Traduction des sens Sourate AL-MOUDDATHTHIR - Traduction en langue Yao - Encyclopédie du Noble Coran

Al-Muddaththir

Verset: 1

يَٰٓأَيُّهَا ٱلۡمُدَّثِّرُ

E, mmwe ŵan'diunichile nguwo!

Verset: 2

قُمۡ فَأَنذِرۡ

Jimani ni mwaatetele (ŵandu).

Verset: 3

وَرَبَّكَ فَكَبِّرۡ

Soni Ambuje ŵenu (Allah) mwakusyaani.

Verset: 4

وَثِيَابَكَ فَطَهِّرۡ

Soni nguwo syenu siswejesyani.

Verset: 5

وَٱلرُّجۡزَ فَٱهۡجُرۡ

Soni yakusakala (mpela isanamu) iŵambalani.

Verset: 6

وَلَا تَمۡنُن تَسۡتَكۡثِرُ

Soni ngasimumpa (jwinejwakwe chindu) ni ligongo lyakuti mpochele yejinji.

Verset: 7

وَلِرَبِّكَ فَٱصۡبِرۡ

Soni ligongo lya Ambuje ŵenu (Allah) pililani.

Verset: 8

فَإِذَا نُقِرَ فِي ٱلنَّاقُورِ

Basi ndema jalichigombedwa lipenga.

Verset: 9

فَذَٰلِكَ يَوۡمَئِذٖ يَوۡمٌ عَسِيرٌ

Lyele lisikulyotu lichiŵa lisiku lyakunonopa kusyene.

Verset: 10

عَلَى ٱلۡكَٰفِرِينَ غَيۡرُ يَسِيرٖ

Kwa achimakafili ngasiliŵa lyakwepepala.

Verset: 11

ذَرۡنِي وَمَنۡ خَلَقۡتُ وَحِيدٗا

Munekaani ni mundu jwanan'gumbile jikajikape.

Verset: 12

وَجَعَلۡتُ لَهُۥ مَالٗا مَّمۡدُودٗا

Ninampele ipanje yejinji.

Verset: 13

وَبَنِينَ شُهُودٗا

Ni ŵanache ŵakuŵanajo.

Verset: 14

وَمَهَّدتُّ لَهُۥ تَمۡهِيدٗا

Ni nankolochesye (ndamo jakwe) kunkolochesya kwambone nnope.

Verset: 15

ثُمَّ يَطۡمَعُ أَنۡ أَزِيدَ

Panyuma pakwe jukolaga tama janti ndili nan'jonjechesye.

Verset: 16

كَلَّآۖ إِنَّهُۥ كَانَ لِأٓيَٰتِنَا عَنِيدٗا

Kwapi! Chisimu jwalakwejo jwaliji nkugakanila maaya Getu.

Verset: 17

سَأُرۡهِقُهُۥ صَعُودًا

Chingankanganichisye ku ilagasyo yakusausya kuikwela.

Verset: 18

إِنَّهُۥ فَكَّرَ وَقَدَّرَ

Chisimu jwalakwe jwachetelele (yatajile paajigamba Qur’an) ni jwapimiile.

Verset: 19

فَقُتِلَ كَيۡفَ قَدَّرَ

Basi julwesedwe, ana jwapimiile chantiuli!

Verset: 20

ثُمَّ قُتِلَ كَيۡفَ قَدَّرَ

Soni julwesedwe, ana jwapimiile chantiuli!

Verset: 21

ثُمَّ نَظَرَ

Kaneka ni jwalolite (ŵandu).

Verset: 22

ثُمَّ عَبَسَ وَبَسَرَ

Kaneko ni jwautile sinya ni kusakasya kungope (kulosya ukali).

Verset: 23

ثُمَّ أَدۡبَرَ وَٱسۡتَكۡبَرَ

Kaneko soni jwachitundumalile (chikulupi) ni kulikwesya.

Verset: 24

فَقَالَ إِنۡ هَٰذَآ إِلَّا سِحۡرٞ يُؤۡثَرُ

Ni jwatite: “Nganijiŵatu jalakwe (Qur’aniji) ikaŵeje usaŵi waukupocheledwa (kuumila kwa asaŵi ŵakala).”

Verset: 25

إِنۡ هَٰذَآ إِلَّا قَوۡلُ ٱلۡبَشَرِ

“Nganijiŵatu jalakwe (Qur’aniji) ikaŵeje maloŵe ga mundu.”

Verset: 26

سَأُصۡلِيهِ سَقَرَ

Sampano tinan'jinjisye ku Saqara.

Verset: 27

وَمَآ أَدۡرَىٰكَ مَا سَقَرُ

Ana ni chichi champaka chimmanyisye ya Saqara?

Verset: 28

لَا تُبۡقِي وَلَا تَذَرُ

(Weletu ni Moto) wangasigasya (chilichose chachiponyedwemo) soni wangachileka (kuti chikopoche).

Verset: 29

لَوَّاحَةٞ لِّلۡبَشَرِ

Wakutinisya ni kuŵiilisya lipende.

Verset: 30

عَلَيۡهَا تِسۡعَةَ عَشَرَ

Pa walakweo pana (Achimalika ŵakuugosa) ŵakwana likumi kwisa nsano nancheche (19).

Verset: 31

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

Ni nganitwaaŵiika akuuloleela Moto ikaŵeje Achimalaika, soni nganituchiŵiika chiŵalanjilo chaocho ikaŵeje kuŵa mayeso gakwalinjila achimakafili, kuti asimichisye ŵandu ŵaŵapedwile chitabu (ya chiŵalanjilochi), ni kuti soni ajonjechesye chikulupi chao ŵandu ŵaakulupilile, soni kuti akakaichila ŵandu ŵaŵapedwile chitabu ni ŵakulupilila, ni kuti soni aŵala ŵamuli m’mitima mwao mwana ulwele (wa unakunaku) ni achimakafili ajileje: “Ana Allah akusaka chichi pachilandanyo chalakwechi?” Iyyoyopeyo niyaakutiji Allah pa kunnechelela kusokonechela jwansachile ni kun'jongola jwansachile. Ni pangali ŵaakumanyilila mikutula ja asilikali ŵa Ambuje ŵenu ikaŵeje Jwelepejo. Ni nganiuŵa Walakwe (Motowo) ikaŵeje chikumbusyo kwa ŵandu (cha kwatetela nacho).

Verset: 32

كَلَّا وَٱلۡقَمَرِ

Ngwamba! Nguulumbila mwesi.

Verset: 33

وَٱلَّيۡلِ إِذۡ أَدۡبَرَ

Ni chilo ndema jachikutyoka (pakucha).

Verset: 34

وَٱلصُّبۡحِ إِذَآ أَسۡفَرَ

Ni kumasikusiku ndema jakukulanguka.

Verset: 35

إِنَّهَا لَإِحۡدَى ٱلۡكُبَرِ

Chisimu Walakwe (Motowo) uŵele limpepe (m’makungu) gekulungwa nnope.

Verset: 36

نَذِيرٗا لِّلۡبَشَرِ

Chitetelo kwa ŵandu.

Verset: 37

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

Kwa jwalijose mwa jenumanja jwaasachile kuti alongolele (pakutenda yambone) kapena kusigalila (pakupanganya yakusakala).

Verset: 38

كُلُّ نَفۡسِۭ بِمَا كَسَبَتۡ رَهِينَةٌ

Mundu jwalijose tachiŵa uwombosi wakuliombolela ku (yakusakala) yaŵapanganyisye (pakutaŵidwa ku Moto).

Verset: 39

إِلَّآ أَصۡحَٰبَ ٱلۡيَمِينِ

Ikaŵeje aŵala ŵakunkono wan'dyo.

Verset: 40

فِي جَنَّٰتٖ يَتَسَآءَلُونَ

(Chachiŵa) m’Matimbe ga ku Mbepo achiwuusyanaga.

Verset: 41

عَنِ ٱلۡمُجۡرِمِينَ

Ya (ŵandu) ŵakuleŵa.

Verset: 42

مَا سَلَكَكُمۡ فِي سَقَرَ

“Ana ni chichi chachin'jinjisye ŵanganyammwe ku Saqara?”

Verset: 43

قَالُواْ لَمۡ نَكُ مِنَ ٱلۡمُصَلِّينَ

(Pakwanga) chachitiji: “Nganituŵa mwa akuswali.”

Verset: 44

وَلَمۡ نَكُ نُطۡعِمُ ٱلۡمِسۡكِينَ

“Soni nganituŵa nkwaaliisya masikini.”

Verset: 45

وَكُنَّا نَخُوضُ مَعَ ٱلۡخَآئِضِينَ

“Ni twaliji nkutiŵila (mu sambi) pamo ni akutiŵila.”

Verset: 46

وَكُنَّا نُكَذِّبُ بِيَوۡمِ ٱلدِّينِ

“Ni twaliji soni nkukanila ya Lisiku Lyamalipilo.”

Verset: 47

حَتَّىٰٓ أَتَىٰنَا ٱلۡيَقِينُ

“Mpaka chatuichilile chiwa.”

Verset: 48

فَمَا تَنفَعُهُمۡ شَفَٰعَةُ ٱلشَّٰفِعِينَ

Basi ngasichija kwakamuchisya ŵanganyao chondechonde cha akuchondelela.

Verset: 49

فَمَا لَهُمۡ عَنِ ٱلتَّذۡكِرَةِ مُعۡرِضِينَ

Ana chipali chichi kukwao chikwatendekasya kuchitundumalila chikumbusyo (Qur’an)?

Verset: 50

كَأَنَّهُمۡ حُمُرٞ مُّسۡتَنفِرَةٞ

(Kakwipuche kakwe kuti akajipikana Qur’an) gamba kuŵa ŵanganyao mpela mbunda (syamwitinji) syasikwipusyidwe.

Verset: 51

فَرَّتۡ مِن قَسۡوَرَةِۭ

Syasikutila lisimba.

Verset: 52

بَلۡ يُرِيدُ كُلُّ ٱمۡرِيٕٖ مِّنۡهُمۡ أَن يُؤۡتَىٰ صُحُفٗا مُّنَشَّرَةٗ

Yeti mundu jwalijose mwa ŵanganyao akusakaga ali apedwile ikalakala yeunukule-unukule (kuumila kwa Allah kutendela umboni yakuŵecheta Muhammadi ﷺ).

Verset: 53

كَلَّاۖ بَل لَّا يَخَافُونَ ٱلۡأٓخِرَةَ

Ngwamba! Nambo kuti ŵanganyao ngaakujijogopa Akhera.

Verset: 54

كَلَّآ إِنَّهُۥ تَذۡكِرَةٞ

Ngwamba! Chisimu jalakwe (Qur’aniji) jiŵele chikumbusyo.

Verset: 55

فَمَن شَآءَ ذَكَرَهُۥ

Basi jwaakusaka taalikumbusye najo.

Verset: 56

وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ

Ni nganaŵa alikumbwisye ŵanganyao ikaŵeje naga Allah ali asachile. Jwalakwe ni jwaali Jwakuŵajilwa kogopedwa soni ni Nysene chikululuko.