Traduzione dei significati Sura Al-Fajr - Traduzione in lingua yao - L'Enciclopedia del Nobile Corano

Al-Fajr

Versetto: 1

وَٱلۡفَجۡرِ

Ngukulumbila kumasikusiku.

Versetto: 2

وَلَيَالٍ عَشۡرٖ

Ni ilo likumi (yandanda yamwesi wa Mfungotatu).^[1]

(89:1) Akusimulila Ibn Abbâs رضى الله عنه yanti: Ntume ﷺ jwatite: “Pangali masengo gambone gagakutendekwaga m’moŵa ganepe nikuŵa gapenani kugapunda masengo gagakutendekwaga mu aga moŵaga (moŵa likumi gandanda ga mwesi wa Mfungotatu).” Maswahaba gawusyisye kuti: “Namuno Jihâd?” Jwalakwe jwatite: “Namuno Jihâd, ikaŵeje mundu jwakopweche nsyenejo ni chipanje chakwe kuli nkogoya (wa ku Jihâd), ni nganijuwuja ni chilichose, (umi wakwe ni chipanje chakwe yosope imalile ku Jihâdiko).” Swahîh Al-Bukhârî, Hadith No. 926).

Versetto: 3

وَٱلشَّفۡعِ وَٱلۡوَتۡرِ

Ni (indu yayili) yiŵiliyiŵili kwisa soni (yayili) chimochimo.

Versetto: 4

وَٱلَّيۡلِ إِذَا يَسۡرِ

Ni chilo ndema jachikuŵigula.

Versetto: 5

هَلۡ فِي ذَٰلِكَ قَسَمٞ لِّذِي حِجۡرٍ

Ana mu yalakweyi ngaŵa mwana kulumbila kwakwanila, kwa jwakwete lunda?

Versetto: 6

أَلَمۡ تَرَ كَيۡفَ فَعَلَ رَبُّكَ بِعَادٍ

Ana nganinyyiona yaŵatite Ambuje ŵenu kaape ipotesi ŵanya Adi?

Versetto: 7

إِرَمَ ذَاتِ ٱلۡعِمَادِ

Ŵa ku Irama; achalewulewu mpela misaati?

Versetto: 8

ٱلَّتِي لَمۡ يُخۡلَقۡ مِثۡلُهَا فِي ٱلۡبِلَٰدِ

Ŵanganagumbidweje ŵane ŵanti chisawu ŵanganyao mu ilambo (ine)?

Versetto: 9

وَثَمُودَ ٱلَّذِينَ جَابُواْ ٱلصَّخۡرَ بِٱلۡوَادِ

Ni ŵanya Asamuda ŵaŵaliji nkusokola maganga pachiŵata (chakuŵilanjikwa Wadi Qura kuŵa majumba gao)?

Versetto: 10

وَفِرۡعَوۡنَ ذِي ٱلۡأَوۡتَادِ

Kwisa soni Firiauna nsyene ichili (yakulimbanganyichisya uchimwene wakwe)?

Versetto: 11

ٱلَّذِينَ طَغَوۡاْ فِي ٱلۡبِلَٰدِ

Aŵala ŵana kusumbaga mpika mu ilambo (pakusakasya).

Versetto: 12

فَأَكۡثَرُواْ فِيهَا ٱلۡفَسَادَ

Ni ŵatupiye mwalakwemo kuwatanganya.

Versetto: 13

فَصَبَّ عَلَيۡهِمۡ رَبُّكَ سَوۡطَ عَذَابٍ

Basi Ambuje ŵenu ŵapungulile ŵanganyao mitundu ja ilagasyo (yakupoteka nnope).

Versetto: 14

إِنَّ رَبَّكَ لَبِٱلۡمِرۡصَادِ

Chisimu Ambuje ŵenu aŵele Ŵang'unulila (masengo ga ŵandu, mwanti chachalipila mwaakupanganyichisya).

Versetto: 15

فَأَمَّا ٱلۡإِنسَٰنُ إِذَا مَا ٱبۡتَلَىٰهُ رَبُّهُۥ فَأَكۡرَمَهُۥ وَنَعَّمَهُۥ فَيَقُولُ رَبِّيٓ أَكۡرَمَنِ

Sano mundu ndema jaakun'dinga Ambujegwe pakunchimbichisya ni kumpa chindimba, basi akasatiji: “Ambuje ŵangu anjimbichisye (ligongo une nijwakuŵajilwa kupata yeleyi).”

Versetto: 16

وَأَمَّآ إِذَا مَا ٱبۡتَلَىٰهُ فَقَدَرَ عَلَيۡهِ رِزۡقَهُۥ فَيَقُولُ رَبِّيٓ أَهَٰنَنِ

Nambo ndema jaakun'dinga pakunnandiyichisya lisiki lyakwe, akasatiji: “Ambuje ŵangu anjalwisye.”

Versetto: 17

كَلَّاۖ بَل لَّا تُكۡرِمُونَ ٱلۡيَتِيمَ

Ngwamba! Nambo kuti ngankwatendelaga yaukoto ŵanache ŵawina.

Versetto: 18

وَلَا تَحَٰٓضُّونَ عَلَىٰ طَعَامِ ٱلۡمِسۡكِينِ

Soni ngankuchisyanaga yaagaliisya masikini.

Versetto: 19

وَتَأۡكُلُونَ ٱلتُّرَاثَ أَكۡلٗا لَّمّٗا

Ni nkulyaga chipanje chamalekwa kalye kakutunduka.

Versetto: 20

وَتُحِبُّونَ ٱلۡمَالَ حُبّٗا جَمّٗا

Ni nkuchinonyelaga soni chipanje kachinonyele kakupelenganya nnope.

Versetto: 21

كَلَّآۖ إِذَا دُكَّتِ ٱلۡأَرۡضُ دَكّٗا دَكّٗا

Ngaŵa (mŵankutendelamo)! Ndema jalichisyajidwa litaka syajidwe-syajidwe!

Versetto: 22

وَجَآءَ رَبُّكَ وَٱلۡمَلَكُ صَفّٗا صَفّٗا

Ni kwika Ambuje ŵenu (Allah kukwiilanya magambo), Achimalaika ali ndandanda!

Versetto: 23

وَجِاْيٓءَ يَوۡمَئِذِۭ بِجَهَنَّمَۚ يَوۡمَئِذٖ يَتَذَكَّرُ ٱلۡإِنسَٰنُ وَأَنَّىٰ لَهُ ٱلذِّكۡرَىٰ

Ni kwikanajo lyele lisikulyo Jahannama! Lyele lisikulyo mundu tachikumbuchila (yaŵapanganyisye), nambo ana kuchinkamuchisya chichi kwele kumbuchilako?

Versetto: 24

يَقُولُ يَٰلَيۡتَنِي قَدَّمۡتُ لِحَيَاتِي

Tachiti (pakuligamba): “Nkongwene! Bola ngalongosye (yambone yakungamuchisya) pa umi wangu (walelo uno).”

Versetto: 25

فَيَوۡمَئِذٖ لَّا يُعَذِّبُ عَذَابَهُۥٓ أَحَدٞ

Mwanti palyele lisikuli, pangali jwampaka apeleche ilagasyo mwatachipelechela (Allah).

Versetto: 26

وَلَا يُوثِقُ وَثَاقَهُۥٓ أَحَدٞ

Soni pangali jwampaka ataŵe mwatachitaŵila (Jwalakwe).

Versetto: 27

يَٰٓأَيَّتُهَا ٱلنَّفۡسُ ٱلۡمُطۡمَئِنَّةُ

E mmwe antima ŵakutulala!

Versetto: 28

ٱرۡجِعِيٓ إِلَىٰ رَبِّكِ رَاضِيَةٗ مَّرۡضِيَّةٗ

Wujilani kwa Ambuje ŵenu n'di ŵakusengwa ni kunonyeledwa.

Versetto: 29

فَٱدۡخُلِي فِي عِبَٰدِي

Jinjilani mwikuga lya achikapolo Ŵangu.

Versetto: 30

وَٱدۡخُلِي جَنَّتِي

Soni jinjilani ku Mbepo Jangu.