പരിഭാഷ അദ്ധ്യായം സൂറത്തുന്നജ്മ് - ചെവ്വ പരിഭാഷ - വിശുദ്ധ ഖുർആൻ വിജ്ഞാനകോശം

സൂറത്തുന്നജ്മ്

ആയത്ത്: 1

وَٱلنَّجۡمِ إِذَا هَوَىٰ

Ndikulumbira nyenyezi pamene zikulowa.

ആയത്ത്: 2

مَا ضَلَّ صَاحِبُكُمۡ وَمَا غَوَىٰ

Sadasokere m’bale wanu (Mtumiki panjira ya choonadi) ndipo sadakhulupirire zonama.

ആയത്ത്: 3

وَمَا يَنطِقُ عَنِ ٱلۡهَوَىٰٓ

Ndipo sayankhula zofuna za mtima wake.

ആയത്ത്: 4

إِنۡ هُوَ إِلَّا وَحۡيٞ يُوحَىٰ

Iyoyi (Qur’an imene akuinena), sichina, koma ndichivumbulutso chovumbulutsidwa.

ആയത്ത്: 5

عَلَّمَهُۥ شَدِيدُ ٱلۡقُوَىٰ

Adamphunzitsa (chivumbulutsochi) (Jibril) wanyonga zambiri.

ആയത്ത്: 6

ذُو مِرَّةٖ فَٱسۡتَوَىٰ

Wanzeru zakuya; ndipo adakhazikika (m’maonekedwe ake).

ആയത്ത്: 7

وَهُوَ بِٱلۡأُفُقِ ٱلۡأَعۡلَىٰ

Ali m’chizimezime kumwamba.

ആയത്ത്: 8

ثُمَّ دَنَا فَتَدَلَّىٰ

Kenako (Jibril) adamuyandikira (Mtumiki {s.a.w}) ndikuonjezera kumuyandikira.

ആയത്ത്: 9

فَكَانَ قَابَ قَوۡسَيۡنِ أَوۡ أَدۡنَىٰ

(Kumuyandikira kwake) kudali ngati (mpata wa) nsonga ziwiri za uta, kapena kuyandikira kuposa apo.

ആയത്ത്: 10

فَأَوۡحَىٰٓ إِلَىٰ عَبۡدِهِۦ مَآ أَوۡحَىٰ

(Choncho Jibril) adavumbulutsira kapolo wake (wa Allah) zimene adazivumbulutsa.

ആയത്ത്: 11

مَا كَذَبَ ٱلۡفُؤَادُ مَا رَأَىٰٓ

Sudaname mtima (wa Mtumiki) pazimene adaziona.

ആയത്ത്: 12

أَفَتُمَٰرُونَهُۥ عَلَىٰ مَا يَرَىٰ

Kodi mukutsutsana naye (Mthenga wa Allah) pazimene adaziona?

ആയത്ത്: 13

وَلَقَدۡ رَءَاهُ نَزۡلَةً أُخۡرَىٰ

Ndipo ndithu adamuona (Jibril) m’kuona kachiwiri mkaonekedwe kake.

ആയത്ത്: 14

عِندَ سِدۡرَةِ ٱلۡمُنتَهَىٰ

Pa ‘Sidratil Muntaha’ (mtengo wamasawu pothera zinthu zonse).

ആയത്ത്: 15

عِندَهَا جَنَّةُ ٱلۡمَأۡوَىٰٓ

Pafupi pake pali Janatu Ma’awa, (munda wokhalamo).

ആയത്ത്: 16

إِذۡ يَغۡشَى ٱلسِّدۡرَةَ مَا يَغۡشَىٰ

Pomwe chophimba chidaphimba msawuwo.

ആയത്ത്: 17

مَا زَاغَ ٱلۡبَصَرُ وَمَا طَغَىٰ

Maso ake sadaphonye kapena kupyola malire (oikidwa).

ആയത്ത്: 18

لَقَدۡ رَأَىٰ مِنۡ ءَايَٰتِ رَبِّهِ ٱلۡكُبۡرَىٰٓ

Ndithu (Mneneri Muhammad {s.a.w}) adaona zina mwa zizindikiro zikuluzikulu za Mbuye wake (zosonyeza mphamvu Zake)

ആയത്ത്: 19

أَفَرَءَيۡتُمُ ٱللَّٰتَ وَٱلۡعُزَّىٰ

Kodi mwamuona Laat ndi Uzza?

ആയത്ത്: 20

وَمَنَوٰةَ ٱلثَّالِثَةَ ٱلۡأُخۡرَىٰٓ

Ndi Manata; (fano lanu) lina lachitatu, (kuti iwowa ndi milungu)?

ആയത്ത്: 21

أَلَكُمُ ٱلذَّكَرُ وَلَهُ ٱلۡأُنثَىٰ

Kodi mwadzisankhira ana aamuna (kukhala anu), ndi aakazi nkukhala a Iye (Allah)?

ആയത്ത്: 22

تِلۡكَ إِذٗا قِسۡمَةٞ ضِيزَىٰٓ

Choncho kugawa kumeneko nkopanda chilungamo (pompatsa Allah zimene mumazida).

ആയത്ത്: 23

إِنۡ هِيَ إِلَّآ أَسۡمَآءٞ سَمَّيۡتُمُوهَآ أَنتُمۡ وَءَابَآؤُكُم مَّآ أَنزَلَ ٱللَّهُ بِهَا مِن سُلۡطَٰنٍۚ إِن يَتَّبِعُونَ إِلَّا ٱلظَّنَّ وَمَا تَهۡوَى ٱلۡأَنفُسُۖ وَلَقَدۡ جَآءَهُم مِّن رَّبِّهِمُ ٱلۡهُدَىٰٓ

Sali (mafanowo) chilichonse koma ndi maina basi omwe mudawatcha inu ndi makolo anu, (molingana ndi zilakolako zanu zachabe); Allah sadatsitse umboni pazimenezo (wotsimikiza pamawu anuwo). Sakutsatira koma zoganizira basi ndi zimene ikufuna mitima (yawo yopotoka). Ndithu chidawadzera chiongoko kuchokera kwa Mbuye wawo (chomwe m’kati mwake mudali kuongoka kwawo akadachitsatira).

ആയത്ത്: 24

أَمۡ لِلۡإِنسَٰنِ مَا تَمَنَّىٰ

Kodi munthu akuganiza kuti adzapeza chilichonse chimene akuchilakalaka?

ആയത്ത്: 25

فَلِلَّهِ ٱلۡأٓخِرَةُ وَٱلۡأُولَىٰ

Moyo wa tsiku lachimaliziro ndi wadziko lapansi ngwa Allah Yekha.

ആയത്ത്: 26

۞ وَكَم مِّن مَّلَكٖ فِي ٱلسَّمَٰوَٰتِ لَا تُغۡنِي شَفَٰعَتُهُمۡ شَيۡـًٔا إِلَّا مِنۢ بَعۡدِ أَن يَأۡذَنَ ٱللَّهُ لِمَن يَشَآءُ وَيَرۡضَىٰٓ

Ndipo kuli angelo ambiri kumwamba omwe kuchondelera kwawo sikungathandize china chilichonse pokhapokha Allah ataloleza kwa amene wamfuna ndi kumuyanja.

ആയത്ത്: 27

إِنَّ ٱلَّذِينَ لَا يُؤۡمِنُونَ بِٱلۡأٓخِرَةِ لَيُسَمُّونَ ٱلۡمَلَٰٓئِكَةَ تَسۡمِيَةَ ٱلۡأُنثَىٰ

Ndithu amene sakhulupirira za (Moyo wa) tsiku lachimaliziro, amawatcha angelo kuti ndiakazi.

ആയത്ത്: 28

وَمَا لَهُم بِهِۦ مِنۡ عِلۡمٍۖ إِن يَتَّبِعُونَ إِلَّا ٱلظَّنَّۖ وَإِنَّ ٱلظَّنَّ لَا يُغۡنِي مِنَ ٱلۡحَقِّ شَيۡـٔٗا

Ndipo alibe kudziwa kulikonse pa zimenezo sakutsata china koma maganizo. Ndipo ndithu kuganizira sikuthandiza chilichonse pofuna kupeza choonadi.

ആയത്ത്: 29

فَأَعۡرِضۡ عَن مَّن تَوَلَّىٰ عَن ذِكۡرِنَا وَلَمۡ يُرِدۡ إِلَّا ٱلۡحَيَوٰةَ ٱلدُّنۡيَا

Choncho apewe (osakhulupirirawa) amene anyozera chikumbutso Chathu (Qur’an); ndipo palibe chimene akufuna koma moyo wa padziko lapansi basi.

ആയത്ത്: 30

ذَٰلِكَ مَبۡلَغُهُم مِّنَ ٱلۡعِلۡمِۚ إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِمَنِ ٱهۡتَدَىٰ

Zimenezo ndiwo mapeto a kudziwa kwawo. Ndithu Mbuye wako Ngodziwa kwambiri za amene akusokera njira Yake ndiponso akudziwa bwino za yemwe wawongoka.

ആയത്ത്: 31

وَلِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِ لِيَجۡزِيَ ٱلَّذِينَ أَسَٰٓـُٔواْ بِمَا عَمِلُواْ وَيَجۡزِيَ ٱلَّذِينَ أَحۡسَنُواْ بِٱلۡحُسۡنَى

Ndipo zonse za kumwamba ndi zadziko lapansi nza Allah Yekha, (pozilenga ndi kuziyang’anira), kuti adzawalipire amene adaipitsa pa zimene adachita ndi kutinso adzawalipire zabwino amene adachita zabwino.

ആയത്ത്: 32

ٱلَّذِينَ يَجۡتَنِبُونَ كَبَٰٓئِرَ ٱلۡإِثۡمِ وَٱلۡفَوَٰحِشَ إِلَّا ٱللَّمَمَۚ إِنَّ رَبَّكَ وَٰسِعُ ٱلۡمَغۡفِرَةِۚ هُوَ أَعۡلَمُ بِكُمۡ إِذۡ أَنشَأَكُم مِّنَ ٱلۡأَرۡضِ وَإِذۡ أَنتُمۡ أَجِنَّةٞ فِي بُطُونِ أُمَّهَٰتِكُمۡۖ فَلَا تُزَكُّوٓاْ أَنفُسَكُمۡۖ هُوَ أَعۡلَمُ بِمَنِ ٱتَّقَىٰٓ

Amene akuwapewa machimo akuluakulu ndi zadama, kupatula timachimo tating’onoting’ono (timene Allah amatikhululuka); ndithu Mbuye wako ndiwokhululuka kwakukulu. Iye akudziwa chikhalidwe chanu kuyambira pomwe adakulengani kuchokera m’nthaka ndi pamene inu mudali makanda m’mimba mwa amayi anu (mosinthasintha; mosiyanasiyana). Choncho musadzitame nokha kuyera mtima; Iye Ngodziwa kwambiri za yemwe akumuopa (Allah).

ആയത്ത്: 33

أَفَرَءَيۡتَ ٱلَّذِي تَوَلَّىٰ

Kodi wamuona yemwe wadzipatula (pakusiya kutsatira choonadi)?

ആയത്ത്: 34

وَأَعۡطَىٰ قَلِيلٗا وَأَكۡدَىٰٓ

Ndipo wapereka (chuma) chochepa nasiyanso kuperekako.

ആയത്ത്: 35

أَعِندَهُۥ عِلۡمُ ٱلۡغَيۡبِ فَهُوَ يَرَىٰٓ

Kodi akudziwa zamseri, kotero kuti akuziwona (zomwe wadza nazo (Mtumiki {s.a.w) kuti sizoona)?

ആയത്ത്: 36

أَمۡ لَمۡ يُنَبَّأۡ بِمَا فِي صُحُفِ مُوسَىٰ

Kapena sadauzidwe zomwe zidali m’mabuku a Mûsa.

ആയത്ത്: 37

وَإِبۡرَٰهِيمَ ٱلَّذِي وَفَّىٰٓ

Ndi Ibrahim amene adakwaniritsa (lonjezo la Allah)?

ആയത്ത്: 38

أَلَّا تَزِرُ وَازِرَةٞ وِزۡرَ أُخۡرَىٰ

Kuti mzimu wamachimo sungasenze machimo a mzimu wina.

ആയത്ത്: 39

وَأَن لَّيۡسَ لِلۡإِنسَٰنِ إِلَّا مَا سَعَىٰ

Ndi kutinso munthu sakalipidwa koma zimene adachita.

ആയത്ത്: 40

وَأَنَّ سَعۡيَهُۥ سَوۡفَ يُرَىٰ

Ndipo ndithu ntchito zake zidzaonekera.

ആയത്ത്: 41

ثُمَّ يُجۡزَىٰهُ ٱلۡجَزَآءَ ٱلۡأَوۡفَىٰ

Kenako (munthu) adzalipidwa malipiro okwanira (pa ntchito zake zimene amachita).

ആയത്ത്: 42

وَأَنَّ إِلَىٰ رَبِّكَ ٱلۡمُنتَهَىٰ

Ndipo ndithu kwa Mbuye wako yekha ndiwo malekezero (a chilichonse).

ആയത്ത്: 43

وَأَنَّهُۥ هُوَ أَضۡحَكَ وَأَبۡكَىٰ

Ndithu Iye ndiAmene amapereka chisangalalo ndi zoliritsa.

ആയത്ത്: 44

وَأَنَّهُۥ هُوَ أَمَاتَ وَأَحۡيَا

Ndipo Iye yekha ndi Amene amapereka imfa ndi moyo.

ആയത്ത്: 45

وَأَنَّهُۥ خَلَقَ ٱلزَّوۡجَيۡنِ ٱلذَّكَرَ وَٱلۡأُنثَىٰ

Ndipo Iye ndiAmene adalenga mitundu iwiri: chachimuna ndi chachikazi, (anthu ndi zamoyo zina).

ആയത്ത്: 46

مِن نُّطۡفَةٍ إِذَا تُمۡنَىٰ

Kuchokera m’mbewu ya moyo pamene imafwamphukira (m’chiberekero).

ആയത്ത്: 47

وَأَنَّ عَلَيۡهِ ٱلنَّشۡأَةَ ٱلۡأُخۡرَىٰ

Ndipo ndithu ndi udindo Wake kuukitsa kwina (pambuyo pa imfa).

ആയത്ത്: 48

وَأَنَّهُۥ هُوَ أَغۡنَىٰ وَأَقۡنَىٰ

Ndipo Iye ndiAmene amapatsa chokwanira ndipo ndi amene amapatsa chosunga.

ആയത്ത്: 49

وَأَنَّهُۥ هُوَ رَبُّ ٱلشِّعۡرَىٰ

Ndipo ndithu Iye ndi Mbuye wa nyenyezi yotchedwa Shiira;

ആയത്ത്: 50

وَأَنَّهُۥٓ أَهۡلَكَ عَادًا ٱلۡأُولَىٰ

Ndipo Iye ndi amene adaononga Âdi oyamba; (anthu a Mneneri Hûd).

ആയത്ത്: 51

وَثَمُودَاْ فَمَآ أَبۡقَىٰ

Ndi Samudu; (anthu a Mneneri Swaleh;) choncho sadasiye (ndi mmodzi yemwe wa iwo).

ആയത്ത്: 52

وَقَوۡمَ نُوحٖ مِّن قَبۡلُۖ إِنَّهُمۡ كَانُواْ هُمۡ أَظۡلَمَ وَأَطۡغَىٰ

Ndipo (adawaononganso) anthu a Nuh, kale (asadaononge Âdi ndi Samudu). Ndithu iwo adali osalungama ndi olumpha malire kwambiri (kuposa Âdi ndi Samudu).

ആയത്ത്: 53

وَٱلۡمُؤۡتَفِكَةَ أَهۡوَىٰ

Ndi midzi yotembenuzidwa kumwamba kukhala pansi, pansi kukhala kumwamba, (ya anthu a Luti) adaigwetsa.

ആയത്ത്: 54

فَغَشَّىٰهَا مَا غَشَّىٰ

Tero chidaivindikira (midziyo) chomwe chidaivindikira (chilango).

ആയത്ത്: 55

فَبِأَيِّ ءَالَآءِ رَبِّكَ تَتَمَارَىٰ

Kodi ndimtendere uti (mumtendere) wa Mbuye wako umene ukuukaikira?

ആയത്ത്: 56

هَٰذَا نَذِيرٞ مِّنَ ٱلنُّذُرِ ٱلۡأُولَىٰٓ

Uyu (Mtumiki) ndimchenjezi mwa achenjezi oyamba (amene adachenjezedwa nawo anthu a mibadwo yakale)

ആയത്ത്: 57

أَزِفَتِ ٱلۡأٓزِفَةُ

Chayandikira choyandikira (Qiyâma).

ആയത്ത്: 58

لَيۡسَ لَهَا مِن دُونِ ٱللَّهِ كَاشِفَةٌ

Palibe amene angachionetse koma Allah Yekha.

ആയത്ത്: 59

أَفَمِنۡ هَٰذَا ٱلۡحَدِيثِ تَعۡجَبُونَ

Kodi mukuidabwa nkhaniyi (ya Qur’an moikana)?

ആയത്ത്: 60

وَتَضۡحَكُونَ وَلَا تَبۡكُونَ

Mungoseka (mwachipongwe) ndipo simukulira (pamene mukuimva monga momwe akuchitira okhulupirira).

ആയത്ത്: 61

وَأَنتُمۡ سَٰمِدُونَ

Ndipo mukunyozera?

ആയത്ത്: 62

فَٱسۡجُدُواْۤ لِلَّهِۤ وَٱعۡبُدُواْ۩

Mlambireni ndi kumpembedza Allah (amene wavumbulutsa Qur’an kuti ikhale chiongoko cha anthu).