Përkthimi i kuptimeve Surja Suretu Et Tin - الترجمة الشيشيوا - Enciklopedia e Kuranit Fisnik

Suretu Et Tin

Ajeti: 1

وَٱلتِّينِ وَٱلزَّيۡتُونِ

Ndikulumbilira mitengo ya Mkuyu ndi Zitona (pansi pa mitengo imeneyi Ibrahim ndi Nuh (Nowa) adapeza uneneri),

Ajeti: 2

وَطُورِ سِينِينَ

Ndi phiri la Sinai (pamene Allah adamulankhulira Mûsa),

Ajeti: 3

وَهَٰذَا ٱلۡبَلَدِ ٱلۡأَمِينِ

Ndiponso mzinda uwu (wolemekezeka) wamtendere; (Makka, womwe adapatsiridwa uneneri Muhammad) (s.a.w).

Ajeti: 4

لَقَدۡ خَلَقۡنَا ٱلۡإِنسَٰنَ فِيٓ أَحۡسَنِ تَقۡوِيمٖ

Palibe chikaiko, tamulenga munthu mkalengedwe kabwino, kolingana (ndipo ali ndi mbiri zabwino).^[457]

[457] M’gulu la nyama palibe yopambana kuposa munthu mkalengedwe ndi pa nzeru.

Ajeti: 5

ثُمَّ رَدَدۡنَٰهُ أَسۡفَلَ سَٰفِلِينَ

Pambuyo pake tamubwezera pansi kumposa wa pansi.^[458]

[458] Munthu ali ndi makhalidwe awiri: Ngati agwiritsa ntchito nzeru zake amaongoka ndipo amaiposa nyama ili yonse. Koma ngati sagwiritsa ntchito nzeru zake amasokera ndi kukhala wapansi kuposa nyama zonse.

Ajeti: 6

إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فَلَهُمۡ أَجۡرٌ غَيۡرُ مَمۡنُونٖ

Kupatula amene akhulupirira ndikumachita zabwino, adzakhala nawo iwo malipiro osatha.

Ajeti: 7

فَمَا يُكَذِّبُكَ بَعۡدُ بِٱلدِّينِ

Tsono nchiyani chakuchititsa kuti ukanire kuuka ndi malipiro pambuyo (poona mphamvu zathu pa chilichonse)?^[459]

[459] (Ndime 7-8) Allah akuuza munthu kuti: Pambuyo podziwa kuti Allah ndi Yemwe adapanga zimenezo, ndi chiyani nanga chikumukaikitsa za tsiku la chiweruziro?

Ajeti: 8

أَلَيۡسَ ٱللَّهُ بِأَحۡكَمِ ٱلۡحَٰكِمِينَ

Kodi Allah si Muweruzi wa nzeru kuposa aweruzi onse?