Fassarar Ma'anoni Sura Suratu Al'shams - Fassara da yaren Sawahili - Abdullah Muhammad da Nasir Khamis - Kundin Alqurani Mai girma

Surat Ash-Shams

Aya: 1

وَٱلشَّمۡسِ وَضُحَىٰهَا

Mwenyezi Mungu Anaapa kwa jua na mchana wake na mwangaza wake wa asubuhi.

Aya: 2

وَٱلۡقَمَرِ إِذَا تَلَىٰهَا

Na kwa mwezi unapolifuata wakati wa kucha na kutwa.

Aya: 3

وَٱلنَّهَارِ إِذَا جَلَّىٰهَا

Na kwa mchana unapoliondoa giza na kulifunua.

Aya: 4

وَٱلَّيۡلِ إِذَا يَغۡشَىٰهَا

Na kwa usiku unapoifinika ardhi ikawa giza.

Aya: 5

وَٱلسَّمَآءِ وَمَا بَنَىٰهَا

Na kwa mbingu na kujengeka kwake kiimara.

Aya: 6

وَٱلۡأَرۡضِ وَمَا طَحَىٰهَا

Na kwa ardhi na kutandikika kwake.

Aya: 7

وَنَفۡسٖ وَمَا سَوَّىٰهَا

Na kwa kila nafsi na namna Mwenyezi Mungu alivyoikamilisha umbo lake ili itekeleze kazi iliyoumbiwa nayo.

Aya: 8

فَأَلۡهَمَهَا فُجُورَهَا وَتَقۡوَىٰهَا

Akaibainishia njia ya shari na njia ya kheri.

Aya: 9

قَدۡ أَفۡلَحَ مَن زَكَّىٰهَا

Amefaulu mwenye kuisafisha na kuikuza kwa kheri.

Aya: 10

وَقَدۡ خَابَ مَن دَسَّىٰهَا

Na ameingia kwenye hasara mwenye kuitia nafsi yake kwenye maasia.

Aya: 11

كَذَّبَتۡ ثَمُودُ بِطَغۡوَىٰهَآ

Kabila la Thamūd lilimkanusha Nabii wake kwa kuvama kwenye uasi.

Aya: 12

إِذِ ٱنۢبَعَثَ أَشۡقَىٰهَا

Pindi walipotoka wabaya zaidi wa kabila hilo kumchinja Ngamia. Mtume wa Mwenyezi Mungu’ Ṣāliḥ, amani imshukie,

Aya: 13

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا

akawaambia: «Tahadharini kumgusa kwa ubaya ngamia ambaye ni miujiza ilioletwa na Mwenyezi Mungu kwenu inayoonyesha ukweli wa Nabii wenu, na msizuie kinywaji chake. Yeye ana siku yake ya kunywa na nyinyi mna siku yenu maalumu ya kunywa.» Hilo likawa zito kwao.

Aya: 14

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا

Wakamkanusha na kulipuza onyo lake wakamchinja.Mola wao Akawafinika kwa adhabu, akaisawazisha juu yao na hakuna aliyeweza kuponyoka.

Aya: 15

وَلَا يَخَافُ عُقۡبَٰهَا

Wala Haogopi, Mwenye uwezo uliotukuka, athari ya adhabu kali Aliywateremshia.