Terjemahan makna Surah Surah Al-Gāsyiyah - Terjemahan Berbahasa Philipina (Tagalog) - Ensiklopedia Alquran Alkarim

Al-Ghāshiyah

Ayah: 1

هَلۡ أَتَىٰكَ حَدِيثُ ٱلۡغَٰشِيَةِ

Nakarating ba sa iyo [O Sugo] ang sanaysay ng Tagalukob^[731]?

[731] na Araw ng Pagbangon, na babalot sa mga tao ng mga hilakbot

Ayah: 2

وُجُوهٞ يَوۡمَئِذٍ خَٰشِعَةٌ

May mga mukha sa Araw na iyon na nagtataimtim,

Ayah: 3

عَامِلَةٞ نَّاصِبَةٞ

na gumagawa [sa Mundo], na magpapakapagal [sa Kabilang-buhay],

Ayah: 4

تَصۡلَىٰ نَارًا حَامِيَةٗ

na masusunog sa isang apoy na napakainit,

Ayah: 5

تُسۡقَىٰ مِنۡ عَيۡنٍ ءَانِيَةٖ

na paiinumin mula sa isang bukal na pagkainit-init.

Ayah: 6

لَّيۡسَ لَهُمۡ طَعَامٌ إِلَّا مِن ضَرِيعٖ

Wala silang pagkain maliban sa mula sa isang matinik na halaman,

Ayah: 7

لَّا يُسۡمِنُ وَلَا يُغۡنِي مِن جُوعٖ

na hindi nagpapataba at hindi nakatutugon sa gutom.

Ayah: 8

وُجُوهٞ يَوۡمَئِذٖ نَّاعِمَةٞ

May mga mukha sa Araw na iyon na nagiginhawahan,

Ayah: 9

لِّسَعۡيِهَا رَاضِيَةٞ

na dahil sa pinagpunyagian ng mga ito ay nalulugod,

Ayah: 10

فِي جَنَّةٍ عَالِيَةٖ

sa isang harding mataas,

Ayah: 11

لَّا تَسۡمَعُ فِيهَا لَٰغِيَةٗ

na hindi sila makaririnig doon ng isang satsat.

Ayah: 12

فِيهَا عَيۡنٞ جَارِيَةٞ

Doon ay may bukal na dumadaloy.

Ayah: 13

فِيهَا سُرُرٞ مَّرۡفُوعَةٞ

Doon ay may mga kamang nakaangat,

Ayah: 14

وَأَكۡوَابٞ مَّوۡضُوعَةٞ

may mga kopang nakalagay,

Ayah: 15

وَنَمَارِقُ مَصۡفُوفَةٞ

may mga almohadon na nakahanay,

Ayah: 16

وَزَرَابِيُّ مَبۡثُوثَةٌ

at mga alpombrang ikinalat.

Ayah: 17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

Kaya hindi ba sila tumitingin sa mga kamelyo kung papaanong nilikha ang mga ito,

Ayah: 18

وَإِلَى ٱلسَّمَآءِ كَيۡفَ رُفِعَتۡ

at sa langit kung papaanong inangat ito,

Ayah: 19

وَإِلَى ٱلۡجِبَالِ كَيۡفَ نُصِبَتۡ

at sa mga bundok kung papaanong itinirik ang mga ito,

Ayah: 20

وَإِلَى ٱلۡأَرۡضِ كَيۡفَ سُطِحَتۡ

at sa lupa kung papaanong inilatag ito?

Ayah: 21

فَذَكِّرۡ إِنَّمَآ أَنتَ مُذَكِّرٞ

Kaya magpaalaala ka [sa kanila, O Propeta Muḥammad]; ikaw ay isang tagapagpaalaala lamang.

Ayah: 22

لَّسۡتَ عَلَيۡهِم بِمُصَيۡطِرٍ

Hindi ka sa kanila isang tagapanaig [sa pagsampalataya].

Ayah: 23

إِلَّا مَن تَوَلَّىٰ وَكَفَرَ

Ngunit ang sinumang tumalikod at tumangging sumampalataya

Ayah: 24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

ay pagdurusahin siya ni Allāh ng pagdurusang pinakamalaki.

Ayah: 25

إِنَّ إِلَيۡنَآ إِيَابَهُمۡ

Tunay na tungo sa Amin ang pag-uwi nila.

Ayah: 26

ثُمَّ إِنَّ عَلَيۡنَا حِسَابَهُم

Pagkatapos tunay na sa Amin ang pagtutuos sa kanila.