Terjemahan makna Surah Surah Al-Kāfirūn - Terjemahan Berbahasa Sawahili - Ali Muhsin Al-Barwani - Ensiklopedia Alquran Alkarim

Surat Al-Kafirun

Ayah: 1

قُلۡ يَٰٓأَيُّهَا ٱلۡكَٰفِرُونَ

Sema: Enyi makafiri!

Ewe Muhammad! Sema: Enyi makafiri, mlio shikilia juu ya ukafiri wenu.

Ayah: 2

لَآ أَعۡبُدُ مَا تَعۡبُدُونَ

Siabudu mnacho kiabudu;

Mimi simuabudu mnaye muabudu nyinyi badala ya Mwenyezi Mungu.

Ayah: 3

وَلَآ أَنتُمۡ عَٰبِدُونَ مَآ أَعۡبُدُ

Wala nyinyi hamuabudu ninaye muabudu.

Wala nyinyi si wenye kumuabudu huyo ambaye mimi namuabudu, naye ni Mwenyezi Mungu wa pekee.

Ayah: 4

وَلَآ أَنَا۠ عَابِدٞ مَّا عَبَدتُّمۡ

Wala sitaabudu mnacho abudu.

Wala mimi si mwenye kuabudu mfano wa ibada yenu, kwani nyinyi ni washirikina.

Ayah: 5

وَلَآ أَنتُمۡ عَٰبِدُونَ مَآ أَعۡبُدُ

Wala nyinyi hamuabudu ninaye muabudu.

Wala nyinyi si wenye kuabudu mfano wa ibada yangu, kwani hii ni Tawhidi, ibada ya Mungu Mmoja.

Ayah: 6

لَكُمۡ دِينُكُمۡ وَلِيَ دِينِ

Nyinyi mna dini yenu, nami nina Dini yangu.

Nyinyi mna dini yenu mnayo itakidi, na mimi nina Dini yangu aliyo niteulia Mwenyezi Mungu niishike.