ߞߘߐ ߟߎ߬ ߘߟߊߡߌ߬ߘߊ߬ߟߌ ߝߐߘߊ ߘߏ߫ ߛߎ߬ߡߎ߲߬ߕߟߋ ߝߐߘߊ - ߛ߭ߌߛ߭ߌߦߏߥߊߞߊ߲ ߘߟߊߡߌߘߊ - ߞߎ߬ߙߣߊ߬ ߞߟߊߒߞߋ ߔߘߋߞߎ

ߛߎ߬ߡߎ߲߬ߕߟߋ ߝߐߘߊ

ߟߝߊߙߌ ߘߏ߫: 1

وَٱلضُّحَىٰ

Ndikulumbilira mmawa dzuwa litakwera (imene ili nthawi yantchito),

ߟߝߊߙߌ ߘߏ߫: 2

وَٱلَّيۡلِ إِذَا سَجَىٰ

Ndi usiku pamene ukuvindikira.

ߟߝߊߙߌ ߘߏ߫: 3

مَا وَدَّعَكَ رَبُّكَ وَمَا قَلَىٰ

Sadakusiye Mbuye wako (iwe Mneneri) (s.a.w) ndiponso sadakude.^[452]

[452] M’masiku oyamba pa chiyambi cha Usilamu, padapita masiku angapo Mtumiki (s.a.w) osamutsikira chivumbulutso. Iye poona izi adali kukaika ndi kudandaula kwakukulu, nao okanira a pa Makka adali kumchita chipongwe. Adali kumunena kuti: “Kodi Mbuye wako wakusiya kapena wakukwiira?’’ Basi apa Allah akumutonthoza Mneneri Wake, pamodzi ndi kuwayankha okanira aja kuti: “Sadamusiye ndipo sadakwiye naye.”

ߟߝߊߙߌ ߘߏ߫: 4

وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ

Ndithu moyo watsiku lirimkudza ndi wabwino kwa iwe kuposa umoyo woyambawu.

ߟߝߊߙߌ ߘߏ߫: 5

وَلَسَوۡفَ يُعۡطِيكَ رَبُّكَ فَتَرۡضَىٰٓ

Ndithu posachedwapa akupatsa Mbuye wako (zabwino zamdziko lapansi ndi tsiku lachimaliziro) ndipo ukondwera.^[453]

[453] Zopatsidwa zomwe adalonjezedwa apa ndi Allah, ndi zapadziko mpaka kumwamba (Akhera). Padziko lapansi adampatsa chilichonse chimene adali kuchilakalaka monga kuwaongola anthu ake, kuchilemekeza chipembedzo chake ndi kuwagonjetsa adani ake. Zonsezi Allah adamchitira mnyengo yochepa modabwitsa.

ߟߝߊߙߌ ߘߏ߫: 6

أَلَمۡ يَجِدۡكَ يَتِيمٗا فَـَٔاوَىٰ

Kodi sadakupeze uli wa masiye ndipo adakupatsa pokhala pabwino?

ߟߝߊߙߌ ߘߏ߫: 7

وَوَجَدَكَ ضَآلّٗا فَهَدَىٰ

Ndipo adakupeza uli wosazindikira (Qur’an) nakuongola (pokuzindikiritsa Qur’aniyo ndi malamulo a chipembedzo)?^[454]

[454] Mneneri Muhammad (s.a.w) asanapatsidwe uneneri wake ndi Allah anali kudandaula kwambiri poona anthu ake ali osokera ndiponso poona kuti iye sadali kudziwa momwe angawaongolere. Pambuyo pake adali kumapita ku mapiri amene adali pafupi ndi mzinda wa Makka. Kumeneko adali kupemphera ndi kumalingalira ndi kupempha Allah kuti amusonyeze njira yachiongoko.

ߟߝߊߙߌ ߘߏ߫: 8

وَوَجَدَكَ عَآئِلٗا فَأَغۡنَىٰ

Ndiponso adakupeza uli wosauka nakulemeretsa?

ߟߝߊߙߌ ߘߏ߫: 9

فَأَمَّا ٱلۡيَتِيمَ فَلَا تَقۡهَرۡ

Basi, wamasiye usamchitire nkhanza.

ߟߝߊߙߌ ߘߏ߫: 10

وَأَمَّا ٱلسَّآئِلَ فَلَا تَنۡهَرۡ

Ndiponso wopempha usamukalipire.

ߟߝߊߙߌ ߘߏ߫: 11

وَأَمَّا بِنِعۡمَةِ رَبِّكَ فَحَدِّثۡ

Tsono mtendere wa Mbuye wako uwutchule (pothokoza ndi kugwira ntchito zabwino).