Traduction des sens Sourate AL-LAYL - Traduction en langue Yao - Encyclopédie du Noble Coran

Al-Lail

Verset: 1

وَٱلَّيۡلِ إِذَا يَغۡشَىٰ

Nguchilumbila chilo ndema jachikuunichila (chilichose ni chipi chakwe).

Verset: 2

وَٱلنَّهَارِ إِذَا تَجَلَّىٰ

Ni muusi ndema jakukulanguka.

Verset: 3

وَمَا خَلَقَ ٱلذَّكَرَ وَٱلۡأُنثَىٰٓ

Ni Ajula (Allah) Jwagumbile chachilume ni chachikongwe.

Verset: 4

إِنَّ سَعۡيَكُمۡ لَشَتَّىٰ

Chisimu itendo yenu iŵele yakulekangana-lekangana.

Verset: 5

فَأَمَّا مَنۡ أَعۡطَىٰ وَٱتَّقَىٰ

Sano mundu jwaakutola (petala lya Allah) ni kuŵa niwoga (wakun'jogopa Jwalakwe).

Verset: 6

وَصَدَّقَ بِٱلۡحُسۡنَىٰ

Ni kulupilila yambone nnope (yatakalipidwe ligongo lyakutola).

Verset: 7

فَسَنُيَسِّرُهُۥ لِلۡيُسۡرَىٰ

Basi chitun'jepepachisye litala lyakwalukangana (lyakutendela yambone).

Verset: 8

وَأَمَّا مَنۢ بَخِلَ وَٱسۡتَغۡنَىٰ

Nambo mundu jwachatende ubayili ni kuliona kusichila.

Verset: 9

وَكَذَّبَ بِٱلۡحُسۡنَىٰ

Ni kanila yambone nnope (yaakajiile kuipata akatole).

Verset: 10

فَسَنُيَسِّرُهُۥ لِلۡعُسۡرَىٰ

Basi chitun'jepepachisye litala lyausito (lyakutendela yakusakala).

Verset: 11

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ

Soni ngasichija kunkamuchisya chipanje chakwe ndema jagwila (ku Moto).

Verset: 12

إِنَّ عَلَيۡنَا لَلۡهُدَىٰ

Chisimu Kukwetu nikwachili chongolo.

Verset: 13

وَإِنَّ لَنَا لَلۡأٓخِرَةَ وَٱلۡأُولَىٰ

Soni chisimu Uwwe ni twachinsyene Akhera ni Duniya.

Verset: 14

فَأَنذَرۡتُكُمۡ نَارٗا تَلَظَّىٰ

Basi nguntetela ya Moto waukolela (mwamachili).

Verset: 15

لَا يَصۡلَىٰهَآ إِلَّا ٱلۡأَشۡقَى

Ngaaja kuwujinjila ikaŵeje jwakusakalilwa nnope.

Verset: 16

ٱلَّذِي كَذَّبَ وَتَوَلَّىٰ

Ajula jwaakuŵa nkukanila ni kusyulula.

Verset: 17

وَسَيُجَنَّبُهَا ٱلۡأَتۡقَى

Ni takaŵambasyidwe nao mundu jwawoga kusyene (wakun'jogopa Allah).

Verset: 18

ٱلَّذِي يُؤۡتِي مَالَهُۥ يَتَزَكَّىٰ

Ajula jwaakutola chipanje chakwe pakuliswejesya.

Verset: 19

وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ

Soni pangali kwa jwalakwe jwalijose jwaŵantendele yaukoto yaikuŵa ili nkuusyidwa.

Verset: 20

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ

Ikaŵeje (jukutola) pakusachilila Ngope ja M’mbujeegwe (Allah) Jwapenani kusyene (kuti jukajione ku Akhera).

Verset: 21

وَلَسَوۡفَ يَرۡضَىٰ

Ni juchija kusengwa.