Traduzione dei significati Sura Al-Muddaththir - Traduzione swahili - Ali Muhsin Albirwany - L'Enciclopedia del Nobile Corano

Surat Al-Muddathir

Versetto: 1

يَٰٓأَيُّهَا ٱلۡمُدَّثِّرُ

Ewe uliye jigubika!

Versetto: 2

قُمۡ فَأَنذِرۡ

Simama uonye!

Versetto: 3

وَرَبَّكَ فَكَبِّرۡ

Na Mola wako Mlezi mtukuze!

Versetto: 4

وَثِيَابَكَ فَطَهِّرۡ

Na nguo zako, zisafishe.

Versetto: 5

وَٱلرُّجۡزَ فَٱهۡجُرۡ

Na yaliyo machafu yahame!

Versetto: 6

وَلَا تَمۡنُن تَسۡتَكۡثِرُ

Wala usitoe kwa kutaraji kuzidishiwa.

Versetto: 7

وَلِرَبِّكَ فَٱصۡبِرۡ

Na kwa ajili ya Mola wako Mlezi, subiri!

Versetto: 8

فَإِذَا نُقِرَ فِي ٱلنَّاقُورِ

Basi litapo pulizwa barugumu,

Versetto: 9

فَذَٰلِكَ يَوۡمَئِذٖ يَوۡمٌ عَسِيرٌ

Siku hiyo, basi, itakuwa siku ngumu.

Versetto: 10

عَلَى ٱلۡكَٰفِرِينَ غَيۡرُ يَسِيرٖ

Kwa makafiri haitakuwa nyepesi.

Versetto: 11

ذَرۡنِي وَمَنۡ خَلَقۡتُ وَحِيدٗا

Niache peke yangu na niliye muumba;

Versetto: 12

وَجَعَلۡتُ لَهُۥ مَالٗا مَّمۡدُودٗا

Na nikamjaalia awe na mali mengi,

Versetto: 13

وَبَنِينَ شُهُودٗا

Na wana wanao onekana,

Versetto: 14

وَمَهَّدتُّ لَهُۥ تَمۡهِيدٗا

Na nikamtgenezea mambo vizuri kabisa.

Versetto: 15

ثُمَّ يَطۡمَعُ أَنۡ أَزِيدَ

Kisha anatumai nimzidishie!

Versetto: 16

كَلَّآۖ إِنَّهُۥ كَانَ لِأٓيَٰتِنَا عَنِيدٗا

Hasha! Kwani hakika yeye alikuwa akizifanyia inadi Aya zetu!

Versetto: 17

سَأُرۡهِقُهُۥ صَعُودًا

Nitamtesa kwa mateso yasio wezekana.

Versetto: 18

إِنَّهُۥ فَكَّرَ وَقَدَّرَ

Kwani hakika yeye alifikiri na akapima.

Versetto: 19

فَقُتِلَ كَيۡفَ قَدَّرَ

Basi ameangamia! Vipi alivyo pima!

Versetto: 20

ثُمَّ قُتِلَ كَيۡفَ قَدَّرَ

Tena ameangamia! Vipi alivyo pima!

Versetto: 21

ثُمَّ نَظَرَ

Kisha akatazama,

Versetto: 22

ثُمَّ عَبَسَ وَبَسَرَ

Kisha akakunja kipaji, na akanuna.

Versetto: 23

ثُمَّ أَدۡبَرَ وَٱسۡتَكۡبَرَ

Kisha akaipa kisogo haki, na akatakabari.

Versetto: 24

فَقَالَ إِنۡ هَٰذَآ إِلَّا سِحۡرٞ يُؤۡثَرُ

Na akasema: Haya si chochote ila ni uchawi ulio nukuliwa.

Versetto: 25

إِنۡ هَٰذَآ إِلَّا قَوۡلُ ٱلۡبَشَرِ

Haya si chochote ila kauli ya binaadamu.

Versetto: 26

سَأُصۡلِيهِ سَقَرَ

Nitakuja mtia kwenye Moto wa Saqar.

Versetto: 27

وَمَآ أَدۡرَىٰكَ مَا سَقَرُ

Na nini kitakujuulisha ni nini huo Moto wa Saqar?

Versetto: 28

لَا تُبۡقِي وَلَا تَذَرُ

Haubakishi wala hausazi.

Versetto: 29

لَوَّاحَةٞ لِّلۡبَشَرِ

Unababua ngozi iwe nyeusi.

Versetto: 30

عَلَيۡهَا تِسۡعَةَ عَشَرَ

Juu yake wapo kumi na tisa.

Versetto: 31

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

Na hatukuwafanya walinzi wa Motoni ila ni Malaika, wala hatukuifanya idadi yao hiyo ila kuwatatanisha walio kufuru, wapate kuwa na yakini walio pewa Kitabu, na wazidi Imani wale walio amini, wala wasiwe na shaka walio pewa Kitabu na Waumini, na wapate kusema wenye maradhi katika nyoyo zao na makafiri: Mwenyezi Mungu amekusudia nini kwa mfano huu? Ndio kama hivyo Mwenyezi Mungu humwacha apotee amtakaye, na humwongoa amtakaye. Na hapana yeyote anaye jua majeshi ya Mola wako Mlezi ila Yeye tu. Na haya si chochote ila ni ukumbusho kwa binaadamu.

Versetto: 32

كَلَّا وَٱلۡقَمَرِ

Hasha! Naapa kwa mwezi!

Versetto: 33

وَٱلَّيۡلِ إِذۡ أَدۡبَرَ

Na kwa usiku unapo kucha!

Versetto: 34

وَٱلصُّبۡحِ إِذَآ أَسۡفَرَ

Na kwa asubuhi inapo pambazuka!

Versetto: 35

إِنَّهَا لَإِحۡدَى ٱلۡكُبَرِ

Hakika huo Moto ni katika mambo yaliyo makubwa kabisa!

Versetto: 36

نَذِيرٗا لِّلۡبَشَرِ

Ni onyo kwa binaadamu,

Versetto: 37

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

Kwa anaye taka miongoni mwenu kutangulia au kuchelewa.

Versetto: 38

كُلُّ نَفۡسِۭ بِمَا كَسَبَتۡ رَهِينَةٌ

Kila nafsi imo rahanini kwa mabaya iliyo yachuma.

Versetto: 39

إِلَّآ أَصۡحَٰبَ ٱلۡيَمِينِ

Isipo kuwa watu wa kuliani.

Versetto: 40

فِي جَنَّٰتٖ يَتَسَآءَلُونَ

Hao watakuwa katika Mabustani, wawe wanaulizana

Versetto: 41

عَنِ ٱلۡمُجۡرِمِينَ

Khabari za wakosefu:

Versetto: 42

مَا سَلَكَكُمۡ فِي سَقَرَ

Ni nini kilicho kupelekeni Motoni?

Versetto: 43

قَالُواْ لَمۡ نَكُ مِنَ ٱلۡمُصَلِّينَ

Waseme: Hatukuwa miongoni walio kuwa wakiswali.

Versetto: 44

وَلَمۡ نَكُ نُطۡعِمُ ٱلۡمِسۡكِينَ

Wala hatukuwa tukiwalisha masikini.

Versetto: 45

وَكُنَّا نَخُوضُ مَعَ ٱلۡخَآئِضِينَ

Na tulikuwa tukizama pamoja na walio zama katika maovu.

Versetto: 46

وَكُنَّا نُكَذِّبُ بِيَوۡمِ ٱلدِّينِ

Na tulikuwa tukiikanusha siku ya malipo.

Versetto: 47

حَتَّىٰٓ أَتَىٰنَا ٱلۡيَقِينُ

Mpaka yakini ilipo tufikia.

Versetto: 48

فَمَا تَنفَعُهُمۡ شَفَٰعَةُ ٱلشَّٰفِعِينَ

Basi hautawafaa kitu uombezi wa waombezi.

Versetto: 49

فَمَا لَهُمۡ عَنِ ٱلتَّذۡكِرَةِ مُعۡرِضِينَ

Basi wana nini hata wanapuuza onyo hili?

Versetto: 50

كَأَنَّهُمۡ حُمُرٞ مُّسۡتَنفِرَةٞ

Kama kwamba wao ni mapunda walio timuliwa,

Versetto: 51

فَرَّتۡ مِن قَسۡوَرَةِۭ

Wanao mkimbia simba!

Versetto: 52

بَلۡ يُرِيدُ كُلُّ ٱمۡرِيٕٖ مِّنۡهُمۡ أَن يُؤۡتَىٰ صُحُفٗا مُّنَشَّرَةٗ

Ati kila mmoja katika wao anataka apewe nyaraka zilizo funuliwa.

Versetto: 53

كَلَّاۖ بَل لَّا يَخَافُونَ ٱلۡأٓخِرَةَ

Hasha! Kwani wao hawaiogopi Akhera?

Versetto: 54

كَلَّآ إِنَّهُۥ تَذۡكِرَةٞ

Hasha! Kwa hakika huu ni ukumbusho!

Versetto: 55

فَمَن شَآءَ ذَكَرَهُۥ

Basi anaye taka atakumbuka.

Versetto: 56

وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ

Na hawatakumbuka isipo kuwa Mwenyezi Mungu atake. Uchamngu ni kwake Yeye, na msamaha ni wake Yeye.