Traduction des sens Sourate AN-NÂZI’ÂT - Traduction asante - Encyclopédie du Noble Coran

An-Naazi’aat

Verset: 1

وَٱلنَّٰزِعَٰتِ غَرۡقٗا

Mede (Soro abͻfoͻ a wͻyi abͻneεfoͻ no nkwa wͻ) ahometeε soͻ,

Verset: 2

وَٱلنَّٰشِطَٰتِ نَشۡطٗا

Ne (Soro abͻfoͻ a wͻyi apapafoͻ no nkwa) wͻ anigyeε ne ahosεpε soͻ,

Verset: 3

وَٱلسَّٰبِحَٰتِ سَبۡحٗا

Ne (Soro abͻfoͻ a), wͻdware sε asudwarefoͻ de Nyankopͻn ahyεdeε no ba,

Verset: 4

فَٱلسَّٰبِقَٰتِ سَبۡقٗا

Na wͻyε ntεntεm sε akansifoͻ,

Verset: 5

فَٱلۡمُدَبِّرَٰتِ أَمۡرٗا

Na wͻtoto Nyankopͻn Ahyεdeε no di nse sε:

Verset: 6

يَوۡمَ تَرۡجُفُ ٱلرَّاجِفَةُ

Ɛda a awosoͻ no bεwoso deε edikan,

Verset: 7

تَتۡبَعُهَا ٱلرَّادِفَةُ

Na deε εtͻso mmienu no bεtoa soͻ no,

Verset: 8

قُلُوبٞ يَوۡمَئِذٖ وَاجِفَةٌ

Saa Da no, akoma bεbͻ binim (ama onipa ho awoso).

Verset: 9

أَبۡصَٰرُهَا خَٰشِعَةٞ

Ebinom ani bɛwu.

Verset: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Wͻka sε: “Enti yεbεsan anyane aba nkwa tebea mu bio?

Verset: 11

أَءِذَا كُنَّا عِظَٰمٗا نَّخِرَةٗ

Aberε a (yawu) ayε nnompe a, ahunu?”

Verset: 12

قَالُواْ تِلۡكَ إِذٗا كَرَّةٌ خَاسِرَةٞ

Wͻka sε: “Sε (Wusͻreε no yε nokorε ampa a), εneε na yεresan aba nkwa mu bio no bεyε brεguo (ama yεn Kaafirfoͻ no)“.

Verset: 13

فَإِنَّمَا هِيَ زَجۡرَةٞ وَٰحِدَةٞ

(Owusͻreε no) yε Nteamu baako pε.

Verset: 14

فَإِذَا هُم بِٱلسَّاهِرَةِ

Na deε wͻbɛhunu ara ne sε, wͻanyane afiri owuo mu na wͻn wͻ asaase soͻ.

Verset: 15

هَلۡ أَتَىٰكَ حَدِيثُ مُوسَىٰٓ

Enti Mose ho asεm no abeduru wo hͻ?

Verset: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Ɛberε a ne Wura Nyankopͻn frεε no wͻ Bonhwa kronkron Tuwa mu hͻ no.

Verset: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

Ɔka kyerεε no sε: “Kͻ Farao hͻ, na nokorε sε wate atua, ayε bͻne atra so “.

Verset: 18

فَقُلۡ هَل لَّكَ إِلَىٰٓ أَن تَزَكَّىٰ

Na ka kyerε no sε: “Wopε sε woyε kronkron?

Verset: 19

وَأَهۡدِيَكَ إِلَىٰ رَبِّكَ فَتَخۡشَىٰ

Na menkyerε wo kwan nkͻ wo Wura Nyankopͻn hͻ na nya Ne ho suro?”

Verset: 20

فَأَرَىٰهُ ٱلۡأٓيَةَ ٱلۡكُبۡرَىٰ

Ɔde Nsεnkyerεnee akεseε no kyerεε no.

Verset: 21

فَكَذَّبَ وَعَصَىٰ

Nanso ᴐfaa no atorᴐsԑm, yεε asoͻden nso.

Verset: 22

ثُمَّ أَدۡبَرَ يَسۡعَىٰ

Afei ͻdanee n’akyi maae, bͻͻ mmͻden (sε ͻbεko atia Mose ne ne Nyankopͻn).

Verset: 23

فَحَشَرَ فَنَادَىٰ

Ɔboaboaa ne nkorͻfoͻ ano paee mu (de too wͻn anim),

Verset: 24

فَقَالَ أَنَا۠ رَبُّكُمُ ٱلۡأَعۡلَىٰ

Ɔkaa sε: “Me ne mo wura kokuroko no “.

Verset: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Enti Nyankopͻn de daakye ne seseei (wiase) asotwee no twee n’aso.

Verset: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Nokorε sε, adesua wͻ woi mu de ma obi a osuro Nyankopͻn.

Verset: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Enti (nnipa), mo mmͻeε na εyε den anaasε ͻsoro? Ɔno na Ɔbͻeε,

Verset: 28

رَفَعَ سَمۡكَهَا فَسَوَّىٰهَا

Pagyaa ne soro kͻ, siesieε, totoo no pεpεεpε,

Verset: 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Ɛna n’anadwo no nso Wayε no esum, εna Wama n’adekyeε nso nhyerεnee,

Verset: 30

وَٱلۡأَرۡضَ بَعۡدَ ذَٰلِكَ دَحَىٰهَآ

Ɛna εno akyiri no, Ɔde asaase sii hͻ sε kosua trεε mu,

Verset: 31

أَخۡرَجَ مِنۡهَا مَآءَهَا وَمَرۡعَىٰهَا

Maa emu nsuo ne emu nwira puepueeε.

Verset: 32

وَٱلۡجِبَالَ أَرۡسَىٰهَا

Ɛna Ɔde mmepͻ nso atintim so pintinn,

Verset: 33

مَتَٰعٗا لَّكُمۡ وَلِأَنۡعَٰمِكُمۡ

(Woi nom) yε akͻnhoma ma mo ne mo ayεmmoa.

Verset: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Sε Mmusuo Da kεseε no ba a,

Verset: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Saa Da no na onipa bεkae ne mmͻden a ͻbͻeε.

Verset: 36

وَبُرِّزَتِ ٱلۡجَحِيمُ لِمَن يَرَىٰ

Amanehunu gya bεda adi pefee ama obi a ohunu.

Verset: 37

فَأَمَّا مَن طَغَىٰ

Na obi a ͻtee atua dii bͻne,

Verset: 38

وَءَاثَرَ ٱلۡحَيَوٰةَ ٱلدُّنۡيَا

Na (ᴐhwԑԑ mu) yii wiase asetena yi no,

Verset: 39

فَإِنَّ ٱلۡجَحِيمَ هِيَ ٱلۡمَأۡوَىٰ

Nokorε sε, Amanehunu gya no mu ne ne fie.

Verset: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Na obi a ͻno deε osuroo sε ͻbɛgyina ne Wura Nyankopͻn anim, na osii ne kraa ho kwan frii honam apεdeε anaa honam akͻnͻdeε ho no,

Verset: 41

فَإِنَّ ٱلۡجَنَّةَ هِيَ ٱلۡمَأۡوَىٰ

(Saa nipa no) fie ne ͻsoro aheman no mu.

Verset: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

Wͻrebisa wo εberε no ho asεm sε, εberε bεn na ebesie?

Verset: 43

فِيمَ أَنتَ مِن ذِكۡرَىٰهَآ

(Ɛberε a εbesie no deε) deεn na wo (bɛtumi) aka fa ho?

Verset: 44

إِلَىٰ رَبِّكَ مُنتَهَىٰهَآ

Ne brε a εbesie no deε εwͻ wo Wura Nyankopͻn hͻ.

Verset: 45

إِنَّمَآ أَنتَ مُنذِرُ مَن يَخۡشَىٰهَا

Na wo (Nkͻmhyεni) deε woyε kͻkͻbͻni ma obi a ɔsuro (saa Da no).

Verset: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Ɛda a (wͻn a wͻnnye nnie no) bɛhunu (saa Da) no no, εbεyε wͻn sε anyumerε mu anaa anͻpa mu berε tiaa bi na wͻde tenaa (wiaseε).