対訳 章 夜訪れる者章 - ヤオ語対訳 - クルアーン百科事典

At-Twâriq

節: 1

وَٱلسَّمَآءِ وَٱلطَّارِقِ

Ngulilumbila liwunde ni chakwisa chilo.

節: 2

وَمَآ أَدۡرَىٰكَ مَا ٱلطَّارِقُ

Ana ni chichi champaka chimmanyisye ya chakwisa chilo?

節: 3

ٱلنَّجۡمُ ٱلثَّاقِبُ

(Jalakwejo ni) ndondwa jakupowola (chipi ligongo lya kuŵala nnope).

節: 4

إِن كُلُّ نَفۡسٖ لَّمَّا عَلَيۡهَا حَافِظٞ

Pangali mundu jwalijose ikaŵeje kwa jwalakwejo kwana nkunnolela (jwaakusunga itendo yakwe).

節: 5

فَلۡيَنظُرِ ٱلۡإِنسَٰنُ مِمَّ خُلِقَ

Basi achetelele mundu, ana agumbidwe kuumila ku chichi?

節: 6

خُلِقَ مِن مَّآءٖ دَافِقٖ

Agumbidwe kuumila ku mesi gakusumbika.

節: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

Gakopokaga kutyochela chilikati cha maupa ga n'gongo (wa ŵalume) ni maupa ga chidali (cha ŵakongwe).

節: 8

إِنَّهُۥ عَلَىٰ رَجۡعِهِۦ لَقَادِرٞ

Chisimu Jwalakwe (Allah) pakum'buchisya (kuwumi mundujo) aŵele Jwakombola kusyene.

節: 9

يَوۡمَ تُبۡلَى ٱلسَّرَآئِرُ

Lisiku lyasichionechela papaswela asili (syosope).

節: 10

فَمَا لَهُۥ مِن قُوَّةٖ وَلَا نَاصِرٖ

Ni ngasakola (mundujo) machili galigose namuno nkulupusyo.

節: 11

وَٱلسَّمَآءِ ذَاتِ ٱلرَّجۡعِ

Ngukulumbila kwinani kwagwisyagwisya wula.

節: 12

وَٱلۡأَرۡضِ ذَاتِ ٱلصَّدۡعِ

Ni ngulilumbila soni litaka lyaliganjikaga (pakoposya mmela).

節: 13

إِنَّهُۥ لَقَوۡلٞ فَصۡلٞ

Chisimu jalakwe (Qur’aniji) gaŵele maloŵe gakulekanganya (chilikati cha yakuona ni yaunami).

節: 14

وَمَا هُوَ بِٱلۡهَزۡلِ

Soni jalakweji nganijiŵa chindu chambenje.

節: 15

إِنَّهُمۡ يَكِيدُونَ كَيۡدٗا

Chisimu ŵanganyao akuŵa ali nkutenda malindi (kwa Asilamu).

節: 16

وَأَكِيدُ كَيۡدٗا

None ni ngwauchisya malindi (gaogo pangaapa ilagasyo chitema kuti alilechelele).

節: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Basi, mwalechelesyani achimakafili, mwalechelelani panandipe (chaiwone).