શબ્દોનું ભાષાંતર સૂરહ અલ્ ઇન્શિકાક - સવાહિલી ભાષાતર - અબ્દુલ્લાહ મુહમ્મદ અને નાસિર ખમીસ - કુરઆન કરીમનો એન્સાઈક્લોપીડિયા

Surat Al-Inshiqaq

આયત: 1

إِذَا ٱلسَّمَآءُ ٱنشَقَّتۡ

Pindi mbingu itakapopasuka na kudhihiri mawingu katika pasuko zake Siku ya Kiyama.

આયત: 2

وَأَذِنَتۡ لِرَبِّهَا وَحُقَّتۡ

Na ikatii amri ya Mola wake ya kuwa ipasuke, na inastahili kufuata amri hiyo.

આયત: 3

وَإِذَا ٱلۡأَرۡضُ مُدَّتۡ

Na pindi ardhi itakapotandikwa na kukunjuliwa.

આયત: 4

وَأَلۡقَتۡ مَا فِيهَا وَتَخَلَّتۡ

Na milima yake kuvunjwa-vunjwa Siku hiyo.

આયત: 5

وَأَذِنَتۡ لِرَبِّهَا وَحُقَّتۡ

Na ikatii amri ya Mola wake ya kuwa ifanye hivyo, na inastahili kufuata amri hiyo.

આયત: 6

يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحٗا فَمُلَٰقِيهِ

Ewe binadamu, wewe unaenda kwa Mwenyezi Mungu na unafanya amali nzuri na mbaya, kisha utakutana na Yeye Siku ya Kiyama. Na huna budi kupata kutoka Kwake malipo mazuri zaidi ya amali yako njema au yanayolingana na amali yako mbaya.

આયત: 7

فَأَمَّا مَنۡ أُوتِيَ كِتَٰبَهُۥ بِيَمِينِهِۦ

Yule mwenye kupewa waraka wa amali zake kwa mkono wake wa kulia,

આયત: 8

فَسَوۡفَ يُحَاسَبُ حِسَابٗا يَسِيرٗا

naye ni yule aliyemuamini Mola wake, atahesabiwa hesabu pesi.

આયત: 9

وَيَنقَلِبُ إِلَىٰٓ أَهۡلِهِۦ مَسۡرُورٗا

Na atarudi kwa watu wake Peponi akiwa ni mwenye furaha.

આયત: 10

وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ

Na yule mwenye kupewa waraka wa amali zake kwa nyuma ya mgongo wake,

આયત: 11

فَسَوۡفَ يَدۡعُواْ ثُبُورٗا

naye ni yule aliyemkanusha Mwenyezi Mungu, ataita maangamvu na hasara,

આયત: 12

وَيَصۡلَىٰ سَعِيرًا

na ataingia Motoni.

આયત: 13

إِنَّهُۥ كَانَ فِيٓ أَهۡلِهِۦ مَسۡرُورًا

Hakika yeye alikuwa kwa watu wake ulimwenguni ni mwenye furaha na majivuno, hafikirii mwisho wake utakuwa namna gani.

આયત: 14

إِنَّهُۥ ظَنَّ أَن لَّن يَحُورَ

Alidhani hatarudi kwa Muumba wake, akiwa hai, kwa kuhesabiwa.

આયત: 15

بَلَىٰٓۚ إِنَّ رَبَّهُۥ كَانَ بِهِۦ بَصِيرٗا

Sivyo hivyo! Mwenyezi Mungu Atamrudisha kama alivomuumba na kumlipa kwa amali zake. Kwani Yeye kwake ni Mtambuzi na kwa hali yake ni Mjuzi kuanzia Alipomuumba mpaka kumfufua.

આયત: 16

فَلَآ أُقۡسِمُ بِٱلشَّفَقِ

Mwenyezi Mungu Ameapa kwa wekundu wa pambizo za mbingu wakati wa kutwa jua.

આયત: 17

وَٱلَّيۡلِ وَمَا وَسَقَ

Na kwa usiku na viunbe tofauti - tofauti vya kutambaa, kuruka na kutembea kwa miguu, uliokusanya.

આયત: 18

وَٱلۡقَمَرِ إِذَا ٱتَّسَقَ

Na kwa mwezi ukamilikapo mwangaza wake.

આયત: 19

لَتَرۡكَبُنَّ طَبَقًا عَن طَبَقٖ

Mtapitia, enyi watu, miongo mbalimbali na hali tofauti : kutoka kwenye tone la manii, kuptia pande la damu, nofu la nyama hadi kutiwa roho, mpaka kufa na mpaka kufufuliwa. Haifai kwa kiumbe kuapa kwa asiyekuwa Mwenyezi Mungu, afanyapo hilo atakuwa ameingia kwenye ushirikina.

આયત: 20

فَمَا لَهُمۡ لَا يُؤۡمِنُونَ

Ni kitu gani kinachowazuia kumwamini baada ya aya zake kufafanuliwa kwao?

આયત: 21

وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ۩

Na wana nini wao wanaposomewa Qur’ani hawamsujudii Mwenyezi Mungu wala hawajisalimishi kufuata yaliyokuja ndani yake?

આયત: 22

بَلِ ٱلَّذِينَ كَفَرُواْ يُكَذِّبُونَ

Hakika tabia ya waliokufuru ni kuikanusha na kuikataa haki.

આયત: 23

وَٱللَّهُ أَعۡلَمُ بِمَا يُوعُونَ

Na Mwenyezi Mungu ni Mjuzi zaidi wa ukaidi wao wanaouficha kwenye nyoyo zao hali wao wanajua kuwa yale yaliyoletwa na Qur’ani ni kweli.

આયત: 24

فَبَشِّرۡهُم بِعَذَابٍ أَلِيمٍ

Basi wape bishara, ewe Mtume, kuwa Mwenyezi Mungu, Aliyetukuka na kuwa juu, Amewaandalia adhabu yenye uchungu.

આયત: 25

إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونِۭ

Lakini wale wanaomuamini Mwenyezi Mungu na Mtume wake na wakatekeleza amri waliyofaradhiwa na Mwenyezi Mungu watakuwa na malipo, Siku ya Akhera, yasiyokatika wala kupungua.