Terjemahan makna Surah Surah At-Takwīr - Terjemahan Berbahasa Philipina (Tagalog) - Ensiklopedia Alquran Alkarim

At-Takwīr

Ayah: 1

إِذَا ٱلشَّمۡسُ كُوِّرَتۡ

Kapag ang araw ay ipinulupot,

Ayah: 2

وَإِذَا ٱلنُّجُومُ ٱنكَدَرَتۡ

kapag ang mga bituin ay pumanglaw,

Ayah: 3

وَإِذَا ٱلۡجِبَالُ سُيِّرَتۡ

kapag ang mga bundok ay iuusad,

Ayah: 4

وَإِذَا ٱلۡعِشَارُ عُطِّلَتۡ

kapag ang mga buntis na kamelyo^[721] ay pinabayaan,

[721] Ibig sabhin: ang mga pinakamamahaling ari-arian

Ayah: 5

وَإِذَا ٱلۡوُحُوشُ حُشِرَتۡ

kapag ang mga mailap na hayop ay kinalap,

Ayah: 6

وَإِذَا ٱلۡبِحَارُ سُجِّرَتۡ

kapag ang mga dagat ay pinagliyab,

Ayah: 7

وَإِذَا ٱلنُّفُوسُ زُوِّجَتۡ

kapag ang mga kaluluwa ay ipinagpares,^[722]

[722] sa katulad ng mga ito

Ayah: 8

وَإِذَا ٱلۡمَوۡءُۥدَةُ سُئِلَتۡ

kapag ang [batang] babaing inilibing nang buhay ay tatanungin

Ayah: 9

بِأَيِّ ذَنۢبٖ قُتِلَتۡ

dahil sa aling pagkakasala siya pinatay,

Ayah: 10

وَإِذَا ٱلصُّحُفُ نُشِرَتۡ

kapag ang mga pahina [ng tala ng gawa ng tao] ay inilatag,

Ayah: 11

وَإِذَا ٱلسَّمَآءُ كُشِطَتۡ

kapag ang langit ay tinuklap,

Ayah: 12

وَإِذَا ٱلۡجَحِيمُ سُعِّرَتۡ

kapag ang Impiyerno ay pinagliyab,

Ayah: 13

وَإِذَا ٱلۡجَنَّةُ أُزۡلِفَتۡ

at kapag ang Paraiso ay pinalapit [sa mga mananampalataya];

Ayah: 14

عَلِمَتۡ نَفۡسٞ مَّآ أَحۡضَرَتۡ

malalaman ng isang kaluluwa ang ilalahad nito [na maganda at masagwa].

Ayah: 15

فَلَآ أُقۡسِمُ بِٱلۡخُنَّسِ

Kaya talagang sumusumpa Ako sa mga bituing umuurong,

Ayah: 16

ٱلۡجَوَارِ ٱلۡكُنَّسِ

na umiinog na nagtatago,

Ayah: 17

وَٱلَّيۡلِ إِذَا عَسۡعَسَ

at sa gabi kapag umurong-sulong ito,

Ayah: 18

وَٱلصُّبۡحِ إِذَا تَنَفَّسَ

at sa madaling-araw kapag huminga ito;

Ayah: 19

إِنَّهُۥ لَقَوۡلُ رَسُولٖ كَرِيمٖ

tunay na [ang Qur’ān na] ito ay talagang sinabi [ni Allāh] sa isang sugong marangal,

Ayah: 20

ذِي قُوَّةٍ عِندَ ذِي ٱلۡعَرۡشِ مَكِينٖ

[si Anghel Gabriel] na may lakas sa ganang May-ari ng Trono, na mataas sa kalagayan,

Ayah: 21

مُّطَاعٖ ثَمَّ أَمِينٖ

na tinatalima [ng mga anghel], pagkatapos mapagkakatiwalaan.

Ayah: 22

وَمَا صَاحِبُكُم بِمَجۡنُونٖ

[O mga tao,] ang kasamahan ninyo [na si Propeta Muḥammad] ay hindi isang baliw.

Ayah: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Talaga ngang nakakita siya rıto [kay Anghel Gabriel] sa abot-tanaw na malinaw.

Ayah: 24

وَمَا هُوَ عَلَى ٱلۡغَيۡبِ بِضَنِينٖ

Siya, [sa pagpapaabot ng kaalaman] sa nakalingid, ay hindi isang sakim.

Ayah: 25

وَمَا هُوَ بِقَوۡلِ شَيۡطَٰنٖ رَّجِيمٖ

[Ang Qur’ān na] ito ay hindi sinabi ng isang demonyong kasumpa-sumpa.

Ayah: 26

فَأَيۡنَ تَذۡهَبُونَ

Kaya saan kayo pupunta?

Ayah: 27

إِنۡ هُوَ إِلَّا ذِكۡرٞ لِّلۡعَٰلَمِينَ

Walang iba ito kundi isang paalaala para sa mga nilalang,

Ayah: 28

لِمَن شَآءَ مِنكُمۡ أَن يَسۡتَقِيمَ

para sa sinumang lumoob kabilang sa inyo na magpakatuwid,

Ayah: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

at hindi kayo magloloob maliban na lumuob si Allāh, ang Panginoon ng mga nilalang.