمَةِ

Mede Owusͻreε Da no di nse.

Verset: 2

وَلَآ أُقۡسِمُ بِٱلنَّفۡسِ ٱللَّوَّامَةِ

Mesan de (gyidieni) kraa a ᴐbᴐ ne ho soboᴐ (wͻ bͻne bi a wayε ho anaa papa bi a wanyε ho) di nse.

Verset: 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Enti onipa dwen sε, Yε’moaboa ne nnompe ano (nnyane no mmu no atεn)?

Verset: 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Daabi, Yεwͻ tumi sε ne nsa teaa ano no (mpo) Yεyε no pεpεεpε.

Verset: 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Nanso onipa pε sε ͻkͻso yε bͻne kͻ n’anim.

Verset: 6

يَسۡـَٔلُ أَيَّانَ يَوۡمُ ٱلۡقِيَٰمَةِ

Obisa (dedi fεw) sε: “Ɛberε bεn ne Owu-sͻreε Da no?”

Verset: 7

فَإِذَا بَرِقَ ٱلۡبَصَرُ

Sε aniwa so te nyinam,

Verset: 8

وَخَسَفَ ٱلۡقَمَرُ

Na bosome yε tumm (anaasε bosome hwere ne nhyerԑnee),

Verset: 9

وَجُمِعَ ٱلشَّمۡسُ وَٱلۡقَمَرُ

Na yεka Awia ne Bosome bom a,

Verset: 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Saa Da no onipa bεka sε: ”Dwane kͻbea wͻ hen?”

Verset: 11

كَلَّا لَا وَزَرَ

Daabi, dwane kͻbea biara nni hͻ.

Verset: 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

Saa Da no, wo Wura Nyankopͻn hͻ nko ara ne Ahomegye bea.

Verset: 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

Saa Da no, yεbεbͻ onipa adwuma a, odi too n’anim ne deε εkaa akyire (a obuu n’ani guu soᴐ) ho amaneε.

Verset: 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Aane, onipa no ara nim ne ho.

Verset: 15

وَلَوۡ أَلۡقَىٰ مَعَاذِيرَهُۥ

Ɔpa kyεw mpo a, (ne kyεw pa no ho mma mfasoͻ biara).

Verset: 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

(Nkͻmhyεni), εnnanedane wo kεterεma mpere Adiyisεm no ho (sε wo werε bɛfiri nti).

Verset: 17

إِنَّ عَلَيۡنَا جَمۡعَهُۥ وَقُرۡءَانَهُۥ

Nokorε sε, Yεn na (Qur’aan no) anoboa, εnesε (yεbεkyerε wo) n’akenkan no da Yεn soͻ.

Verset: 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

Enti sε Yεrekenkan (kyerε wo a), di akenkan no akyi:

Verset: 19

ثُمَّ إِنَّ عَلَيۡنَا بَيَانَهُۥ

Afei ne kyerεkyerεmu no nso Yεso na εda (sε Yεkyerεkyerε mu kyerε woͻ).

Verset: 20

كَلَّا بَلۡ تُحِبُّونَ ٱلۡعَاجِلَةَ

Daabi, Nanso mopε seesei wiase (asetena) yi,

Verset: 21

وَتَذَرُونَ ٱلۡأٓخِرَةَ

Na moabu moani agu Daakye deε no so.

Verset: 22

وُجُوهٞ يَوۡمَئِذٖ نَّاضِرَةٌ

Saa Da no ebinom anim bεhyerεn,

Verset: 23

إِلَىٰ رَبِّهَا نَاظِرَةٞ

Ahwε wͻn Wura Nyankopͻn.

Verset: 24

وَوُجُوهٞ يَوۡمَئِذِۭ بَاسِرَةٞ

Saa Da no ebinom nso anim bɛmuna kusuu.

Verset: 25

تَظُنُّ أَن يُفۡعَلَ بِهَا فَاقِرَةٞ

(Saa nkorͻfoͻ no) adwen sε mmusuo kεseε bi reba wͻn so.

Verset: 26

كَلَّآ إِذَا بَلَغَتِ ٱلتَّرَاقِيَ

Aane, Sε (nkwa no) duru (owufoͻ no) mene mu a,

Verset: 27

وَقِيلَ مَنۡۜ رَاقٖ

Wͻka sε: “Hwan na ͻbεgye no”.

Verset: 28

وَظَنَّ أَنَّهُ ٱلۡفِرَاقُ

(Owufoͻ no) bɛhunu sε, nokorε, ͻne (wiase) redi mpaapaemu.

Verset: 29

وَٱلۡتَفَّتِ ٱلسَّاقُ بِٱلسَّاقِ

Na (owufoͻ no ho refa no) ma anantu ne anantu kᴐka bom.

Verset: 30

إِلَىٰ رَبِّكَ يَوۡمَئِذٍ ٱلۡمَسَاقُ

Saa Da no wo Wura Nyankopͻn hͻ na yεka kͻ.

Verset: 31

فَلَا صَدَّقَ وَلَا صَلَّىٰ

Enti (boniayεni no) annye (Qur’aan) anni, εna wanfrε Nyame nso.

Verset: 32

وَلَٰكِن كَذَّبَ وَتَوَلَّىٰ

Na mmom ɔbuu no atorͻsεm danee n’akyi demaae,

Verset: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Afei ͻde ahomasoͻ kunkon kͻͻ n’abusuafoͻ hͻ.

Verset: 34

أَوۡلَىٰ لَكَ فَأَوۡلَىٰ

Due nka wo. Enti Due!

Verset: 35

ثُمَّ أَوۡلَىٰ لَكَ فَأَوۡلَىٰٓ

Due nka wo bio, Enti Due!

Verset: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Enti onipa dwen sε yεbεgyae no kwa?

Verset: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Na ͻnyε nkwa-boaa a, efiri ahobae a, ehwie anaa epue ba no mu?

Verset: 38

ثُمَّ كَانَ عَلَقَةٗ فَخَلَقَ فَسَوَّىٰ

Ansa na ͻreyɛε mogya-toa, εna (Nyankopͻn) bͻͻ (no) yεε (no) pεpεεpε?

Verset: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Ɛna Ͻyεε no mmienu, ͻbarima ne ͻbaa.

Verset: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Enti (Nyankopͻn a, ͻnam anwanwa kwan a yɛakyerε yi so bͻͻ onipa no), Onni tumi sε Ɔbɛnyane owufoͻ aba nkwa mu (bio)?