وه‌رگێڕانی ماناكان سوره‌تی سورەتی الحاقة - وەرگێڕاوی یائوویی - فرەفەرهەنگی قورئانی پیرۆز

Al-Hâqqah

ئایه‌تی: 1

ٱلۡحَآقَّةُ

Chakusimichika (kwika kwakwe)!

ئایه‌تی: 2

مَا ٱلۡحَآقَّةُ

Ana chakusimichika (kwika kwakwe) nichichi?

ئایه‌تی: 3

وَمَآ أَدۡرَىٰكَ مَا ٱلۡحَآقَّةُ

Ana ni chichi champaka chimmanyisye ya chakusimichika (kwika kwakwe)? (Jeletu ni Kiyama).

ئایه‌تی: 4

كَذَّبَتۡ ثَمُودُ وَعَادُۢ بِٱلۡقَارِعَةِ

Ŵanya Asamuda ni Adi ŵakaaniile ya chagunda ntima (Kiyama).

ئایه‌تی: 5

فَأَمَّا ثَمُودُ فَأُهۡلِكُواْ بِٱلطَّاغِيَةِ

Mwanti ŵanya Asamuda ŵajonanjidwe ni n'gumilo wakupelenganya nnope.

ئایه‌تی: 6

وَأَمَّا عَادٞ فَأُهۡلِكُواْ بِرِيحٖ صَرۡصَرٍ عَاتِيَةٖ

Sano ŵanya Adi ni ŵajonanjidwe ni mbungo jakusisima nnope soni jamachili gakupelenganya.

ئایه‌تی: 7

سَخَّرَهَا عَلَيۡهِمۡ سَبۡعَ لَيَالٖ وَثَمَٰنِيَةَ أَيَّامٍ حُسُومٗاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٖ

(Allah) ŵajitumisye kukwao yilo nsano naiŵili ni muusi nsano nautatu mwakulundanya, mwanti nkaweni ŵandu mwalakwemo ali jajaja! Nti chisawu mapata ga itela yatende gangali chachipali nkati mwakwe.

ئایه‌تی: 8

فَهَلۡ تَرَىٰ لَهُم مِّنۢ بَاقِيَةٖ

Nambi kwali nkum'bona mwa ŵanganyao jwalijose jwasigele?

ئایه‌تی: 9

وَجَآءَ فِرۡعَوۡنُ وَمَن قَبۡلَهُۥ وَٱلۡمُؤۡتَفِكَٰتُ بِٱلۡخَاطِئَةِ

Nombe Afiriauna kwisa soni ŵandu ŵa paujo pakwe ni achinsyene misi jajapitikusyidwe (ŵandu ŵa Lutwi) ŵayiche ni ilemwa.

ئایه‌تی: 10

فَعَصَوۡاْ رَسُولَ رَبِّهِمۡ فَأَخَذَهُمۡ أَخۡذَةٗ رَّابِيَةً

Sano (ŵaliose mwa ŵanganyao) ŵannyosyisye Ntenga jwa M’mbuje gwao, basi (Allah) ni jwaakwembekenye ni ilagasyo yakupelenganya nnope.

ئایه‌تی: 11

إِنَّا لَمَّا طَغَا ٱلۡمَآءُ حَمَلۡنَٰكُمۡ فِي ٱلۡجَارِيَةِ

Chisimu Uwwe ndema jagaagumbalile mesi (pachigumula cha Nuhu), twankwesisye ŵanganyammwe m’chombo chakwenda (mwakujajaŵala).

ئایه‌تی: 12

لِنَجۡعَلَهَا لَكُمۡ تَذۡكِرَةٗ وَتَعِيَهَآ أُذُنٞ وَٰعِيَةٞ

Kuti tuchitende kuŵa chikumbusyo kukwenu, ni kuti lijisunje (jele abaliji) liwiwi lyakupikanichisya.

ئایه‌تی: 13

فَإِذَا نُفِخَ فِي ٱلصُّورِ نَفۡخَةٞ وَٰحِدَةٞ

Basi pandema jalichigombedwa lipenga n'gombo umpepe.

ئایه‌تی: 14

وَحُمِلَتِ ٱلۡأَرۡضُ وَٱلۡجِبَالُ فَدُكَّتَا دَكَّةٗ وَٰحِدَةٗ

Nombe litaka ni matumbi ni kutyosyedwa m’mangwakwe kaneka ni kusyajidwa nsyago umo.

ئایه‌تی: 15

فَيَوۡمَئِذٖ وَقَعَتِ ٱلۡوَاقِعَةُ

Basi lyele lisikulyo chichipatikana chakupatikana (Kiyama).

ئایه‌تی: 16

وَٱنشَقَّتِ ٱلسَّمَآءُ فَهِيَ يَوۡمَئِذٖ وَاهِيَةٞ

Ni lichipapuka liwunde, mwanti lyalakwe palyele lisikulyo lichiŵa nyangwinyangwi (ngalimba).

ئایه‌تی: 17

وَٱلۡمَلَكُ عَلَىٰٓ أَرۡجَآئِهَاۚ وَيَحۡمِلُ عَرۡشَ رَبِّكَ فَوۡقَهُمۡ يَوۡمَئِذٖ ثَمَٰنِيَةٞ

Ni Achimalaika tachiŵa ali mungulugulu mwakwemo, soni pachanya pao lyele lisikulyo (Achimalaika ŵakwana) nsano naŵatatu, tachitwichila Arishi ja Ambuje ŵenu (Chindanda Chaulungu).

ئایه‌تی: 18

يَوۡمَئِذٖ تُعۡرَضُونَ لَا تَخۡفَىٰ مِنكُمۡ خَافِيَةٞ

Lyele lisikulyo tachiika namwe (ku magambo), pangali chilichose chankasasisaga jenumanja chachichisisika.

ئایه‌تی: 19

فَأَمَّا مَنۡ أُوتِيَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقۡرَءُواْ كِتَٰبِيَهۡ

Sano mundu jwatachipedwa chitabu chakwe chakunkono wakwe wan'dyo, basi tachiti: “Eni! Soomani chitabu changu!”

ئایه‌تی: 20

إِنِّي ظَنَنتُ أَنِّي مُلَٰقٍ حِسَابِيَهۡ

“Chisimu une (ku duniya) nasimichisyaga yanti tinjisimangana nacho chiŵalanjilo changu.”

ئایه‌تی: 21

فَهُوَ فِي عِيشَةٖ رَّاضِيَةٖ

Basi jwalakwe tachiŵa mu ndamo jakusengwasya.

ئایه‌تی: 22

فِي جَنَّةٍ عَالِيَةٖ

Mu Mbepo Japenani.

ئایه‌تی: 23

قُطُوفُهَا دَانِيَةٞ

Isogosi yakwe yakuŵandichila (yangasausya kaŵa).

ئایه‌تی: 24

كُلُواْ وَٱشۡرَبُواْ هَنِيٓـَٔۢا بِمَآ أَسۡلَفۡتُمۡ فِي ٱلۡأَيَّامِ ٱلۡخَالِيَةِ

(Tachasalila kuti): “Lyagani soni mwagani mwakusengwa ligongo lya ayila imwalongwesye m’moŵa gagaapite (kala ku duniya).”

ئایه‌تی: 25

وَأَمَّا مَنۡ أُوتِيَ كِتَٰبَهُۥ بِشِمَالِهِۦ فَيَقُولُ يَٰلَيۡتَنِي لَمۡ أُوتَ كِتَٰبِيَهۡ

Nambo kwa mundu jwatachipedwa chitabu chakwe cha kunkono wakwe wanchiji, basi tachiti (pakudandaula): “Nkongwene! Nabola nga nganimbedwa chitabu changu!”

ئایه‌تی: 26

وَلَمۡ أَدۡرِ مَا حِسَابِيَهۡ

“Ningaatende ngachimanya chiŵalanjilo changu!”

ئایه‌تی: 27

يَٰلَيۡتَهَا كَانَتِ ٱلۡقَاضِيَةَ

“Ha! Nabola chiwa chila chikaŵe chipelela (changu ni ngaujila soni ku umi)!”

ئایه‌تی: 28

مَآ أَغۡنَىٰ عَنِّي مَالِيَهۡۜ

“Nganichingamuchisya chipanje changu.”

ئایه‌تی: 29

هَلَكَ عَنِّي سُلۡطَٰنِيَهۡ

“Gaanjonasichile machili gangu (gakulichenjelela).”

ئایه‌تی: 30

خُذُوهُ فَغُلُّوهُ

(Kuchiŵechetedwa kuti): “Munkamulani soni muntaŵe makongwa.”

ئایه‌تی: 31

ثُمَّ ٱلۡجَحِيمَ صَلُّوهُ

“Kaneka ni mumponye ku Moto Waukali.”

ئایه‌تی: 32

ثُمَّ فِي سِلۡسِلَةٖ ذَرۡعُهَا سَبۡعُونَ ذِرَاعٗا فَٱسۡلُكُوهُ

“Kaneko muntaŵikanye m’malundelunde (ga unyolo), ulewu wakwe makono makumi nsano nagaŵili (70).”

ئایه‌تی: 33

إِنَّهُۥ كَانَ لَا يُؤۡمِنُ بِٱللَّهِ ٱلۡعَظِيمِ

Chisimu jwalakwe jwaliji jukaakunkulupilila Allah Jwakuchimbichika nnope.

ئایه‌تی: 34

وَلَا يَحُضُّ عَلَىٰ طَعَامِ ٱلۡمِسۡكِينِ

Soni nganaŵa jwakuchisya yagaliisya masikini.

ئایه‌تی: 35

فَلَيۡسَ لَهُ ٱلۡيَوۡمَ هَٰهُنَا حَمِيمٞ

Basi nganakola jwalakwejo lelo kwekuno nsyoŵe (jwakunkamuchisya).

ئایه‌تی: 36

وَلَا طَعَامٌ إِلَّا مِنۡ غِسۡلِينٖ

Namuno yakulya ikaŵeje uwowu (wakusulula m’maŵanga ga ŵandu ŵa ku Moto).

ئایه‌تی: 37

لَّا يَأۡكُلُهُۥٓ إِلَّا ٱلۡخَٰطِـُٔونَ

Pangali ŵatachiulya ikaŵeje ŵakulemwa.

ئایه‌تی: 38

فَلَآ أُقۡسِمُ بِمَا تُبۡصِرُونَ

Basi nguilumbila yankuiwona.

ئایه‌تی: 39

وَمَا لَا تُبۡصِرُونَ

Ni yangankuiwona.

ئایه‌تی: 40

إِنَّهُۥ لَقَوۡلُ رَسُولٖ كَرِيمٖ

Chisimu jalakwe (Qur'aniji) liŵele liloŵe lya Ntenga Jwakuchimbichika (Jibulilu).

ئایه‌تی: 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ

Ni nganijiŵa jalakwejo liloŵe lya nkwimba chilaanga, yannonope ni yankuikulupilila.

ئایه‌تی: 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ

Soni ngaŵa liloŵe lya abimbi, yannonope ni yankukumbuchila.

ئایه‌تی: 43

تَنزِيلٞ مِّن رَّبِّ ٱلۡعَٰلَمِينَ

(Jiŵele) jakutulusyidwa kuumila kwa M'mbuje jwa iwumbe yosope.

ئایه‌تی: 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ

Soni ingaŵe kuti (Muhammadi ﷺ) jwalukenye Kukwetu unami winewakwe.

ئایه‌تی: 45

لَأَخَذۡنَا مِنۡهُ بِٱلۡيَمِينِ

Chisimu tukankwembekenye mwamachili.

ئایه‌تی: 46

ثُمَّ لَقَطَعۡنَا مِنۡهُ ٱلۡوَتِينَ

Kaneka nitukakatile kwene mwa jwalakwejo ntasi (wakwe waumi nikuwa).

ئایه‌تی: 47

فَمَا مِنكُم مِّنۡ أَحَدٍ عَنۡهُ حَٰجِزِينَ

Mwanti nga nganapatikana jwalijose mwa jenumanja jwakun'gosa (ku ipotesi Yetu).

ئایه‌تی: 48

وَإِنَّهُۥ لَتَذۡكِرَةٞ لِّلۡمُتَّقِينَ

Soni chisimu jalakwe (Qur’ani) jiŵele chikumbusyo kwa ŵakun'jogopa (Allah).

ئایه‌تی: 49

وَإِنَّا لَنَعۡلَمُ أَنَّ مِنكُم مُّكَذِّبِينَ

Sonitu Uwwe tukumanyilila kusyene yanti mwa ŵanganyammwe mwana ŵakanila.

ئایه‌تی: 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ

Soni chisimu jalakwe (Qur’ani) jichiŵa jakwadandaulikasya kusyene achimakafili (ku Kiyama ndema jatachiuwona ntendele wa ŵajikuya ni ipotesi ya ŵajikana).

ئایه‌تی: 51

وَإِنَّهُۥ لَحَقُّ ٱلۡيَقِينِ

Soni chisimu jalakweji jiŵele jakuona kusyesyene.

ئایه‌تی: 52

فَسَبِّحۡ بِٱسۡمِ رَبِّكَ ٱلۡعَظِيمِ

Basi liswejesyani lina lya Ambuje ŵenu Ŵakuchimbichika nnope.