ការបកប្រែអត្ថន័យ ជំពូក​ សូរ៉ោះអាត់ទូហា - ការបកប្រែជាភាសាស្វាហុីលី - អាលី ម៉ុហសុីន អាល់ពើវ៉ានី - សព្វវចនាធិប្បាយនៃគម្ពីគួរអាន

Surat Ad-Duha

អាយ៉ាត់: 1

وَٱلضُّحَىٰ

Naapa kwa mchana!

Naapa kwa wakati wa kupanda juu jua, na ni wakati wa uchangamfu na kazi!

អាយ៉ាត់: 2

وَٱلَّيۡلِ إِذَا سَجَىٰ

Na kwa usiku unapo tanda!

Na naapa kwa usiku unapo tulia na ukatanda kote kiza chake!

អាយ៉ាត់: 3

مَا وَدَّعَكَ رَبُّكَ وَمَا قَلَىٰ

Mola wako Mlezi hakukuacha, wala hakukasirika nawe.

Ewe Muhammad! Mola wako Mlezi hakukuacha, wala hakukuchukia.

អាយ៉ាត់: 4

وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ

Na bila ya shaka wakati ujao utakuwa bora kwako kuliko ulio tangulia.

Na matokeo ya mambo yako, mwisho wake, yatakuwa bora kuliko mwanzo wake.

អាយ៉ាត់: 5

وَلَسَوۡفَ يُعۡطِيكَ رَبُّكَ فَتَرۡضَىٰٓ

Na Mola wako Mlezi atakupa mpaka uridhike.

Na ninaapa kuwa bila ya shaka hapo Mola wako Mlezi atakupa kheri za duniani na Akhera hata utaridhia.

អាយ៉ាត់: 6

أَلَمۡ يَجِدۡكَ يَتِيمٗا فَـَٔاوَىٰ

Kwani hakukukuta yatima akakupa makaazi?

Kwani hakukukuta wewe yatima unahitaji wa kukutunza naye akakupa makaazi ya kukuhifadhi kwa mwenye kukuangalia vyema kwa mambo yako?

អាយ៉ាត់: 7

وَوَجَدَكَ ضَآلّٗا فَهَدَىٰ

Na akakukuta umepotea akakuongoa?

Na akakuona umebabaika hukukinaika na itikadi zilizo kuzunguka, naye akakuongoa kwenye Njia ya Haki?

អាយ៉ាត់: 8

وَوَجَدَكَ عَآئِلٗا فَأَغۡنَىٰ

Akakukuta mhitaji akakutosheleza?

Akakukuta fakiri wa mali naye akakutajirisha kwa kukupa riziki?

អាយ៉ាត់: 9

فَأَمَّا ٱلۡيَتِيمَ فَلَا تَقۡهَرۡ

Basi yatima usimwonee!

Ikiwa hii ndiyo hali yetu nawe, basi yatima usimdhili,

អាយ៉ាត់: 10

وَأَمَّا ٱلسَّآئِلَ فَلَا تَنۡهَرۡ

Na anaye omba au kuuliza usimkaripie!

Na mwenye kuomba au kuuliza usimjibu kwa ukavu,

អាយ៉ាត់: 11

وَأَمَّا بِنِعۡمَةِ رَبِّكَ فَحَدِّثۡ

Na neema za Mola wako Mlezi zisimlie.

Na ama neema za Mola wako Mlezi zitangaze kwa kumshukuru Mwenyezi Mungu kuwa ndio kudhihirisha neema.