Tradução dos significados Surah Suratu As-Saffat - Tradução para a língua chachio - Enciclopédia do Nobre Qur’an

Suratu As-Saffat

Versículo: 1

وَٱلصَّٰٓفَّٰتِ صَفّٗا

Ndikulumbira (angelo) amene amandanda m’mizere yondondozana, (popembedza ndi kugonjera Mbuye wawo).

Versículo: 2

فَٱلزَّٰجِرَٰتِ زَجۡرٗا

Ndi omwe amaletsa zoipa.

Versículo: 3

فَٱلتَّٰلِيَٰتِ ذِكۡرًا

Ndi omwe amalalika ulaliki (wa Allah ndi kumtamanda mochulukira).

Versículo: 4

إِنَّ إِلَٰهَكُمۡ لَوَٰحِدٞ

Ndithu Mulungu wanu ndi mmodzi basi.

Versículo: 5

رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ

Mbuye wathambo ndi nthaka, ndi zapakati pake; ndiponso Mbuye wa kuvuma konse.

Versículo: 6

إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ

Ndithu tidalikongoletsa thambo lapafupi (ndi inu) ndi chokongoletsa cha nyenyezi (zowala).

Versículo: 7

وَحِفۡظٗا مِّن كُلِّ شَيۡطَٰنٖ مَّارِدٖ

Ndi kuti lisungidwe ku satana aliyense wogalukira (lamulo la Allah).

Versículo: 8

لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٖ

Kuti asamvere (zomwe zikunenedwa ndi) gulu lolemekezeka (la angelo). Ndipo akugendedwa (ndi kupirikitsidwa) mbali zonse.

Versículo: 9

دُحُورٗاۖ وَلَهُمۡ عَذَابٞ وَاصِبٌ

Kuthamangitsidwa mwamphamvu; ndipo chilango chonkerankera patsogolo chili pa iwo.

Versículo: 10

إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٞ ثَاقِبٞ

Kupatula amene wazembetsa mawu (akumwamba), ndipo chikumtsatira iye chenje cha moto chowala kwambiri.

Versículo: 11

فَٱسۡتَفۡتِهِمۡ أَهُمۡ أَشَدُّ خَلۡقًا أَم مَّنۡ خَلَقۡنَآۚ إِنَّا خَلَقۡنَٰهُم مِّن طِينٖ لَّازِبِۭ

Tawafunsa (otsutsa zouka ku imfa): “Kodi iwo ngovuta kuwalenga kuposa zimene tidalenga, (monga: thambo, nthaka, nyenyezi ndi zina zotere)?” Ndithu Ife tidawalenga kuchokera ku dongo lonyata.

Versículo: 12

بَلۡ عَجِبۡتَ وَيَسۡخَرُونَ

Koma iwe (Mneneri) ukudabwa (za kutsutsa kwawo kuuka ku imfa pomwe zisonyezo zilipo zambirimbiri), ndipo akukuchitira chipongwe (kudabwa kwako).

Versículo: 13

وَإِذَا ذُكِّرُواْ لَا يَذۡكُرُونَ

Ndipo akalalikiridwa, salalikirika.

Versículo: 14

وَإِذَا رَأَوۡاْ ءَايَةٗ يَسۡتَسۡخِرُونَ

Ndipo akachiona chisonyezo (chosonyeza kukhoza kwa Allah,) amachichitira chipongwe.

Versículo: 15

وَقَالُوٓاْ إِنۡ هَٰذَآ إِلَّا سِحۡرٞ مُّبِينٌ

Ndipo osakhulupirira amanena: “Palibe chilipo apa, koma ndi matsenga woonekera poyera.”

Versículo: 16

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

“Kodi tikadzafa ndi kusanduka fumbi ndi mafupa, tidzatulutsidwanso (kuchokera m’manda tili amoyo)?”

Versículo: 17

أَوَءَابَآؤُنَا ٱلۡأَوَّلُونَ

“Pamodzi ndi makolo athu akale?”

Versículo: 18

قُلۡ نَعَمۡ وَأَنتُمۡ دَٰخِرُونَ

Nena (iwe Mneneri): “Inde (mudzaukitsidwa inu pamodzi ndi makolo anu) uku inu muli onyozeka.”

Versículo: 19

فَإِنَّمَا هِيَ زَجۡرَةٞ وَٰحِدَةٞ فَإِذَا هُمۡ يَنظُرُونَ

Ndithu (kuukako) ndimkuwe umodzi adzangodzidzimuka ali moyo, akuyang’ana.

Versículo: 20

وَقَالُواْ يَٰوَيۡلَنَا هَٰذَا يَوۡمُ ٱلدِّينِ

Ndipo adzanena (okanawo): “Kalanga ife! Kuonongeka nkwathu! Ili nditsiku lija lamalipiro!”

Versículo: 21

هَٰذَا يَوۡمُ ٱلۡفَصۡلِ ٱلَّذِي كُنتُم بِهِۦ تُكَذِّبُونَ

(Adzawauza): “Ili nditsiku la chiweruziro lomwe mumalitsutsa lija.”

Versículo: 22

۞ ٱحۡشُرُواْ ٱلَّذِينَ ظَلَمُواْ وَأَزۡوَٰجَهُمۡ وَمَا كَانُواْ يَعۡبُدُونَ

(Kudzanenedwa kwa angelo): “Asonkhanitseni amene adali osalungama pamodzi ndi akazi awo (okana Allah) ndi milungu yawo imene amaipembedza,”

Versículo: 23

مِن دُونِ ٱللَّهِ فَٱهۡدُوهُمۡ إِلَىٰ صِرَٰطِ ٱلۡجَحِيمِ

“Kusiya Allah, ndipo asonyezeni njira ya ku Jahannam.”

Versículo: 24

وَقِفُوهُمۡۖ إِنَّهُم مَّسۡـُٔولُونَ

“Koma aimikeni pano chifukwa iwo afunsidwa (za chikhulupiliro chawo ndi zochita zawo):”

Versículo: 25

مَا لَكُمۡ لَا تَنَاصَرُونَ

“Kodi nchifukwa ninji inu (opembedza mafano) simukupulumutsana (monga mumanenera pa dziko lapansi kuti mudzapulumutsana)?”

Versículo: 26

بَلۡ هُمُ ٱلۡيَوۡمَ مُسۡتَسۡلِمُونَ

Koma iwo pa tsikulo adzagonjera ndi kudzipereka (ku lamulo la Allah).

Versículo: 27

وَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ

Ndipo adzatembenukirana ndi kuyamba kufunsana (ndi kudzudzulana).

Versículo: 28

قَالُوٓاْ إِنَّكُمۡ كُنتُمۡ تَأۡتُونَنَا عَنِ ٱلۡيَمِينِ

Ndipo (ofooka) adzanena (kwa odzikweza): “Inu mumatidzera kumbali komwe timakuganizira kuti nkwabwino (ndi kutichotsako kunka nafe ku njira yopotoka).

Versículo: 29

قَالُواْ بَل لَّمۡ تَكُونُواْ مُؤۡمِنِينَ

(Odzikweza) adzayankha: “Koma simudali okhulupirira.”

Versículo: 30

وَمَا كَانَ لَنَا عَلَيۡكُم مِّن سُلۡطَٰنِۭۖ بَلۡ كُنتُمۡ قَوۡمٗا طَٰغِينَ

“Ndipo tidalibe nyonga zokuponderezerani inu, koma mudali anthu opyola malire (ndi kutuluka ku choonadi cha Allah).”

Versículo: 31

فَحَقَّ عَلَيۡنَا قَوۡلُ رَبِّنَآۖ إِنَّا لَذَآئِقُونَ

“Choncho mawu a Mbuye wathu (onena za chilango) atsimikizika pa ife; ndithu ife tichilawa (chilango).”

Versículo: 32

فَأَغۡوَيۡنَٰكُمۡ إِنَّا كُنَّا غَٰوِينَ

“Tidakusokeretsani; nafenso tidali osokera. (Choncho musatidzudzule).”

Versículo: 33

فَإِنَّهُمۡ يَوۡمَئِذٖ فِي ٱلۡعَذَابِ مُشۡتَرِكُونَ

Ndithu iwo akathandizana chilango tsiku limenelo (la chiweruziro).

Versículo: 34

إِنَّا كَذَٰلِكَ نَفۡعَلُ بِٱلۡمُجۡرِمِينَ

Ndithu (chilango chonga chimenecho) ndimomwe timawachitira olakwira (Allah).

Versículo: 35

إِنَّهُمۡ كَانُوٓاْ إِذَا قِيلَ لَهُمۡ لَآ إِلَٰهَ إِلَّا ٱللَّهُ يَسۡتَكۡبِرُونَ

Ndithu iwo ankati akauzidwa kuti palibe wopembedzedwa mwa choonadi koma Allah ankadzitukumula.

Versículo: 36

وَيَقُولُونَ أَئِنَّا لَتَارِكُوٓاْ ءَالِهَتِنَا لِشَاعِرٖ مَّجۡنُونِۭ

Ndipo ankanena: “Kodi ife tisiye kupembedza milungu yathu chifukwa cha zonena za mlakatuli, wopenga?”

Versículo: 37

بَلۡ جَآءَ بِٱلۡحَقِّ وَصَدَّقَ ٱلۡمُرۡسَلِينَ

Iyayi koma adawadzera ndi choonadi (Mthenga wawo Muhammad yemwe siwamisala kapena wolakatula zopeka) ndipo adawatsimikizira za atumiki.

Versículo: 38

إِنَّكُمۡ لَذَآئِقُواْ ٱلۡعَذَابِ ٱلۡأَلِيمِ

Ndithu inu (osakhulupirira) mudzalawa chilango chowawa.

Versículo: 39

وَمَا تُجۡزَوۡنَ إِلَّا مَا كُنتُمۡ تَعۡمَلُونَ

Ndipo simudzalipidwa kupatula zokhazo zimene mumachita.

Versículo: 40

إِلَّا عِبَادَ ٱللَّهِ ٱلۡمُخۡلَصِينَ

Kupatula akapolo a Allah oyeretsedwa.

Versículo: 41

أُوْلَٰٓئِكَ لَهُمۡ رِزۡقٞ مَّعۡلُومٞ

Kwa iwo kuli zopatsidwa zodziwika (ndi Mbuye wawo Allah),

Versículo: 42

فَوَٰكِهُ وَهُم مُّكۡرَمُونَ

Zipatso (zamtundu uliwonse); ndipo iwo adzalandira ulemu (waukulu),

Versículo: 43

فِي جَنَّٰتِ ٱلنَّعِيمِ

M’minda ya mtendere.

Versículo: 44

عَلَىٰ سُرُرٖ مُّتَقَٰبِلِينَ

Adzakhala pa makama (a mtengo wapatali) uku akuyang’anizana.

Versículo: 45

يُطَافُ عَلَيۡهِم بِكَأۡسٖ مِّن مَّعِينِۭ

Uku zikuwazungulira zikho zodzazidwa ndi zakumwa zochokera m’kasupe woyenda nthawi zonse.

Versículo: 46

بَيۡضَآءَ لَذَّةٖ لِّلشَّٰرِبِينَ

Woyera, wokoma kwa akumwa (zakumwazo).

Versículo: 47

لَا فِيهَا غَوۡلٞ وَلَا هُمۡ عَنۡهَا يُنزَفُونَ

(M’zakumwazo) mulibe zopweteketsa mutu (kwa ozimwa) ndiponso iwo sadzaledzera nazo.

Versículo: 48

وَعِندَهُمۡ قَٰصِرَٰتُ ٱلطَّرۡفِ عِينٞ

Ndipo kwa iwo kudzakhala akazi oyang’ana iwo okha, ophanuka maso (okongola).

Versículo: 49

كَأَنَّهُنَّ بَيۡضٞ مَّكۡنُونٞ

Onga ngati dzira (la nthiwatiwa) losungidwa (m’mapiko).

Versículo: 50

فَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ

Ndipo adzayang’anizana ndi kuyamba kufunsana (pakati pawo.)

Versículo: 51

قَالَ قَآئِلٞ مِّنۡهُمۡ إِنِّي كَانَ لِي قَرِينٞ

Adzanena wonena mmodzi wa iwo: “Ine ndidali ndi mnzanga (wopembedza mafano amene amatsutsana nane za chipembedzo ndi zophunzitsa za Qur’an yolemekezeka).”

Versículo: 52

يَقُولُ أَءِنَّكَ لَمِنَ ٱلۡمُصَدِّقِينَ

Yemwe amandiuza: “Kodi iwe ndiwe mmodzi wa ovomereza?”

Versículo: 53

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَدِينُونَ

“Zakuti tikadzafa ndi kusanduka fumbi ndi mafupa, (tidzaukanso) ndi kulandira malipiro (pa zochita zathu)?”

Versículo: 54

قَالَ هَلۡ أَنتُم مُّطَّلِعُونَ

(Wokhulupirira) adzanena (kwa anzake: “Inu anthu a kumtendere) kodi simungasuzumire (nane ku moto kuti timuone)?”

Versículo: 55

فَٱطَّلَعَ فَرَءَاهُ فِي سَوَآءِ ٱلۡجَحِيمِ

Choncho adzayang’ana ndipo adzamuona ali mkatikati mwa moto.

Versículo: 56

قَالَ تَٱللَّهِ إِن كِدتَّ لَتُرۡدِينِ

Adzanena: “Ndikulumbilira Allah! Udatsala pang’ono kuti undiononge (ndikadakuvomera paja pa dziko lapansi).”

Versículo: 57

وَلَوۡلَا نِعۡمَةُ رَبِّي لَكُنتُ مِنَ ٱلۡمُحۡضَرِينَ

“Ndipo pakadapanda chisomo cha Mbuye wanga, ndikadakhala mmodzi mwa opezeka ku Moto.”

Versículo: 58

أَفَمَا نَحۡنُ بِمَيِّتِينَ

“Kodi zili choncho kuti sitidzafanso (tizingosangalala m’Munda wamtendere).”

Versículo: 59

إِلَّا مَوۡتَتَنَا ٱلۡأُولَىٰ وَمَا نَحۡنُ بِمُعَذَّبِينَ

“Kupatula imfa yathu yoyamba ija, ndi kutinso ife sitilangidwa?”

Versículo: 60

إِنَّ هَٰذَا لَهُوَ ٱلۡفَوۡزُ ٱلۡعَظِيمُ

Ndithu izi (zimene Allah waika m’Munda wamtendere) ndiko kupambana kwakukulu.

Versículo: 61

لِمِثۡلِ هَٰذَا فَلۡيَعۡمَلِ ٱلۡعَٰمِلُونَ

(Pofuna kupeza) zonga zimenezi ogwira ntchito agwire.

Versículo: 62

أَذَٰلِكَ خَيۡرٞ نُّزُلًا أَمۡ شَجَرَةُ ٱلزَّقُّومِ

Kodi zimenezo ndilo phwando labwino kapena mtengo wa Zaqqum (wowawa kwambiri womwe anthu a ku Moto azikadya)?

Versículo: 63

إِنَّا جَعَلۡنَٰهَا فِتۡنَةٗ لِّلظَّٰلِمِينَ

Ndithu Ife taupanga (mtengo umenewu) kukhala mayeso ndi chilango cha anthu ochimwa (podzichitira okha chinyengo ndi kupembedza mafano.)

Versículo: 64

إِنَّهَا شَجَرَةٞ تَخۡرُجُ فِيٓ أَصۡلِ ٱلۡجَحِيمِ

Umenewu ndimtengo omwe umatuluka pakatikati pa Jahannam (adaulenga kuchokera ku Moto).

Versículo: 65

طَلۡعُهَا كَأَنَّهُۥ رُءُوسُ ٱلشَّيَٰطِينِ

Zipatso zake (nzoipa) ngati mitu ya asatana.

Versículo: 66

فَإِنَّهُمۡ لَأٓكِلُونَ مِنۡهَا فَمَالِـُٔونَ مِنۡهَا ٱلۡبُطُونَ

Ndithu iwo akadya mtengowo ndi kudzaza mimba zawo ndi zipatso zake (pakuti sakapeza chakudya china kupatula zipatso za mtengowo).

Versículo: 67

ثُمَّ إِنَّ لَهُمۡ عَلَيۡهَا لَشَوۡبٗا مِّنۡ حَمِيمٖ

Kenako, ndithu kuwawa kwa mtengowo kosakanikirana ndi madzi owira kuzakhala pa iwo.

Versículo: 68

ثُمَّ إِنَّ مَرۡجِعَهُمۡ لَإِلَى ٱلۡجَحِيمِ

Kenako ndithu kobwerera kwawo ndi ku Jahannam.

Versículo: 69

إِنَّهُمۡ أَلۡفَوۡاْ ءَابَآءَهُمۡ ضَآلِّينَ

Ndithu iwo adapeza makolo awo ali osokera.

Versículo: 70

فَهُمۡ عَلَىٰٓ ءَاثَٰرِهِمۡ يُهۡرَعُونَ

Ndipo iwonso adatsata mapazi awo mothamanga.

Versículo: 71

وَلَقَدۡ ضَلَّ قَبۡلَهُمۡ أَكۡثَرُ ٱلۡأَوَّلِينَ

Ndipo, ndithu akale ambiri adasokera patsogolo pawo.

Versículo: 72

وَلَقَدۡ أَرۡسَلۡنَا فِيهِم مُّنذِرِينَ

Ndipo, ndithu tidatuma achenjezi kwa iwo.

Versículo: 73

فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ

Tapenya momwe adalili mapeto a omwe adachenjezedwa.

Versículo: 74

إِلَّا عِبَادَ ٱللَّهِ ٱلۡمُخۡلَصِينَ

Kupatula akapolo a Allah, oyeretsedwa (iwo ndiwo anthu a ku Munda wamtendere).

Versículo: 75

وَلَقَدۡ نَادَىٰنَا نُوحٞ فَلَنِعۡمَ ٱلۡمُجِيبُونَ

Ndithu Nuh adatiitana, (ndipo tidamuyankha mayankho abwino), taonani kukhala bwino Ife Oyankha.

Versículo: 76

وَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ

Ndipo tidampulumutsa iye ndi anthu ake ku vuto lalikulu.

Versículo: 77

وَجَعَلۡنَا ذُرِّيَّتَهُۥ هُمُ ٱلۡبَاقِينَ

Ndipo tidazichita zidzukulu zake kukhala zotsala (pa dziko, oipa ataonongeka).

Versículo: 78

وَتَرَكۡنَا عَلَيۡهِ فِي ٱلۡأٓخِرِينَ

Ndipo tidamsiira mbiri yabwino kwa mibadwo yodza pambuyo pake.

Versículo: 79

سَلَٰمٌ عَلَىٰ نُوحٖ فِي ٱلۡعَٰلَمِينَ

Mtendere ukhale pa Nuh pa zolengedwa zonse.

Versículo: 80

إِنَّا كَذَٰلِكَ نَجۡزِي ٱلۡمُحۡسِنِينَ

Ndithu umu ndimomwe Ife tilipirira ochita zabwino.

Versículo: 81

إِنَّهُۥ مِنۡ عِبَادِنَا ٱلۡمُؤۡمِنِينَ

Ndithu iye ndi mmodzi mwa akapolo Athu okhulupirira.

Versículo: 82

ثُمَّ أَغۡرَقۡنَا ٱلۡأٓخَرِينَ

Kenako tidawamiza enawo.

Versículo: 83

۞ وَإِنَّ مِن شِيعَتِهِۦ لَإِبۡرَٰهِيمَ

Ndipo ndithu m’gulu lake (la Nuh) muli Ibrahim.

Versículo: 84

إِذۡ جَآءَ رَبَّهُۥ بِقَلۡبٖ سَلِيمٍ

Kumbuka pamene adadza kwa Mbuye wake ndi mtima wabwino (wogonjera malamulo).

Versículo: 85

إِذۡ قَالَ لِأَبِيهِ وَقَوۡمِهِۦ مَاذَا تَعۡبُدُونَ

Pomwe adanena kwa bambo wake ndi anthu ake: “Mukupembedza chiyani?”

Versículo: 86

أَئِفۡكًا ءَالِهَةٗ دُونَ ٱللَّهِ تُرِيدُونَ

“Ha! Milungu yopeka kusiya Allah, ndi imene mukuifuna?”

Versículo: 87

فَمَا ظَنُّكُم بِرَبِّ ٱلۡعَٰلَمِينَ

“Kodi maganizo anu ngotani pa Mbuye wa zolengedwa zonse?”

Versículo: 88

فَنَظَرَ نَظۡرَةٗ فِي ٱلنُّجُومِ

Ndipo adayang’ana nyenyezi mozama.

Versículo: 89

فَقَالَ إِنِّي سَقِيمٞ

Ndipo adanena: “Ine ndine wodwala!”

Versículo: 90

فَتَوَلَّوۡاْ عَنۡهُ مُدۡبِرِينَ

Choncho iwo adatembenuka ndi kumsiya.

Versículo: 91

فَرَاغَ إِلَىٰٓ ءَالِهَتِهِمۡ فَقَالَ أَلَا تَأۡكُلُونَ

(Ibrahim) adapita mozemba ku mafano awo, ndipo adawauza (mwachipongwe:) “Bwanji simukudya (chakudya chomwe chaikidwa patsogolo panupo)?”

Versículo: 92

مَا لَكُمۡ لَا تَنطِقُونَ

“Bwanji simukuyankhula?”

Versículo: 93

فَرَاغَ عَلَيۡهِمۡ ضَرۡبَۢا بِٱلۡيَمِينِ

Atatero adawatembenukira ndi kuwamenya (mwamphamvu) ndi dzanja lamanja.

Versículo: 94

فَأَقۡبَلُوٓاْ إِلَيۡهِ يَزِفُّونَ

(Pamene adamva eni mafanowo) adadza kwa iye akuthamanga.

Versículo: 95

قَالَ أَتَعۡبُدُونَ مَا تَنۡحِتُونَ

Anati: “Kodi mukupembedza (miyala) imene mwasema?”

Versículo: 96

وَٱللَّهُ خَلَقَكُمۡ وَمَا تَعۡمَلُونَ

“Chikhalirecho Allah ndiye adakulengani ndi zimene mukuchita!”

Versículo: 97

قَالُواْ ٱبۡنُواْ لَهُۥ بُنۡيَٰنٗا فَأَلۡقُوهُ فِي ٱلۡجَحِيمِ

Iwo adati: “Mmangireni ng’anjo, ndipo mponyeni m’motowo.”

Versículo: 98

فَأَرَادُواْ بِهِۦ كَيۡدٗا فَجَعَلۡنَٰهُمُ ٱلۡأَسۡفَلِينَ

Adafuna kumchita chiwembu (kuti amuphe ndi moto), koma tidawachita kukhala onyozeka.

Versículo: 99

وَقَالَ إِنِّي ذَاهِبٌ إِلَىٰ رَبِّي سَيَهۡدِينِ

Ndipo (Ibrahim) adati: “Ndithu ine ndikupita kwa Mbuye wanga, Iye andiongolera.”

Versículo: 100

رَبِّ هَبۡ لِي مِنَ ٱلصَّٰلِحِينَ

“E Mbuye wanga! Ndipatseni mwana yemwe adzakhale (mmodzi) mwa olungama!”

Versículo: 101

فَبَشَّرۡنَٰهُ بِغُلَٰمٍ حَلِيمٖ

Ndipo tidamuuza nkhani yabwino ya mwana wofatsa, (mwanayo ndi Ismaila).

Versículo: 102

فَلَمَّا بَلَغَ مَعَهُ ٱلسَّعۡيَ قَالَ يَٰبُنَيَّ إِنِّيٓ أَرَىٰ فِي ٱلۡمَنَامِ أَنِّيٓ أَذۡبَحُكَ فَٱنظُرۡ مَاذَا تَرَىٰۚ قَالَ يَٰٓأَبَتِ ٱفۡعَلۡ مَا تُؤۡمَرُۖ سَتَجِدُنِيٓ إِن شَآءَ ٱللَّهُ مِنَ ٱلصَّٰبِرِينَ

Ndipo (adabadwa ndi kuyamba kukula.) Pamene adakwana nsinkhu woyenda pamodzi ndi tate wake pochitachita za m’dziko (Ibrahim adayesedwa mayeso kupyolera m’maloto omwe adalota). Adati: “E mwana wanga! Ine kutulo ndikuona maloto (owona ochokera kwa Allah omwe akundilamula) kuti ndikuzinge (monga nsembe yopereka kwa Allah). Nanga ukuti bwanji?” (Mwana wabwino) adanena: “Bambo wanga! Kwaniritsani chimene mukulamulidwa. Ngati Allah afuna, mundipeza ndili mmodzi mwa opirira.”

Versículo: 103

فَلَمَّآ أَسۡلَمَا وَتَلَّهُۥ لِلۡجَبِينِ

Pamene adagonjera onse awiri (chofuna cha Allah), ndipo (Ibrahim) adam’goneka chakumphumi (ndipo adatsimikiza kumupha).

Versículo: 104

وَنَٰدَيۡنَٰهُ أَن يَٰٓإِبۡرَٰهِيمُ

Ndipo tidamuitana: “E iwe Ibrahim!”

Versículo: 105

قَدۡ صَدَّقۡتَ ٱلرُّءۡيَآۚ إِنَّا كَذَٰلِكَ نَجۡزِي ٱلۡمُحۡسِنِينَ

“Ndithu wavomereza maloto! (Choncho usamuphe mwana wakoyo).” Umo ndi momwe timawalipirira ochita zabwino.

Versículo: 106

إِنَّ هَٰذَا لَهُوَ ٱلۡبَلَٰٓؤُاْ ٱلۡمُبِينُ

Ndithu amenewa ndimayeso oonekera.

Versículo: 107

وَفَدَيۡنَٰهُ بِذِبۡحٍ عَظِيمٖ

Ndipo tidampulumutsa pompatsa nyama yayikulu (yoti apereke nsembe).

Versículo: 108

وَتَرَكۡنَا عَلَيۡهِ فِي ٱلۡأٓخِرِينَ

Ndipo tidamsiira (mbiri yabwino) kwa anthu ena (amene adadza pambuyo pake).

Versículo: 109

سَلَٰمٌ عَلَىٰٓ إِبۡرَٰهِيمَ

Mtendere ukhale pa Ibrahim!

Versículo: 110

كَذَٰلِكَ نَجۡزِي ٱلۡمُحۡسِنِينَ

M’menemo ndi mornwe timawalipirira ochita zabwino.

Versículo: 111

إِنَّهُۥ مِنۡ عِبَادِنَا ٱلۡمُؤۡمِنِينَ

Ndithu iye adali mmodzi mwa akapolo Athu okhulupirira.

Versículo: 112

وَبَشَّرۡنَٰهُ بِإِسۡحَٰقَ نَبِيّٗا مِّنَ ٱلصَّٰلِحِينَ

Ndiponso tidamuuza nkhani yabwino (yoti akhala ndi mwana wotchedwa) Isihaqa; mneneri; wam’gulu la olungama.

Versículo: 113

وَبَٰرَكۡنَا عَلَيۡهِ وَعَلَىٰٓ إِسۡحَٰقَۚ وَمِن ذُرِّيَّتِهِمَا مُحۡسِنٞ وَظَالِمٞ لِّنَفۡسِهِۦ مُبِينٞ

Ndipo tidamdalitsa iye ndi (mwana wake) Isihaqa; ndipo m’mbumba ya awiriwa mudapezeka abwino ndi odzichitira zoipa owonekera.

Versículo: 114

وَلَقَدۡ مَنَنَّا عَلَىٰ مُوسَىٰ وَهَٰرُونَ

Ndipo ndithu tidawachitira zabwino Mûsa ndi Haruna, (powapatsa uneneri ndi madalitso ambiri).

Versículo: 115

وَنَجَّيۡنَٰهُمَا وَقَوۡمَهُمَا مِنَ ٱلۡكَرۡبِ ٱلۡعَظِيمِ

Ndipo tidawapulumutsa (awiriwa) ndi anthu awo ku vuto lalikulu.

Versículo: 116

وَنَصَرۡنَٰهُمۡ فَكَانُواْ هُمُ ٱلۡغَٰلِبِينَ

Ndipo tidawathangata (powagonjetsera adani awo), ndipo iwo adali opambana.

Versículo: 117

وَءَاتَيۡنَٰهُمَا ٱلۡكِتَٰبَ ٱلۡمُسۡتَبِينَ

Ndipo tidawapatsa (Mûsa ndi Haruna) buku losonyeza poyera (malamulo).

Versículo: 118

وَهَدَيۡنَٰهُمَا ٱلصِّرَٰطَ ٱلۡمُسۡتَقِيمَ

Ndipo tidawaongolera ku njira yolunjika.

Versículo: 119

وَتَرَكۡنَا عَلَيۡهِمَا فِي ٱلۡأٓخِرِينَ

Ndiponso tidawasiira (mbiri yabwino) kwa anthu ena (amene adadza pambuyo pawo).

Versículo: 120

سَلَٰمٌ عَلَىٰ مُوسَىٰ وَهَٰرُونَ

Mtendere ukhale pa Mûsa ndi Haruna!

Versículo: 121

إِنَّا كَذَٰلِكَ نَجۡزِي ٱلۡمُحۡسِنِينَ

Ndithu umu ndi momwe Ife timawalipirira ochita zabwino.

Versículo: 122

إِنَّهُمَا مِنۡ عِبَادِنَا ٱلۡمُؤۡمِنِينَ

Ndithu awiriwa adali m’gulu la akapoio Athu okhulupirira.

Versículo: 123

وَإِنَّ إِلۡيَاسَ لَمِنَ ٱلۡمُرۡسَلِينَ

Ndipo ndithu Iliyasa ndi mmodzi wa atumiki.

Versículo: 124

إِذۡ قَالَ لِقَوۡمِهِۦٓ أَلَا تَتَّقُونَ

(Kumbuka) pamene adanena kwa anthu ake: “Bwanji simuopa (Allah)?”

Versículo: 125

أَتَدۡعُونَ بَعۡلٗا وَتَذَرُونَ أَحۡسَنَ ٱلۡخَٰلِقِينَ

“Mukupembedza (fano lotchedwa) Ba’la ndi kusiya (kupembedza) Wabwino zedi mwa olenga onse.”

Versículo: 126

ٱللَّهَ رَبَّكُمۡ وَرَبَّ ءَابَآئِكُمُ ٱلۡأَوَّلِينَ

“Allah, Mbuye wanu ndi Mbuye wa makolo anu akale?”

Versículo: 127

فَكَذَّبُوهُ فَإِنَّهُمۡ لَمُحۡضَرُونَ

Koma adamtsutsa; ndithu iwo adzaonekera (ku Moto).

Versículo: 128

إِلَّا عِبَادَ ٱللَّهِ ٱلۡمُخۡلَصِينَ

Kupatula akapolo a Allah amene ayeretsedwa (ndi Allah).

Versículo: 129

وَتَرَكۡنَا عَلَيۡهِ فِي ٱلۡأٓخِرِينَ

Ndipo tidamsiira (mbiri yabwino) kwa anthu ena (amene adadza pambuyo pake).

Versículo: 130

سَلَٰمٌ عَلَىٰٓ إِلۡ يَاسِينَ

Mtendere ukhale pa Iliyasiin!

Versículo: 131

إِنَّا كَذَٰلِكَ نَجۡزِي ٱلۡمُحۡسِنِينَ

Ndithu umo ndi mmene Ife timawalipirira ochita zabwino.

Versículo: 132

إِنَّهُۥ مِنۡ عِبَادِنَا ٱلۡمُؤۡمِنِينَ

Ndithu iye ndimmodzi mwa akapolo Athu okhulupirira.

Versículo: 133

وَإِنَّ لُوطٗا لَّمِنَ ٱلۡمُرۡسَلِينَ

Ndithu Luti ndi mmodzi wa atumiki.

Versículo: 134

إِذۡ نَجَّيۡنَٰهُ وَأَهۡلَهُۥٓ أَجۡمَعِينَ

(Kumbuka) pamene tidampulumutsa iye ndi anthu ake onse.

Versículo: 135

إِلَّا عَجُوزٗا فِي ٱلۡغَٰبِرِينَ

Kupatula nkhalamba yachikazi; idali mwa otsalira.

Versículo: 136

ثُمَّ دَمَّرۡنَا ٱلۡأٓخَرِينَ

Kenako tidawaononga enawo (omwe adali oipa).

Versículo: 137

وَإِنَّكُمۡ لَتَمُرُّونَ عَلَيۡهِم مُّصۡبِحِينَ

Ndithu inu (a mumzinda wa Makka) mumadutsa pa malo pawopo m’mawa,

Versículo: 138

وَبِٱلَّيۡلِۚ أَفَلَا تَعۡقِلُونَ

Ndi usiku. Kodi bwanji simuzindikira?

Versículo: 139

وَإِنَّ يُونُسَ لَمِنَ ٱلۡمُرۡسَلِينَ

Ndithu Yunusu ndi mmodzi wa atumiki.

Versículo: 140

إِذۡ أَبَقَ إِلَى ٱلۡفُلۡكِ ٱلۡمَشۡحُونِ

(Kumbuka) pamene adathawira m’chombo chodzazidwa (ndi katundu).

Versículo: 141

فَسَاهَمَ فَكَانَ مِنَ ٱلۡمُدۡحَضِينَ

Choncho adachita mayere, ndipo adali m’gulu la omgwera (mayerewo).

Versículo: 142

فَٱلۡتَقَمَهُ ٱلۡحُوتُ وَهُوَ مُلِيمٞ

Choncho nsomba idammeza uku ali wodzudzulidwa.

Versículo: 143

فَلَوۡلَآ أَنَّهُۥ كَانَ مِنَ ٱلۡمُسَبِّحِينَ

Kukadapanda kuti iye adali m’modzi mwa otamanda ndi kulemekeza Allah).

Versículo: 144

لَلَبِثَ فِي بَطۡنِهِۦٓ إِلَىٰ يَوۡمِ يُبۡعَثُونَ

Akadakhala m’mimba mwake mpaka tsiku loukitsidwa (zolengedwa ku imfa).

Versículo: 145

۞ فَنَبَذۡنَٰهُ بِٱلۡعَرَآءِ وَهُوَ سَقِيمٞ

Koma tidamponya pa gombe uku ali wodwala.

Versículo: 146

وَأَنۢبَتۡنَا عَلَيۡهِ شَجَرَةٗ مِّن يَقۡطِينٖ

Ndipo tidammeretsera mmera wa mtundu wa nkhaka.

Versículo: 147

وَأَرۡسَلۡنَٰهُ إِلَىٰ مِاْئَةِ أَلۡفٍ أَوۡ يَزِيدُونَ

Ndipo (atachira) tidamtuma ku anthu okwana zikwi zana limodzi (100,000) kapena kupambana apa.

Versículo: 148

فَـَٔامَنُواْ فَمَتَّعۡنَٰهُمۡ إِلَىٰ حِينٖ

Ndipo adakhulupirira (ndi kuvomereza ulaliki wake); choncho tidawapatsa chisangalalo kufikira nthawi (ya imfa yawo).

Versículo: 149

فَٱسۡتَفۡتِهِمۡ أَلِرَبِّكَ ٱلۡبَنَاتُ وَلَهُمُ ٱلۡبَنُونَ

Choncho afunse: “Kodi Mbuye wako ndiye woyenera ana aakazi, ndipo iwo aamuna? (Pomwe iwo akabereka mwana wamkazi amanyansidwa naye)!”

Versículo: 150

أَمۡ خَلَقۡنَا ٱلۡمَلَٰٓئِكَةَ إِنَٰثٗا وَهُمۡ شَٰهِدُونَ

Kapena kuti tidalenga angelo kukhala akazi, iwo akuona?

Versículo: 151

أَلَآ إِنَّهُم مِّنۡ إِفۡكِهِمۡ لَيَقُولُونَ

Chenjera ndi bodza lawolo, ndithu iwo akunena:

Versículo: 152

وَلَدَ ٱللَّهُ وَإِنَّهُمۡ لَكَٰذِبُونَ

“Allah wabereka.” Ndithu iwo ndi abodza.

Versículo: 153

أَصۡطَفَى ٱلۡبَنَاتِ عَلَى ٱلۡبَنِينَ

Kodi Iye adasankha ana aakazi kusiya aamuna?

Versículo: 154

مَا لَكُمۡ كَيۡفَ تَحۡكُمُونَ

Kodi nchiyani chakupezani (kuti muweruze mopanda chilungamo); nanga mukuweruza bwanji (zimenezi)?

Versículo: 155

أَفَلَا تَذَكَّرُونَ

Kodi bwanji simukumbukira, (mwaiwala zisonyezo Zake zodabwitsa ndi kupatukana kwake ndi zimenezo)?

Versículo: 156

أَمۡ لَكُمۡ سُلۡطَٰنٞ مُّبِينٞ

Kapena inu muli ndi umboni woonekera (wochokera kumwamba)?

Versículo: 157

فَأۡتُواْ بِكِتَٰبِكُمۡ إِن كُنتُمۡ صَٰدِقِينَ

Tabweretsani buku lanulo (momwe mwalembedwa zimenezi) ngati mukunena zoona.

Versículo: 158

وَجَعَلُواْ بَيۡنَهُۥ وَبَيۡنَ ٱلۡجِنَّةِ نَسَبٗاۚ وَلَقَدۡ عَلِمَتِ ٱلۡجِنَّةُ إِنَّهُمۡ لَمُحۡضَرُونَ

Ndipo adapeka chibale pakati pa Iye (Allah) ndi ziwanda; (pomwe ziwanda nzobisika kwa iwo). Ndithu ziwanda zimadziwa kuti iwo osakhulupirira akaonekera (kwa Allah kuti aweruzidwe)!

Versículo: 159

سُبۡحَٰنَ ٱللَّهِ عَمَّا يَصِفُونَ

Walemekezeka Allah! Ndi kupatukana ndi zimene akumnamizira!

Versículo: 160

إِلَّا عِبَادَ ٱللَّهِ ٱلۡمُخۡلَصِينَ

Koma akapolo a Allah oyeretsedwa (ali kutali ndi zimene akusimba osakhulupirirazi).

Versículo: 161

فَإِنَّكُمۡ وَمَا تَعۡبُدُونَ

Ndithu inu (osakhulupirira) ndi zimene mukuzipembedza (kusiya Allah),

Versículo: 162

مَآ أَنتُمۡ عَلَيۡهِ بِفَٰتِنِينَ

Ndi zimenezo simungamsokeretse aliyense.

Versículo: 163

إِلَّا مَنۡ هُوَ صَالِ ٱلۡجَحِيمِ

Kupatula yemwe (Allah adadziwa kuti) ngolowa ku Jahannam.

Versículo: 164

وَمَا مِنَّآ إِلَّا لَهُۥ مَقَامٞ مَّعۡلُومٞ

Ndipo (angelo adanena): “Aliyense mwa ife ali ndi malo ake odziwika.”

Versículo: 165

وَإِنَّا لَنَحۡنُ ٱلصَّآفُّونَ

“Ndipo ndithu (ena mwa) ife ngondanda m’mizere (ya mapemphero nthawi zonse).”

Versículo: 166

وَإِنَّا لَنَحۡنُ ٱلۡمُسَبِّحُونَ

“Ndipo (ena mwa) ife ngolemekeza (Allah nthawi zonse ndi kumtamanda ndi kumpatula ku zinthu zosayenerana ndi ulemelero wake).”

Versículo: 167

وَإِن كَانُواْ لَيَقُولُونَ

Ndipo (osakhulupirira) ankati:

Versículo: 168

لَوۡ أَنَّ عِندَنَا ذِكۡرٗا مِّنَ ٱلۡأَوَّلِينَ

“Tikadakhala ndi buku monga lomwe anthu akale adali nalo.”

Versículo: 169

لَكُنَّا عِبَادَ ٱللَّهِ ٱلۡمُخۡلَصِينَ

“Tikadakhala akapolo a Allah, oyeretsedwa.”

Versículo: 170

فَكَفَرُواْ بِهِۦۖ فَسَوۡفَ يَعۡلَمُونَ

Koma (pamene lidawadzera bukulo), adalikana; choncho posachedwa adziwa (zotsatira zake).

Versículo: 171

وَلَقَدۡ سَبَقَتۡ كَلِمَتُنَا لِعِبَادِنَا ٱلۡمُرۡسَلِينَ

Ndipo ndithu liwu lathu lidatsogola kwa akapolo athu otumidwa.

Versículo: 172

إِنَّهُمۡ لَهُمُ ٱلۡمَنصُورُونَ

(Kuti) ndithu iwo ngopulumutsidwa.

Versículo: 173

وَإِنَّ جُندَنَا لَهُمُ ٱلۡغَٰلِبُونَ

Ndipo ndithu asilikali Athu ndi opambana.

Versículo: 174

فَتَوَلَّ عَنۡهُمۡ حَتَّىٰ حِينٖ

Choncho, asiye kwa kanthawi kochepa.

Versículo: 175

وَأَبۡصِرۡهُمۡ فَسَوۡفَ يُبۡصِرُونَ

Ndipo ingowayang’ana basi; posachedwapa aona!

Versículo: 176

أَفَبِعَذَابِنَا يَسۡتَعۡجِلُونَ

Kodi chilango chathu akuchifulumizitsa?

Versículo: 177

فَإِذَا نَزَلَ بِسَاحَتِهِمۡ فَسَآءَ صَبَاحُ ٱلۡمُنذَرِينَ

Choncho chikadzatsika pabwalo lawo, udzakhala mmawa woipa kwa ochenjezedwa!

Versículo: 178

وَتَوَلَّ عَنۡهُمۡ حَتَّىٰ حِينٖ

Ndipo asiye kwa kanthawi kochepa.

Versículo: 179

وَأَبۡصِرۡ فَسَوۡفَ يُبۡصِرُونَ

Ndipo ingowayang’ana basi; posachedwapa aona.

Versículo: 180

سُبۡحَٰنَ رَبِّكَ رَبِّ ٱلۡعِزَّةِ عَمَّا يَصِفُونَ

Mbuye wako, Mwini ulemelero, wapatukana ndi zimene akumnamizira (osakhulupirira).

Versículo: 181

وَسَلَٰمٌ عَلَى ٱلۡمُرۡسَلِينَ

Ndipo mtendere ukhale pa atumiki onse.

Versículo: 182

وَٱلۡحَمۡدُ لِلَّهِ رَبِّ ٱلۡعَٰلَمِينَ

Ndipo kuyamikidwa konse nkwa Allah, Mbuye wa zolengedwa zonse.