Traduction des sens Sourate AL-‘ÂDIYÂT - Traduction en chewa - Encyclopédie du Noble Coran

AL-‘ÂDIYÂT

Verset: 1

وَٱلۡعَٰدِيَٰتِ ضَبۡحٗا

Ndikulumbilira akavalo othamanga ali ndi phuma,

Verset: 2

فَٱلۡمُورِيَٰتِ قَدۡحٗا

Ndi otulutsa moto ku zikhotwa (pomenyetsa miyendo m’miyala),

Verset: 3

فَٱلۡمُغِيرَٰتِ صُبۡحٗا

Ndi othira nkhondo adani mmawa (dzuwa lisadatuluke),

Verset: 4

فَأَثَرۡنَ بِهِۦ نَقۡعٗا

Ndi kuulutsa fumbi lambiri (kwa adani) nthawi imeneyo,

Verset: 5

فَوَسَطۡنَ بِهِۦ جَمۡعًا

Ndikulowelera mkatikati mwa adani.

Verset: 6

إِنَّ ٱلۡإِنسَٰنَ لِرَبِّهِۦ لَكَنُودٞ

Ndithu munthu ali wokanira Mbuye wake, (sathokoza Allah pa zimene amdalitsa nazo).^[472]

[472] Tanthauzo la “kukanira Mbuye wake” ndi kuukanira mtendere Wake. Ndipo kukanira mtendere ndiko kusagwiritsira ntchito mtenderewo mnjira zabwino, monga m’mapemphero ndi zina zotero.

Verset: 7

وَإِنَّهُۥ عَلَىٰ ذَٰلِكَ لَشَهِيدٞ

Ndithudi iye pa zimenezi ndi mboni (yodzichitira yekha kupyolera mzochitachita zake).

Verset: 8

وَإِنَّهُۥ لِحُبِّ ٱلۡخَيۡرِ لَشَدِيدٌ

Ndipo ndithu iye ndiwokonda chuma kwambiri (ndiponso ngwamsulizo).^[473]

[473] Kapena kuti ali wofunitsitsa chuma kwambiri; kumeneko ndikumangoti mtima dyokodyoko pachuma. Ukachipeza ndikumachichitira umbombo ndipo ndikumaganiza kuti chumacho nchopambana china chilichonse.

Verset: 9

۞ أَفَلَا يَعۡلَمُ إِذَا بُعۡثِرَ مَا فِي ٱلۡقُبُورِ

Kodi sakudziwa zikadzatulutsidwa za m’manda,

Verset: 10

وَحُصِّلَ مَا فِي ٱلصُّدُورِ

Ndikudzasonkhanitsidwa ndi kuonekera poyera zomwe zidali m’mitima?

Verset: 11

إِنَّ رَبَّهُم بِهِمۡ يَوۡمَئِذٖ لَّخَبِيرُۢ

Ndithu tsiku limenelo Mbuye wawo adzawadziwa kwambiri (ndikuwalongosolera zonse zochita zawo).^[474]

[474] “Kuwadziwa kwambiri,” kukutanthauza kuti Iye ngodziwa zazikuluzikulu ndi zazing’onozing’ono zoonekera poyera ndi zobisika. Tsiku limenelo adzawalipira chilichonse chimene adachita.