പരിഭാഷ അദ്ധ്യായം സൂറത്തുൽ മുദ്ദഥ്ഥിർ - യാഉ പരിഭാഷ - വിശുദ്ധ ഖുർആൻ വിജ്ഞാനകോശം

Al-Muddaththir

ആയത്ത്: 1

يَٰٓأَيُّهَا ٱلۡمُدَّثِّرُ

E, mmwe ŵan'diunichile nguwo!

ആയത്ത്: 2

قُمۡ فَأَنذِرۡ

Jimani ni mwaatetele (ŵandu).

ആയത്ത്: 3

وَرَبَّكَ فَكَبِّرۡ

Soni Ambuje ŵenu (Allah) mwakusyaani.

ആയത്ത്: 4

وَثِيَابَكَ فَطَهِّرۡ

Soni nguwo syenu siswejesyani.

ആയത്ത്: 5

وَٱلرُّجۡزَ فَٱهۡجُرۡ

Soni yakusakala (mpela isanamu) iŵambalani.

ആയത്ത്: 6

وَلَا تَمۡنُن تَسۡتَكۡثِرُ

Soni ngasimumpa (jwinejwakwe chindu) ni ligongo lyakuti mpochele yejinji.

ആയത്ത്: 7

وَلِرَبِّكَ فَٱصۡبِرۡ

Soni ligongo lya Ambuje ŵenu (Allah) pililani.

ആയത്ത്: 8

فَإِذَا نُقِرَ فِي ٱلنَّاقُورِ

Basi ndema jalichigombedwa lipenga.

ആയത്ത്: 9

فَذَٰلِكَ يَوۡمَئِذٖ يَوۡمٌ عَسِيرٌ

Lyele lisikulyotu lichiŵa lisiku lyakunonopa kusyene.

ആയത്ത്: 10

عَلَى ٱلۡكَٰفِرِينَ غَيۡرُ يَسِيرٖ

Kwa achimakafili ngasiliŵa lyakwepepala.

ആയത്ത്: 11

ذَرۡنِي وَمَنۡ خَلَقۡتُ وَحِيدٗا

Munekaani ni mundu jwanan'gumbile jikajikape.

ആയത്ത്: 12

وَجَعَلۡتُ لَهُۥ مَالٗا مَّمۡدُودٗا

Ninampele ipanje yejinji.

ആയത്ത്: 13

وَبَنِينَ شُهُودٗا

Ni ŵanache ŵakuŵanajo.

ആയത്ത്: 14

وَمَهَّدتُّ لَهُۥ تَمۡهِيدٗا

Ni nankolochesye (ndamo jakwe) kunkolochesya kwambone nnope.

ആയത്ത്: 15

ثُمَّ يَطۡمَعُ أَنۡ أَزِيدَ

Panyuma pakwe jukolaga tama janti ndili nan'jonjechesye.

ആയത്ത്: 16

كَلَّآۖ إِنَّهُۥ كَانَ لِأٓيَٰتِنَا عَنِيدٗا

Kwapi! Chisimu jwalakwejo jwaliji nkugakanila maaya Getu.

ആയത്ത്: 17

سَأُرۡهِقُهُۥ صَعُودًا

Chingankanganichisye ku ilagasyo yakusausya kuikwela.

ആയത്ത്: 18

إِنَّهُۥ فَكَّرَ وَقَدَّرَ

Chisimu jwalakwe jwachetelele (yatajile paajigamba Qur’an) ni jwapimiile.

ആയത്ത്: 19

فَقُتِلَ كَيۡفَ قَدَّرَ

Basi julwesedwe, ana jwapimiile chantiuli!

ആയത്ത്: 20

ثُمَّ قُتِلَ كَيۡفَ قَدَّرَ

Soni julwesedwe, ana jwapimiile chantiuli!

ആയത്ത്: 21

ثُمَّ نَظَرَ

Kaneka ni jwalolite (ŵandu).

ആയത്ത്: 22

ثُمَّ عَبَسَ وَبَسَرَ

Kaneko ni jwautile sinya ni kusakasya kungope (kulosya ukali).

ആയത്ത്: 23

ثُمَّ أَدۡبَرَ وَٱسۡتَكۡبَرَ

Kaneko soni jwachitundumalile (chikulupi) ni kulikwesya.

ആയത്ത്: 24

فَقَالَ إِنۡ هَٰذَآ إِلَّا سِحۡرٞ يُؤۡثَرُ

Ni jwatite: “Nganijiŵatu jalakwe (Qur’aniji) ikaŵeje usaŵi waukupocheledwa (kuumila kwa asaŵi ŵakala).”

ആയത്ത്: 25

إِنۡ هَٰذَآ إِلَّا قَوۡلُ ٱلۡبَشَرِ

“Nganijiŵatu jalakwe (Qur’aniji) ikaŵeje maloŵe ga mundu.”

ആയത്ത്: 26

سَأُصۡلِيهِ سَقَرَ

Sampano tinan'jinjisye ku Saqara.

ആയത്ത്: 27

وَمَآ أَدۡرَىٰكَ مَا سَقَرُ

Ana ni chichi champaka chimmanyisye ya Saqara?

ആയത്ത്: 28

لَا تُبۡقِي وَلَا تَذَرُ

(Weletu ni Moto) wangasigasya (chilichose chachiponyedwemo) soni wangachileka (kuti chikopoche).

ആയത്ത്: 29

لَوَّاحَةٞ لِّلۡبَشَرِ

Wakutinisya ni kuŵiilisya lipende.

ആയത്ത്: 30

عَلَيۡهَا تِسۡعَةَ عَشَرَ

Pa walakweo pana (Achimalika ŵakuugosa) ŵakwana likumi kwisa nsano nancheche (19).

ആയത്ത്: 31

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

Ni nganitwaaŵiika akuuloleela Moto ikaŵeje Achimalaika, soni nganituchiŵiika chiŵalanjilo chaocho ikaŵeje kuŵa mayeso gakwalinjila achimakafili, kuti asimichisye ŵandu ŵaŵapedwile chitabu (ya chiŵalanjilochi), ni kuti soni ajonjechesye chikulupi chao ŵandu ŵaakulupilile, soni kuti akakaichila ŵandu ŵaŵapedwile chitabu ni ŵakulupilila, ni kuti soni aŵala ŵamuli m’mitima mwao mwana ulwele (wa unakunaku) ni achimakafili ajileje: “Ana Allah akusaka chichi pachilandanyo chalakwechi?” Iyyoyopeyo niyaakutiji Allah pa kunnechelela kusokonechela jwansachile ni kun'jongola jwansachile. Ni pangali ŵaakumanyilila mikutula ja asilikali ŵa Ambuje ŵenu ikaŵeje Jwelepejo. Ni nganiuŵa Walakwe (Motowo) ikaŵeje chikumbusyo kwa ŵandu (cha kwatetela nacho).

ആയത്ത്: 32

كَلَّا وَٱلۡقَمَرِ

Ngwamba! Nguulumbila mwesi.

ആയത്ത്: 33

وَٱلَّيۡلِ إِذۡ أَدۡبَرَ

Ni chilo ndema jachikutyoka (pakucha).

ആയത്ത്: 34

وَٱلصُّبۡحِ إِذَآ أَسۡفَرَ

Ni kumasikusiku ndema jakukulanguka.

ആയത്ത്: 35

إِنَّهَا لَإِحۡدَى ٱلۡكُبَرِ

Chisimu Walakwe (Motowo) uŵele limpepe (m’makungu) gekulungwa nnope.

ആയത്ത്: 36

نَذِيرٗا لِّلۡبَشَرِ

Chitetelo kwa ŵandu.

ആയത്ത്: 37

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

Kwa jwalijose mwa jenumanja jwaasachile kuti alongolele (pakutenda yambone) kapena kusigalila (pakupanganya yakusakala).

ആയത്ത്: 38

كُلُّ نَفۡسِۭ بِمَا كَسَبَتۡ رَهِينَةٌ

Mundu jwalijose tachiŵa uwombosi wakuliombolela ku (yakusakala) yaŵapanganyisye (pakutaŵidwa ku Moto).

ആയത്ത്: 39

إِلَّآ أَصۡحَٰبَ ٱلۡيَمِينِ

Ikaŵeje aŵala ŵakunkono wan'dyo.

ആയത്ത്: 40

فِي جَنَّٰتٖ يَتَسَآءَلُونَ

(Chachiŵa) m’Matimbe ga ku Mbepo achiwuusyanaga.

ആയത്ത്: 41

عَنِ ٱلۡمُجۡرِمِينَ

Ya (ŵandu) ŵakuleŵa.

ആയത്ത്: 42

مَا سَلَكَكُمۡ فِي سَقَرَ

“Ana ni chichi chachin'jinjisye ŵanganyammwe ku Saqara?”

ആയത്ത്: 43

قَالُواْ لَمۡ نَكُ مِنَ ٱلۡمُصَلِّينَ

(Pakwanga) chachitiji: “Nganituŵa mwa akuswali.”

ആയത്ത്: 44

وَلَمۡ نَكُ نُطۡعِمُ ٱلۡمِسۡكِينَ

“Soni nganituŵa nkwaaliisya masikini.”

ആയത്ത്: 45

وَكُنَّا نَخُوضُ مَعَ ٱلۡخَآئِضِينَ

“Ni twaliji nkutiŵila (mu sambi) pamo ni akutiŵila.”

ആയത്ത്: 46

وَكُنَّا نُكَذِّبُ بِيَوۡمِ ٱلدِّينِ

“Ni twaliji soni nkukanila ya Lisiku Lyamalipilo.”

ആയത്ത്: 47

حَتَّىٰٓ أَتَىٰنَا ٱلۡيَقِينُ

“Mpaka chatuichilile chiwa.”

ആയത്ത്: 48

فَمَا تَنفَعُهُمۡ شَفَٰعَةُ ٱلشَّٰفِعِينَ

Basi ngasichija kwakamuchisya ŵanganyao chondechonde cha akuchondelela.

ആയത്ത്: 49

فَمَا لَهُمۡ عَنِ ٱلتَّذۡكِرَةِ مُعۡرِضِينَ

Ana chipali chichi kukwao chikwatendekasya kuchitundumalila chikumbusyo (Qur’an)?

ആയത്ത്: 50

كَأَنَّهُمۡ حُمُرٞ مُّسۡتَنفِرَةٞ

(Kakwipuche kakwe kuti akajipikana Qur’an) gamba kuŵa ŵanganyao mpela mbunda (syamwitinji) syasikwipusyidwe.

ആയത്ത്: 51

فَرَّتۡ مِن قَسۡوَرَةِۭ

Syasikutila lisimba.

ആയത്ത്: 52

بَلۡ يُرِيدُ كُلُّ ٱمۡرِيٕٖ مِّنۡهُمۡ أَن يُؤۡتَىٰ صُحُفٗا مُّنَشَّرَةٗ

Yeti mundu jwalijose mwa ŵanganyao akusakaga ali apedwile ikalakala yeunukule-unukule (kuumila kwa Allah kutendela umboni yakuŵecheta Muhammadi ﷺ).

ആയത്ത്: 53

كَلَّاۖ بَل لَّا يَخَافُونَ ٱلۡأٓخِرَةَ

Ngwamba! Nambo kuti ŵanganyao ngaakujijogopa Akhera.

ആയത്ത്: 54

كَلَّآ إِنَّهُۥ تَذۡكِرَةٞ

Ngwamba! Chisimu jalakwe (Qur’aniji) jiŵele chikumbusyo.

ആയത്ത്: 55

فَمَن شَآءَ ذَكَرَهُۥ

Basi jwaakusaka taalikumbusye najo.

ആയത്ത്: 56

وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ

Ni nganaŵa alikumbwisye ŵanganyao ikaŵeje naga Allah ali asachile. Jwalakwe ni jwaali Jwakuŵajilwa kogopedwa soni ni Nysene chikululuko.