අර්ථ කථනය පරිච්ඡේදය සූරා අල් හුමසා - ස්වහීලී පරිවර්තනය - අලි මුහ්සන් අල්බර්වානි - පාරිශුද්ධ අල් කුර්ආනයේ විශ්ව කෝෂය

Surat Al-Humazah

වාක්‍යය: 1

وَيۡلٞ لِّكُلِّ هُمَزَةٖ لُّمَزَةٍ

Ole wake kila safihi, msengenyaji!

Atapata adhabu kali na maangamio huyo ambaye mtindo wake ni kuwafedhehi watu kwa kauli au kwa ishara, au kuwasengenya kuwavunjia hishima zao.

වාක්‍යය: 2

ٱلَّذِي جَمَعَ مَالٗا وَعَدَّدَهُۥ

Aliye kusanya mali na kuyahisabu.

Ambaye amekusanya chungu ya mali na akawa kazi yake kuyahisabu tu, kwa kuona ladha huko kuhisabu.

වාක්‍යය: 3

يَحۡسَبُ أَنَّ مَالَهُۥٓ أَخۡلَدَهُۥ

Anadhani ya kuwa mali yake yatambakisha milele!

Anadhani huyo kuwa mali yake yatamweka milele duniani, na yatamkinga na hayo anayo yachukia?

වාක්‍යය: 4

كَلَّاۖ لَيُنۢبَذَنَّ فِي ٱلۡحُطَمَةِ

Hasha! Atavurumishwa katika H'ut'ama.

Na aache dhana hiyo! Wallahi! Hapana shaka yoyote kwa vitendo vyake viovu hivyo atakuja tumbukizwa katika Moto unao vuruga kila kinacho tupwa humo!

වාක්‍යය: 5

وَمَآ أَدۡرَىٰكَ مَا ٱلۡحُطَمَةُ

Na nani atakujuvya ni nini H'ut'ama?

Na kitu gani kitacho kujuvya nini ukweli wa Moto huu wa H'ut'ama?

වාක්‍යය: 6

نَارُ ٱللَّهِ ٱلۡمُوقَدَةُ

Moto wa Mwenyezi Mungu ulio washwa.

Moto wa Mwenyezi Mungu ulio washwa kwa amri yake, na daima unawaka!

වාක්‍යය: 7

ٱلَّتِي تَطَّلِعُ عَلَى ٱلۡأَفۡـِٔدَةِ

Ambao unapanda nyoyoni.

Ambao unafikilia nyoyoni na kuzizunguka nyoyo.

වාක්‍යය: 8

إِنَّهَا عَلَيۡهِم مُّؤۡصَدَةٞ

Hakika huo utafungiwa nao

Huo utakuwa umefungwa milango yake, na wao watakuwa wamefungwa humo ndani

වාක්‍යය: 9

فِي عَمَدٖ مُّمَدَّدَةِۭ

Kwenye nguzo zilio nyooshwa.

Kwenye maguzo yaliyo nyooka. Hawawezi kutaharaki, wala kutoka.