Fassarar Ma'anoni Sura Suratu Al'alaq - Fassara da yaren Sinhaliyya - Kundin Alqurani Mai girma

සූරා අල් අලක්

Aya: 1

اِقْرَاْ بِاسْمِ رَبِّكَ الَّذِیْ خَلَقَ ۟ۚ

මැවූ නුඹගේ පරමාධිපතිගේ නාමයෙන් කියවනු.

Aya: 2

خَلَقَ الْاِنْسَانَ مِنْ عَلَقٍ ۟ۚ

ඔහු මිනිසා ලේ කැටියෙන් මැව්වේ ය.

Aya: 3

اِقْرَاْ وَرَبُّكَ الْاَكْرَمُ ۟ۙ

නුඹ කියවනු. නුඹේ පරමාධිපති අති ගෞරවනීය ය.

Aya: 4

الَّذِیْ عَلَّمَ بِالْقَلَمِ ۟ۙ

ඔහු පන්හිඳෙන් (ලිවීමට) ඉගැන්වී ය.

Aya: 5

عَلَّمَ الْاِنْسَانَ مَا لَمْ یَعْلَمْ ۟ؕ

මිනිසාට ඔහු නොදැන සිටි දෑ ඔහු ඉගැන්වී ය.

Aya: 6

كَلَّاۤ اِنَّ الْاِنْسَانَ لَیَطْغٰۤی ۟ۙ

නොඑසේය, නියත වශයෙන්ම මිනිසා සීමාව ඉක්මවා යන්නේ ය.

Aya: 7

اَنْ رَّاٰهُ اسْتَغْنٰی ۟ؕ

තමන් ස්වාධීන යැයි ඔහු සිතන්නේ ය.

Aya: 8

اِنَّ اِلٰی رَبِّكَ الرُّجْعٰی ۟ؕ

නියත වශයෙන් ම නැවත හැරී යාම නුඹගේ පරමාධිපති වෙත ය.

Aya: 9

اَرَءَیْتَ الَّذِیْ یَنْهٰی ۟ۙ

වළක්වන අය ව නුඹ දුටුවෙහිද?

Aya: 10

عَبْدًا اِذَا صَلّٰی ۟ؕ

ගැත්තා සලාතය ඉටු කරන විට (ඔහුව වළක්වන අය නුඹ දුටුවෙහිද?)

Aya: 11

اَرَءَیْتَ اِنْ كَانَ عَلَی الْهُدٰۤی ۟ۙ

ඔහු යහමඟෙහි සිටන වග නුඹ දුටුවෙහි ද?

Aya: 12

اَوْ اَمَرَ بِالتَّقْوٰی ۟ؕ

නැතහොත් බිය බැතිමත්භාවය පිළිබඳ අණ කර සිටින වග (නුඹ දුටුවෙහි ද?)

Aya: 13

اَرَءَیْتَ اِنْ كَذَّبَ وَتَوَلّٰی ۟ؕ

තවද ඔහු (සත්‍යය) බොරු කර පිටුපාන වග නුඹ දුටුවෙහි ද?

Aya: 14

اَلَمْ یَعْلَمْ بِاَنَّ اللّٰهَ یَرٰی ۟ؕ

නියත වශයෙන් ම අල්ලාහ් දකියි යැයි ඔහු නොදැන සිටියේ ද?

Aya: 15

كَلَّا لَىِٕنْ لَّمْ یَنْتَهِ ۙ۬— لَنَسْفَعًا بِالنَّاصِیَةِ ۟ۙ

නොඑසේය. ඔහු එයින් නොවැළකුණේ නම් අපි ඉදිරි නළල් කෙස් රොදින් (ඔහු ව) ඇදගෙන එන්නෙමු.

Aya: 16

نَاصِیَةٍ كَاذِبَةٍ خَاطِئَةٍ ۟ۚ

එනම් වැරදි කරමින් ද බොරුකරමින් ද සිටි (ඔහුගේ) නළල් කෙස් රොදිනි.

Aya: 17

فَلْیَدْعُ نَادِیَهٗ ۟ۙ

එබැවින් ඔහු ඔහුගේ කැඳවුම් කරුවන් කැඳවත්වා!

Aya: 18

سَنَدْعُ الزَّبَانِیَةَ ۟ۙ

මතුවට අපි ද අපගේ (නිරයේ භාරකාර මලක්වරුන් වන) zසබානියාවරුන් කැඳවන්නෙමු.

Aya: 19

كَلَّا ؕ— لَا تُطِعْهُ وَاسْجُدْ وَاقْتَرِبْ ۟

නොඑසේ ය. නුඹ ඔහුට අවනත නොවනු. නුඹගේ (පරමාධිපතිට) සජදා කරනු. තවද ඔහුට සමීප වනු.