ترجمهٔ معانی سوره سوره علق - ترجمه ى پشتو - دایرة المعارف قرآن کریم

العلق

آیه: 1

اِقْرَاْ بِاسْمِ رَبِّكَ الَّذِیْ خَلَقَ ۟ۚ

96-1 ته د خپل هغه رب په نامه سره ولوله چې پیدا كړي يې دي (ټول مخلوقات)

آیه: 2

خَلَقَ الْاِنْسَانَ مِنْ عَلَقٍ ۟ۚ

96-2 ده انسان له پرنې (ټوټې) وینې نه پیدا كړى دى

آیه: 3

اِقْرَاْ وَرَبُّكَ الْاَكْرَمُ ۟ۙ

96-3 ته ولوله، په داسې حال كې چې ستا رب تر ټولو لوى كریم دى

آیه: 4

الَّذِیْ عَلَّمَ بِالْقَلَمِ ۟ۙ

96-4 هغه چې په قلم سره يې ښوونه كړې ده

آیه: 5

عَلَّمَ الْاِنْسَانَ مَا لَمْ یَعْلَمْ ۟ؕ

96-5 انسان ته يې هغه څه ښودلي دي چې دى پرې نه پوهېده

آیه: 6

كَلَّاۤ اِنَّ الْاِنْسَانَ لَیَطْغٰۤی ۟ۙ

96-6 حقه دا خبره ده چې یقینًا انسان خامخا سركشي كوي

آیه: 7

اَنْ رَّاٰهُ اسْتَغْنٰی ۟ؕ

96-7 په دې وجه چې دى خپل ځان ویني چې دى بې پروا (بې حاجته) شو

آیه: 8

اِنَّ اِلٰی رَبِّكَ الرُّجْعٰی ۟ؕ

96-8 بېشكه خاص ستا رب ته بېرته ورتلل دي

آیه: 9

اَرَءَیْتَ الَّذِیْ یَنْهٰی ۟ۙ

96-9 ته ما ته خبر راكړه د هغه كس چې منع كوي

آیه: 10

عَبْدًا اِذَا صَلّٰی ۟ؕ

96-10 بنده (محمدﷺ) لره كله چې دى لمونځ كوي

آیه: 11

اَرَءَیْتَ اِنْ كَانَ عَلَی الْهُدٰۤی ۟ۙ

96-11 ته ما ته خبر راكړه كه چېرې دغه (بنده) په هدایت وي

آیه: 12

اَوْ اَمَرَ بِالتَّقْوٰی ۟ؕ

96-12 یا په تقوٰی (پرهېزګارۍ) سره حكم كوي

آیه: 13

اَرَءَیْتَ اِنْ كَذَّبَ وَتَوَلّٰی ۟ؕ

96-13 ته ما ته خبر راكړه كه دغه (منع كوونكى) تكذیب كوي او (له حق نه) مخ اړوي

آیه: 14

اَلَمْ یَعْلَمْ بِاَنَّ اللّٰهَ یَرٰی ۟ؕ

96-14 ایا دى نه پوهېږي چې بېشكه الله ویني؟

آیه: 15

كَلَّا لَىِٕنْ لَّمْ یَنْتَهِ ۙ۬— لَنَسْفَعًا بِالنَّاصِیَةِ ۟ۙ

96-15 داسې نه ده! قسم دى كه دى منع نشو، (نو) مونږ به (دى) خامخا ضرور ډېر سخت راكاږو د تندي (وچولي) په وېښتانو سره

آیه: 16

نَاصِیَةٍ كَاذِبَةٍ خَاطِئَةٍ ۟ۚ

96-16 داسې تندى چې دروغجن (او) خطا كار دى

آیه: 17

فَلْیَدْعُ نَادِیَهٗ ۟ۙ

96-17 نو دى دې خپل مجلس والا راوبلي

آیه: 18

سَنَدْعُ الزَّبَانِیَةَ ۟ۙ

96-18 ژر ده چې مونږ به ډېر سخت تند خویه ملايك راوبلو

آیه: 19

كَلَّا ؕ— لَا تُطِعْهُ وَاسْجُدْ وَاقْتَرِبْ ۟

96-19 داسې نه ده ته د ده خبره مه منه، او (الله ته) سجده كوه او (الله ته) ښه نژدې شه