Terjemahan makna Surah Surah An-Nās - Terjemahan Berbahasa Yau - Ensiklopedia Alquran Alkarim

An-Nâs

Ayah: 1

قُلۡ أَعُوذُ بِرَبِّ ٱلنَّاسِ

Jilani: “Ngulijuya mwa M'mbuje jwa ŵandu.”

Ayah: 2

مَلِكِ ٱلنَّاسِ

“Nchimwene jwa ŵandu.”^[1]

(114:1) Pa kaŵechete ka Allah kanti: “Nchimwene jwa ŵandu.” Akusimulila Abȗ Hurairah رضى الله عنه yanti: Nampikene Ntenga jwa Allahﷺjuchitiji: “Allah tachiliwumbata litaka, ni kugaŵiliga mawunde ni nkono Wakwe wan’dyo, kaneka ni tachiti: ‘Une ni Nchimwene. Ali kwapi achaiŵenye ŵa pa chilambo?” (Swahîh Al-Bukhârî, Hadith No. 5434).

Ayah: 3

إِلَٰهِ ٱلنَّاسِ

“Nnungu jwa ŵandu.”

Ayah: 4

مِن شَرِّ ٱلۡوَسۡوَاسِ ٱلۡخَنَّاسِ

“Ku yakusakala ya nkusongona (pakuunyenjelela ntima yakusakala), jwakuujiilila ni kuliisisa (naga nsyene ntimao juli junkolasile Allah).”

Ayah: 5

ٱلَّذِي يُوَسۡوِسُ فِي صُدُورِ ٱلنَّاسِ

“Ajula jwaakusongonaga m’mitima mwa ŵandu.”

Ayah: 6

مِنَ ٱلۡجِنَّةِ وَٱلنَّاسِ

“Jwakuumila m’majini ni mu ŵandu.”^[2]

(114:2) Akusimuli Ȃishah رضي الله عنهم yanti: “Ndema jajwaliji nkwawula kuugona Ntenga jwa Allah ﷺ, jwakangalaga kusooma Sȗrat Al-Ikhlâs, Sȗrat Al-Falaq ni Sȗrat An-Nâs, ni kupepelela m’magasa mwakwe, ni kulipukuta nago kungope kwakwe, ni iŵalo ya pachilu pakwe yampaka gayichile magasa gakwe. Sano katema kajwatandite kupacha ulwele, jwaliji nkuunjiisya une kuti nantendeleje yalakweyo.” (Swahîh Al-Bukhârî, Hadith No. 5416).