Traduction des sens Sourate AL-MOURSALÂT - Traduction en langue Yao - Encyclopédie du Noble Coran

Al-Murslât

Verset: 1

وَٱلۡمُرۡسَلَٰتِ عُرۡفٗا

Ngujilumbila mbungo jajikupuga mwakuyana.

Verset: 2

فَٱلۡعَٰصِفَٰتِ عَصۡفٗا

Ni mbungo jajikupuga mwa chimbunga.

Verset: 3

وَٱلنَّٰشِرَٰتِ نَشۡرٗا

Ni mbungo jajikwenesya (mawunde kwisa soni wula) mu kajenesye (kaasachile Allah).

Verset: 4

فَٱلۡفَٰرِقَٰتِ فَرۡقٗا

Ni ma Ȃya (ga Qur’an) gakulekanganya (chilikati cha yakuona ni yaunami).

Verset: 5

فَٱلۡمُلۡقِيَٰتِ ذِكۡرًا

Ni (Achimalaika) ŵaakupelekaga utenga (kwa Achimitenga).

Verset: 6

عُذۡرًا أَوۡ نُذۡرًا

Kuti utyose kuliŵalanga (kwakupeleka madandausi) kapena kuti utetele.

Verset: 7

إِنَّمَا تُوعَدُونَ لَوَٰقِعٞ

Chisimu ichindu yankupedwa chilanga (cha kwisa kwakwe, mpela Kiyama) iŵele yakupatikana (mwangalepeleka).

Verset: 8

فَإِذَا ٱلنُّجُومُ طُمِسَتۡ

Pa ndema ja sichisiimaasidwa ndondwa (kuŵala kwakwe).

Verset: 9

وَإِذَا ٱلسَّمَآءُ فُرِجَتۡ

Ni ndema ja lichipesedwa liwunde (nikuŵa mapesa-mapesa).

Verset: 10

وَإِذَا ٱلۡجِبَالُ نُسِفَتۡ

Ni ndema ja gachichuŵidwa matumbi ni kusyajidwa mwachitema ni kuululusyidwa.

Verset: 11

وَإِذَا ٱلرُّسُلُ أُقِّتَتۡ

Ni ndema ja chachisonganganyisyidwa Achimitenga pa ndema jetomechedwe.

Verset: 12

لِأَيِّ يَوۡمٍ أُجِّلَتۡ

Ana lisikuchi lyaiŵichilidwe (yayisalidweyi kuti tiyitendekwe)?

Verset: 13

لِيَوۡمِ ٱلۡفَصۡلِ

Pa Lisiku Lyachiilanyo.

Verset: 14

وَمَآ أَدۡرَىٰكَ مَا يَوۡمُ ٱلۡفَصۡلِ

Ana ni chichi champaka chimmanyisye ya Lisiku Lyachiilanyo?

Verset: 15

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Verset: 16

أَلَمۡ نُهۡلِكِ ٱلۡأَوَّلِينَ

Ana Uwwe nganitwajonanga (ŵandu) ŵandanda (ligongo lya ilemwa yao)?

Verset: 17

ثُمَّ نُتۡبِعُهُمُ ٱلۡأٓخِرِينَ

Kaneka chitukuichisye pajamanjao (kwajonanga ŵandu) ŵambesi.

Verset: 18

كَذَٰلِكَ نَفۡعَلُ بِٱلۡمُجۡرِمِينَ

Mwele ni mwatukutendelaga ni ŵandu ŵakuleŵa.

Verset: 19

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Verset: 20

أَلَمۡ نَخۡلُقكُّم مِّن مَّآءٖ مَّهِينٖ

Ana nganitun'gumba jenumanja kuumila mmesi gakunyosyeka?

Verset: 21

فَجَعَلۡنَٰهُ فِي قَرَارٖ مَّكِينٍ

Basi ni twagaŵisile pa malo gakutamilichika ni kusunjika (m’chiŵelechelo).

Verset: 22

إِلَىٰ قَدَرٖ مَّعۡلُومٖ

Kwikanila ndema jakumanyika.

Verset: 23

فَقَدَرۡنَا فَنِعۡمَ ٱلۡقَٰدِرُونَ

Basi ni twapimiile (ndema jakupagwila mwanache), Uwwetu niŵambone nnope mwa akupimila (ichindu).

Verset: 24

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Verset: 25

أَلَمۡ نَجۡعَلِ ٱلۡأَرۡضَ كِفَاتًا

Ana nganituliŵika litaka kuŵa chikuti?

Verset: 26

أَحۡيَآءٗ وَأَمۡوَٰتٗا

Cha ŵachijumi ni ŵawe?

Verset: 27

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا

Ni tuŵisile mwalakwemo yakunyichisya yaileu-leu (gagali matumbi), ni tumpele kumwa ŵanganyammwe mesi gakunong’a.

Verset: 28

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Verset: 29

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ

(Chachisalilidwa achimakafili kuti): “Ŵigulani mwanja kwa ayila yamwaliji nkuikanila.

Verset: 30

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ

Ŵigulani mwanja ku m'bulili (walyosi lya ku Moto) waukwete nyambi sitatu.

Verset: 31

لَّا ظَلِيلٖ وَلَا يُغۡنِي مِنَ ٱللَّهَبِ

Nganiuŵa mwa m'bulili wachisisimila soni wangakamuchisya kwilamba (lya Moto).”

Verset: 32

إِنَّهَا تَرۡمِي بِشَرَرٖ كَٱلۡقَصۡرِ

Chisimu Walakwe (Motowo) ukasaponyaga (pakutatasika) ndamba (syekulungwa) mpela nyumba jandalaja.

Verset: 33

كَأَنَّهُۥ جِمَٰلَتٞ صُفۡرٞ

Syanti mpela ngamiya syam'bilichila.

Verset: 34

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Verset: 35

هَٰذَا يَوۡمُ لَا يَنطِقُونَ

Lyalakweli nilisiku lyatachitenda ngapaŵecheta (ŵanganyao).

Verset: 36

وَلَا يُؤۡذَنُ لَهُمۡ فَيَعۡتَذِرُونَ

Soni ngasapedwa luusa lwanti aliŵalanje (pakupeleka madandausi).

Verset: 37

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Verset: 38

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ

Lyalakweli ni Lisiku Lyachiilanyo, tunsonganganyisye ŵanganyammwe ni (ŵandu) ŵandanda.

Verset: 39

فَإِن كَانَ لَكُمۡ كَيۡدٞ فَكِيدُونِ

Sano naga nkwete malindi, basi mundendelani.

Verset: 40

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Verset: 41

إِنَّ ٱلۡمُتَّقِينَ فِي ظِلَٰلٖ وَعُيُونٖ

Chisimu ŵakun'jogopa (Allah) chachiŵa m’miulili (jakusisimila chenene) ni achitutumule.

Verset: 42

وَفَوَٰكِهَ مِمَّا يَشۡتَهُونَ

Ni isogosi yatachiilaluchilaga.

Verset: 43

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ

(Tachasalila kuti): “Lyagani soni mwagani mwakusengwa ligongo lya ayila (yambone) yamwaliji nkutenda.”

Verset: 44

إِنَّا كَذَٰلِكَ نَجۡزِي ٱلۡمُحۡسِنِينَ

Chisimu Uwwe iyyoyopeyo ni yatukutiji pakwalipila ŵakolosya.

Verset: 45

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Verset: 46

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ

(E, jenumanja achimakafili!) Lyagani ni kusengwa panandi (mukandaŵi kannono kaumi wa duniyau), chisimu ŵanganyammwe ŵaleŵeleŵe.

Verset: 47

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Verset: 48

وَإِذَا قِيلَ لَهُمُ ٱرۡكَعُواْ لَا يَرۡكَعُونَ

Soni pati iŵechetedwe kukwao (yanti): “Jinamani (kuswali).” Ngakwinamaga.

Verset: 49

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Verset: 50

فَبِأَيِّ حَدِيثِۭ بَعۡدَهُۥ يُؤۡمِنُونَ

Ana ni abalichi jatachijikulupilila panyuma pa aji (Qur’an)?