പരിഭാഷ അദ്ധ്യായം സൂറത്തുത്തക്വീർ - ചെവ്വ പരിഭാഷ - വിശുദ്ധ ഖുർആൻ വിജ്ഞാനകോശം

സൂറത്തുത്തക്വീർ

ആയത്ത്: 1

إِذَا ٱلشَّمۡسُ كُوِّرَتۡ

Pamene dzuwa lidzakulungidwe (ndikuchotsedwa kuwala kwake),^[388]

[388] Surah zambiri zimene zidavumbulutsidwa ku Makka zimanena zododometsa za tsiku lachimaliziro.

ആയത്ത്: 2

وَإِذَا ٱلنُّجُومُ ٱنكَدَرَتۡ

Ndi pamene nyenyezi zidzathothoke (ndi kuchoka dangalira lake),

ആയത്ത്: 3

وَإِذَا ٱلۡجِبَالُ سُيِّرَتۡ

Ndi pamene mapiri adzayendetsedwe (kuchoka mmalo mwake),^[389]

[389] Tsiku limenelo mapiri adzakhala osalimba ngati thonje limene likungouluka ndi mphepo.

ആയത്ത്: 4

وَإِذَا ٱلۡعِشَارُ عُطِّلَتۡ

Ndi pamene ngamira zabere lamiyezi khumi zidzasiidwe (zopanda oziyang’anira),^[390]

[390] Ngamira za bere ndi chuma cha mtengo wapatali kwa Aarabu. Akuuzidwa apa kuti tsiku limenelo adzazisiya osazilabadira konse.

ആയത്ത്: 5

وَإِذَا ٱلۡوُحُوشُ حُشِرَتۡ

Ndi pamene nyama za mtchire zidzasonkhanitsidwe pamodzi (kuchokera mmalo osiyanasiyana chifukwa chakuopsa kwakukulu kwa tsikulo),^[391]

[391] Mwa zina zododometsa pa tsiku limenelo ndi nyama za mtchire kusonkhanitsidwa pamodzi popanda kumenyana kapena kudyana.

ആയത്ത്: 6

وَإِذَا ٱلۡبِحَارُ سُجِّرَتۡ

Ndi pamene nyanja zidzayatsidwe moto,

ആയത്ത്: 7

وَإِذَا ٱلنُّفُوسُ زُوِّجَتۡ

Ndi pamene mizimu idzalumikizidwe (ndi matupi ake),

ആയത്ത്: 8

وَإِذَا ٱلۡمَوۡءُۥدَةُ سُئِلَتۡ

Ndi pamene mwana wamkazi yemwe adaikidwa m’manda wamoyo adzafunsidwe,^[392]

[392] (Ndime 8-9) Ma Ayah awiriwa akufotokoza momwe Aarabu adalili Usilamu usadabwere. Munthu ankati akapatsidwa mphatso ya mwana wa mkazi adali kukhumudwa ndi kudandaula kwambiri. Ankanena kuti asungwana ngopanda phindu ndipo kuti kudali kuononga zinthu pakumulera, kumudyetsa, ndi kumuveka. Ndipo akadzakhala wachiwerewere adzakhala manyazi aakulu kwa makolo ake. Pamene chidadza chisilamu chidathetsa mkhalidwewu. Ndipo apa Allah akutisonyeza kuti patsiku limenelo, la chiweruziro, mwana uja adaikidwa wa moyo, adzafunsidwa kuti adaphedwa ndi tchimo lanji. Iye adzayankha kuti sadachite tchimo lililonse koma adaphedwa mopanda chilungamo.

ആയത്ത്: 9

بِأَيِّ ذَنۢبٖ قُتِلَتۡ

Ndi tchimo lanji adaphedwera?

ആയത്ത്: 10

وَإِذَا ٱلصُّحُفُ نُشِرَتۡ

Ndi pamene makalata (momwe mudalembedwa zochita za aliyense) adzatambasulidwe ndi kugawidwa (kuti awerengedwe),^[393]

[393] Awa ndi makalata achiwerengero momwe mwalembedwa zabwino za munthu ndi zoipa zake. Tsiku limenelo munthu aliyense adzapatsidwa yake kalata kuti aone iye mwini zoipa ndi zabwino zake.

ആയത്ത്: 11

وَإِذَا ٱلسَّمَآءُ كُشِطَتۡ

Ndi pamene thambo lidzayalulidwe (kuchoka mmalo mwake),

ആയത്ത്: 12

وَإِذَا ٱلۡجَحِيمُ سُعِّرَتۡ

Ndi pamene Jahena idzasonkhezeredwe mwamphamvu,^[394]

[394] (Ndime12-13) Tsiku limenelo Jannah idzayandikitsidwa kwa ochita zabwino ndiponso Moto udzayandikitsidwa kwa ochita zoipa kuti aone kumalo kwake.

ആയത്ത്: 13

وَإِذَا ٱلۡجَنَّةُ أُزۡلِفَتۡ

Ndi pamene Jannah idzayandikitsidwe,

ആയത്ത്: 14

عَلِمَتۡ نَفۡسٞ مَّآ أَحۡضَرَتۡ

(Zikadzachitika zimenezi) mzimu uliwonse udzadziwa zimene wabweretsa (zabwino ndi zoipa).

ആയത്ത്: 15

فَلَآ أُقۡسِمُ بِٱلۡخُنَّسِ

Ndikulumbilira nyenyezi zimene zimabwerera masana ndi kutulukanso usiku.

ആയത്ത്: 16

ٱلۡجَوَارِ ٱلۡكُنَّسِ

Zomwe zimayenda kenako nkubisika,

ആയത്ത്: 17

وَٱلَّيۡلِ إِذَا عَسۡعَسَ

Ndi usiku pamene ukulowa.

ആയത്ത്: 18

وَٱلصُّبۡحِ إِذَا تَنَفَّسَ

Ndi m’mawa kukamacha;

ആയത്ത്: 19

إِنَّهُۥ لَقَوۡلُ رَسُولٖ كَرِيمٖ

Ndithu iyi (Qur’an) ndi liwu la mthenga wa Allah (Jibril) wolemekezeka,^[395]

[395] (Ndime 19-20) Mthenga wolemekezeka womveredwa uko kumwamba ndi Jibril (Gabriele) yemwe ndi wamkulu wa angelo onse. Iye ndiyemwe adali kubweretsa Qur’an mwa lamulo la Allah kwa Mneneri Wake Muhammad (s.a.w). Ndipo ulemelero wa Qur’an ndi ulemelero wa Mneneri (s.a.w) chifukwa choti munthu wolemekezeka amamutumizira mthenga wolemekezekanso. Ndipo uthenga wabwino umapatsidwa kwa Mneneri wabwino woposa onse.

ആയത്ത്: 20

ذِي قُوَّةٍ عِندَ ذِي ٱلۡعَرۡشِ مَكِينٖ

Mwini mphamvu ndi mwini ulemelero kwa Mwini Arsh (Mpando wa chifumu),

ആയത്ത്: 21

مُّطَاعٖ ثَمَّ أَمِينٖ

Womveredwa kumeneko ndiponso wokhulupirika (pachivumbulutso).

ആയത്ത്: 22

وَمَا صَاحِبُكُم بِمَجۡنُونٖ

Ndipo m’bale wanuyu siwamisala ayi.^[396]

[396] (Ndime 22-25) Anthu okanira pamene adasowa chonena kwa mneneri (s.a.w) adali kunena nkhani zabodza kuti Mtumiki (s.a.w) wapenga ndikuti zomwe akuyankhula sadapatsidwe ndi Jibril.

ആയത്ത്: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Ndithu ndikulumbira kuti (iye Mtumiki) (s.a.w) adamuona (Jibril) mchizimezime (chakum’mawa) chooneka bwino.

ആയത്ത്: 24

وَمَا هُوَ عَلَى ٱلۡغَيۡبِ بِضَنِينٖ

Ndipo sali iye (Mtumiki) waumbombo ndi chivumbulutso (koma amafikitsa zonse ndi kuziphunzitsa kwa anthu).

ആയത്ത്: 25

وَمَا هُوَ بِقَوۡلِ شَيۡطَٰنٖ رَّجِيمٖ

(Chivumbulutso chomwe chavumbulutsidwachi kwa iye) si mawu a satana wothamangitsidwa (mchifundo cha Allah);

ആയത്ത്: 26

فَأَيۡنَ تَذۡهَبُونَ

Nanga mukupita kuti?

ആയത്ത്: 27

إِنۡ هُوَ إِلَّا ذِكۡرٞ لِّلۡعَٰلَمِينَ

(Qur’ani) iyi sichina koma ndi chikumbutso cha zolengedwa zonse.

ആയത്ത്: 28

لِمَن شَآءَ مِنكُمۡ أَن يَسۡتَقِيمَ

Kwa yemwe mwa inu akufuna kuyenda mu njira yoongoka.

ആയത്ത്: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Ndipo simungafune chinthu mwa inu nokha pokhapokha atafuna Allah Mbuye wa zolengedwa zonse.