Traduction des sens Sourate AL-MOUDDATHTHIR - Traduction en ougandais - Société Africaine de Développement - Encyclopédie du Noble Coran

Al–Muddathir

Verset: 1

يَٰٓأَيُّهَا ٱلۡمُدَّثِّرُ

1. Owange ggwe eyeebikiridde (olwokutya Malayika Jiburilu lwe yakuleetera obubaka okuva eri Katonda).

Verset: 2

قُمۡ فَأَنذِرۡ

2. Golokoka otiise abantu ebibonerezo bya Katonda.

Verset: 3

وَرَبَّكَ فَكَبِّرۡ

3. Ne Mukama Katondawo yekka gwoba ogulumiza.

Verset: 4

وَثِيَابَكَ فَطَهِّرۡ

4. N'engoyezo zitukuze.

Verset: 5

وَٱلرُّجۡزَ فَٱهۡجُرۡ

5. Amasanamu geewalire ddala.

Verset: 6

وَلَا تَمۡنُن تَسۡتَكۡثِرُ

6. Tokoleranga abantu obulungi ng'ogenderera kufunamu bulungi kuno ku nsi.

Verset: 7

وَلِرَبِّكَ فَٱصۡبِرۡ

7. Beeranga mugumikiriza osobole okufuna okusiima kwa Mukama Katondawo.

Verset: 8

فَإِذَا نُقِرَ فِي ٱلنَّاقُورِ

8. Engombe bwerifuuyibwa (kulwokuzuukira).

Verset: 9

فَذَٰلِكَ يَوۡمَئِذٖ يَوۡمٌ عَسِيرٌ

9. Olunaku olwo lugenda kuba lunaku luzito.

Verset: 10

عَلَى ٱلۡكَٰفِرِينَ غَيۡرُ يَسِيرٖ

10. Terugenda kuba lwangu eri abakafiiri.

Verset: 11

ذَرۡنِي وَمَنۡ خَلَقۡتُ وَحِيدٗا

11. (Owange ggwe Nabbi Muhammad) ndeka nooyo gwe nnetondera.

Verset: 12

وَجَعَلۡتُ لَهُۥ مَالٗا مَّمۡدُودٗا

12. Nemuwa ebyobugagga ebiyitirivu.

Verset: 13

وَبَنِينَ شُهُودٗا

13. Nemuwa nabaana abatutumufu.

Verset: 14

وَمَهَّدتُّ لَهُۥ تَمۡهِيدٗا

14. Ne mugaziyiriza olugaziya (e byenfuna obukulembeze n'ekitiibwa).

Verset: 15

ثُمَّ يَطۡمَعُ أَنۡ أَزِيدَ

15. Oluvanyuma alulunkanira okumwongera okusingako awo.

Verset: 16

كَلَّآۖ إِنَّهُۥ كَانَ لِأٓيَٰتِنَا عَنِيدٗا

16. Nedda sijja kumwongera kuba yawakanya ebigambo byaffe (Kur'ani).

Verset: 17

سَأُرۡهِقُهُۥ صَعُودًا

17. Nja kumussaako e bibonerezo e bizito.

Verset: 18

إِنَّهُۥ فَكَّرَ وَقَدَّرَ

18. Anti mazima yye (Al Walid bin Mugiira) yalowooza era naasalawo okuvvoola Kur'ani.

Verset: 19

فَقُتِلَ كَيۡفَ قَدَّرَ

19. Nakolimirwa okusinziira ku ngeri gyeyasalawo.

Verset: 20

ثُمَّ قُتِلَ كَيۡفَ قَدَّرَ

20. Era ddala yakolimirwa ku ngeri gyeyasalawo.

Verset: 21

ثُمَّ نَظَرَ

21. Oluvanyuma yakirowozaako.

Verset: 22

ثُمَّ عَبَسَ وَبَسَرَ

22. Olwo nno ne yeekaba najja emitaafu.

Verset: 23

ثُمَّ أَدۡبَرَ وَٱسۡتَكۡبَرَ

23. Ne kyaddirira ebituufu yabivaako neyekuluntaza.

Verset: 24

فَقَالَ إِنۡ هَٰذَآ إِلَّا سِحۡرٞ يُؤۡثَرُ

24. Olwo nno n'alangirira nti e bigambo bya Muhammad temuli wabula ddogo erijjibwa ku balogo abasooka.

Verset: 25

إِنۡ هَٰذَآ إِلَّا قَوۡلُ ٱلۡبَشَرِ

25. Era byayogera tebisukka ku kuba bigambo bya muntu!

Verset: 26

سَأُصۡلِيهِ سَقَرَ

26. (Katonda naagamba nti:) nja kumuyingiza omuliro Sakara.

Verset: 27

وَمَآ أَدۡرَىٰكَ مَا سَقَرُ

27. Naye omanyi Sakara kyeki.

Verset: 28

لَا تُبۡقِي وَلَا تَذَرُ

28. Gwo muliro ogutagenda kulekawo kintu wadde okukitaliza.

Verset: 29

لَوَّاحَةٞ لِّلۡبَشَرِ

29. Gwokera ddala negusiriiza eddiba lyomuntu.

Verset: 30

عَلَيۡهَا تِسۡعَةَ عَشَرَ

30. Gukuumibwa ba Malayika kkumi na mwenda.

Verset: 31

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

31. Ate omulimu gwokukuuma omuliro tetwaguwa okugyako ba Malayika, era omuwendo gwabwe tetwaguteekawo okugyako nga kikemo eri abatakkiriza Katonda, so nga abo abaweebwa ekitabo ekyo kibongera kukakasa (ebyo bye baalina), ate bo abakkiriza (abagoberezi ba Nabbi Muhammad) kyongera kunyweza bukkiriza bwabwe, era abaweebwa ekitabo n'abakkiriza babe nga tebasigalamu kakunkuna, wabula nga (abanafunsi) abalina obulwadde mu mitima gyabwe n'abatakkiriza bagamba nti Katonda kiki kyagenderera mu kifananyi kino, bwatyo nno Katonda abuza nalungamya oyo gwaba ayagadde, ate tewali amanyi ggye lya Mukama Katondawo okugyako yye, ebyo byonna ebyogeddwa tewali kibigendererwamu okugyako okubuulirira omuntu.

Verset: 32

كَلَّا وَٱلۡقَمَرِ

32. Nedda (tekiri ng'abantu abamu bwe balowooza), mazima ndayidde omwezi.

Verset: 33

وَٱلَّيۡلِ إِذۡ أَدۡبَرَ

33. Ne ndayira n'ekiro mu kiseera we kiggwerako.

Verset: 34

وَٱلصُّبۡحِ إِذَآ أَسۡفَرَ

34. Ne ndayira n'amakya ngabusasaana.

Verset: 35

إِنَّهَا لَإِحۡدَى ٱلۡكُبَرِ

35. Mazima ggwo (omuliro Sakara) kye kimu ku binene.

Verset: 36

نَذِيرٗا لِّلۡبَشَرِ

36. Ebyandibadde bibuulirira omuntu.

Verset: 37

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

37. Eri oyo aba ayagadde mu mmwe okudda eri Katondawe oba okumwesamba.

Verset: 38

كُلُّ نَفۡسِۭ بِمَا كَسَبَتۡ رَهِينَةٌ

38. Buli muntu agenda kubeera musingo gwa mirimugye.

Verset: 39

إِلَّآ أَصۡحَٰبَ ٱلۡيَمِينِ

39. Okugyako abo abalibeera ku mukono ogwaddyo.

Verset: 40

فِي جَنَّٰتٖ يَتَسَآءَلُونَ

40. Bagenda kubeera mu jjana nga babuuza ebifa.

Verset: 41

عَنِ ٱلۡمُجۡرِمِينَ

41. Ku bonoonyi.

Verset: 42

مَا سَلَكَكُمۡ فِي سَقَرَ

42. Nga babagamba nti ki ekibayingizza omuliro.

Verset: 43

قَالُواْ لَمۡ نَكُ مِنَ ٱلۡمُصَلِّينَ

43. Baligamba nti tetubangako mu basaaze.

Verset: 44

وَلَمۡ نَكُ نُطۡعِمُ ٱلۡمِسۡكِينَ

44. Era tetwaliisanga banaku.

Verset: 45

وَكُنَّا نَخُوضُ مَعَ ٱلۡخَآئِضِينَ

45. Twabeeranga nabakubi bambekuulo.

Verset: 46

وَكُنَّا نُكَذِّبُ بِيَوۡمِ ٱلدِّينِ

46. Era twali tulimbisa olunaku lw'enkomerero.

Verset: 47

حَتَّىٰٓ أَتَىٰنَا ٱلۡيَقِينُ

47. Okutuusa okufa lw'ekwatutuukako.

Verset: 48

فَمَا تَنفَعُهُمۡ شَفَٰعَةُ ٱلشَّٰفِعِينَ

48. Kale tebagenda kuganyulwa mu kuwolereza kwa bawolereza.

Verset: 49

فَمَا لَهُمۡ عَنِ ٱلتَّذۡكِرَةِ مُعۡرِضِينَ

49. Kakano kiki ekibaddusa okuva ku kubuulirira kwa (Kur'ani kuno).

Verset: 50

كَأَنَّهُمۡ حُمُرٞ مُّسۡتَنفِرَةٞ

50. Nga balinga entulege ezigobeddwa.

Verset: 51

فَرَّتۡ مِن قَسۡوَرَةِۭ

51. Ezidduka e mpologoma.

Verset: 52

بَلۡ يُرِيدُ كُلُّ ٱمۡرِيٕٖ مِّنۡهُمۡ أَن يُؤۡتَىٰ صُحُفٗا مُّنَشَّرَةٗ

52. Wabula buli omu mubo ayagala aweebwe ebiwandiiko ebibikuddwa.

Verset: 53

كَلَّاۖ بَل لَّا يَخَافُونَ ٱلۡأٓخِرَةَ

53. Nedda ekituufu kiri nti bbo tebakkiriza nkomerero.

Verset: 54

كَلَّآ إِنَّهُۥ تَذۡكِرَةٞ

54. Mazima ddala yo (Kur'ani) kyakubuulirira.

Verset: 55

فَمَن شَآءَ ذَكَرَهُۥ

55. Oyo aba ayagadde yeebulirira nayo.

Verset: 56

وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ

56. Wabula tebayinza kwebuulirira okugyako nga Katonda ayagadde, yye ye nanyini kutiibwa era ye nanyini kusonyiwa.