අර්ථ කථනය පරිච්ඡේදය සූරා අල් අලක් - ස්වහීලී පරිවර්තනය - අබ්දුල්ලා මුහම්මද් සහ නාසර් ඛමීස් - පාරිශුද්ධ අල් කුර්ආනයේ විශ්ව කෝෂය

Surat Al-Alaq

වාක්‍යය: 1

ٱقۡرَأۡ بِٱسۡمِ رَبِّكَ ٱلَّذِي خَلَقَ

Soma, ewe Nabii, Qur’ani uliyoteremshiwa ukianza kwa Jina la Mola wako Aliyepwekeka kwa kuumba.

වාක්‍යය: 2

خَلَقَ ٱلۡإِنسَٰنَ مِنۡ عَلَقٍ

Aliyemuumba kila binadamu kwa pande la damu nzito nyekundu.

වාක්‍යය: 3

ٱقۡرَأۡ وَرَبُّكَ ٱلۡأَكۡرَمُ

Soma, ewe Nabii, kile ulichoteremshiwa, na Mola wako ni Mwingi wa wema, Mwingi wa ukarimu.

වාක්‍යය: 4

ٱلَّذِي عَلَّمَ بِٱلۡقَلَمِ

Aliyewafundisha viumbe vyake kuandika kwa kalamu.

වාක්‍යය: 5

عَلَّمَ ٱلۡإِنسَٰنَ مَا لَمۡ يَعۡلَمۡ

Alimfundisha binadamu vitu ambavyo hakuwa akivijua. Akamtoa kwenye giza la ujinga, Akampeleka kwenye nuru ya elimu.

වාක්‍යය: 6

كَلَّآ إِنَّ ٱلۡإِنسَٰنَ لَيَطۡغَىٰٓ

Kweli, binadamu hukiuka mipaka ya Mwenyezi Mungu

වාක්‍යය: 7

أَن رَّءَاهُ ٱسۡتَغۡنَىٰٓ

akijiona ametosheka kwa utajiri wake.

වාක්‍යය: 8

إِنَّ إِلَىٰ رَبِّكَ ٱلرُّجۡعَىٰٓ

Basi, ajue kila mwenye kutupa mipaka kuwa mwisho atarudi kwa Mwenyezi Mungu Ambaye Atamlipa kila binadamu kwa alilolitenda.

වාක්‍යය: 9

أَرَءَيۡتَ ٱلَّذِي يَنۡهَىٰ

Je, umeona ujeuri wa ajabu zaidi kuliko wa mtu huyu, Abu jahl,

වාක්‍යය: 10

عَبۡدًا إِذَا صَلَّىٰٓ

Anayemkataza mja wetu, Muhammad, rehema ya Mwenyezi Mungu na amani zimshukie, anapomsalia Mola wake?

වාක්‍යය: 11

أَرَءَيۡتَ إِن كَانَ عَلَى ٱلۡهُدَىٰٓ

Waonaje iwapo mwenye kukatazwa kusali yuko uongofuni, vipi anamkataza?

වාක්‍යය: 12

أَوۡ أَمَرَ بِٱلتَّقۡوَىٰٓ

Au iwapo anaamrisha mwigine kumcha Mungu, vipi anamkataza hilo?

වාක්‍යය: 13

أَرَءَيۡتَ إِن كَذَّبَ وَتَوَلَّىٰٓ

Waonaje iwapo huyu mwenye kukataza anakanusha lile alinganiwalo kwalo na kulipa mgongo,

වාක්‍යය: 14

أَلَمۡ يَعۡلَم بِأَنَّ ٱللَّهَ يَرَىٰ

hajui kuwa Mwenyezi Mungu anaona kila analolifanya?

වාක්‍යය: 15

كَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ

Basi mambo si kama anvyodai Abu Jahl. Na asipokomeka na ushindani alionao na udhia wake, Tutamshika upaa wake kwa nguvu na kumtia Motoni.

වාක්‍යය: 16

نَاصِيَةٖ كَٰذِبَةٍ خَاطِئَةٖ

Upaa wake ni upaa wenye maneno ya urongo na vitendo vya makosa.

වාක්‍යය: 17

فَلۡيَدۡعُ نَادِيَهُۥ

Basi na awalete, mtupaji mipaka huyu, watu wa baraza ili wamsaidiye.

වාක්‍යය: 18

سَنَدۡعُ ٱلزَّبَانِيَةَ

Sisi Tutawaita Malaika wa adhabu.

වාක්‍යය: 19

كَلَّا لَا تُطِعۡهُ وَٱسۡجُدۡۤ وَٱقۡتَرِب۩

Mambo si kama Abu Jahl anavyoyadhania. Yeye, ewe Mtume, hawezi kukufanya lolote la kukudhuru Usimfuate kwa lile alilokuitia la kuwa uache Swala, bali msujudie Mola wako na uwe karibu na Yeye kwa kujipendekeza Kwake kwa kumtii.