ߞߘߐ ߟߎ߬ ߘߟߊߡߌ߬ߘߊ߬ߟߌ ߝߐߘߊ ߘߏ߫ ߡߊ߬ߕߋ߰ߙߎ߬ߟߌ߬ߟߊ ߝߐߘߊ - ߛ߭ߌߛ߭ߌߦߏߥߊߞߊ߲ ߘߟߊߡߌߘߊ - ߞߎ߬ߙߣߊ߬ ߞߟߊߒߞߋ ߔߘߋߞߎ

ߡߊ߬ߕߋ߰ߙߎ߬ߟߌ߬ߟߊ ߝߐߘߊ

ߟߝߊߙߌ ߘߏ߫: 1

وَيۡلٞ لِّكُلِّ هُمَزَةٖ لُّمَزَةٍ

Kuonongeka koopsa kudzampeza aliyense wojeda ndi wonyoza anthu polozera (ndi maso kapena kuyankhula ndi lirime).^[482]

[482] Kujeda kwa mtundu uliwonse ndi koipa. Anthu ambiri amaganiza kuti kujeda ndi chinthu chochepa, saona kuti ndi chinthu choipa, pomwe Qur’an ikuletsa kwatunthu mpaka mwakuti imamufanizira munthu wojeda ngati munthu yemwe amadya minofu ya mnzake wakufa. Mu Ayah imeneyi, Allah wanena kuti “Wayilun” lomwe tanthauzo lake ndi “Kuonongeka koopsa.” Choncho nkofunika kwa munthu aliyense kupewa khalidwe lojeda.

ߟߝߊߙߌ ߘߏ߫: 2

ٱلَّذِي جَمَعَ مَالٗا وَعَدَّدَهُۥ

Yemwe wasonkhanitsa chuma ndikumachiwerengera.^[483]

[483] Mmenemo ndi momwe alili munthu wa umbombo, kukoma kwa chuma kwa iye, ndikuchisonkhanitsa ndikumachiwerengera akakhala ndi danga; sikuti akufuna kudziwa kuchuluka kwake koma kungokondweretsedwa ndikuchiwerengako. Saganizira zimene zingamuthandize iye mwini kapena kuthandiza anzake.
Chuma ntchito yake ndikuti chimthandize mwini chumacho pa zinthu zabwino zosiyanasiyana pamodzi ndi anzake, osati kungochikhazika ndikumangochiwerengera mokhumbiza ena.

ߟߝߊߙߌ ߘߏ߫: 3

يَحۡسَبُ أَنَّ مَالَهُۥٓ أَخۡلَدَهُۥ

Akuganiza kuti chuma chakecho chimkhazika (pa dziko) nthawi yaitali (ndikumteteza ku zimene sakuzifuna).

ߟߝߊߙߌ ߘߏ߫: 4

كَلَّاۖ لَيُنۢبَذَنَّ فِي ٱلۡحُطَمَةِ

Sichoncho! (Asiye maganizo amenewo) ndithudi, akaponyedwa ku Moto woononga (chifukwa cha kuipa kwa zochita zake).

ߟߝߊߙߌ ߘߏ߫: 5

وَمَآ أَدۡرَىٰكَ مَا ٱلۡحُطَمَةُ

Ndi chiyani chingakudziwitse za Moto woonongawu?

ߟߝߊߙߌ ߘߏ߫: 6

نَارُ ٱللَّهِ ٱلۡمُوقَدَةُ

Umenewu ndi Moto wa Allah woyaka (nthawi zonse, woononga chilichonse choponyedwa mmenemo).

ߟߝߊߙߌ ߘߏ߫: 7

ٱلَّتِي تَطَّلِعُ عَلَى ٱلۡأَفۡـِٔدَةِ

Umene umakwera mpaka ku mtima.^[484]

[484] Moto umenewu, sukapsereza kunja kokha, ukapsereza mpaka ndi mu mtima momwe.

ߟߝߊߙߌ ߘߏ߫: 8

إِنَّهَا عَلَيۡهِم مُّؤۡصَدَةٞ

Ndithu motowo ukawazinga (ndi kuwatsekera makomo).

ߟߝߊߙߌ ߘߏ߫: 9

فِي عَمَدٖ مُّمَدَّدَةِۭ

Munsanamira za zitalizitali (kotero kuti sakatha kugwedezeka mmenemo kapena kupulumuka).