Përkthimi i kuptimeve Surja Suretu El Alak - الترجمة الياؤو - Enciklopedia e Kuranit Fisnik

Al-‘Alaq

Ajeti: 1

ٱقۡرَأۡ بِٱسۡمِ رَبِّكَ ٱلَّذِي خَلَقَ

Soomani mu lina lya Ambuje ŵenu (Allah) ŵaagumbile.

Ajeti: 2

خَلَقَ ٱلۡإِنسَٰنَ مِنۡ عَلَقٍ

Agumbile mundu kuumila mu chipande chamyasi jekamatane.

Ajeti: 3

ٱقۡرَأۡ وَرَبُّكَ ٱلۡأَكۡرَمُ

Soomani! Soni Ambuje ŵenu ni Ŵantuka kusyene.

Ajeti: 4

ٱلَّذِي عَلَّمَ بِٱلۡقَلَمِ

Aŵala ŵaajiganyisye (kulemba) ni chakulembela.

Ajeti: 5

عَلَّمَ ٱلۡإِنسَٰنَ مَا لَمۡ يَعۡلَمۡ

An'jiganyisye mundu yaŵalekaga ngaimanya.

Ajeti: 6

كَلَّآ إِنَّ ٱلۡإِنسَٰنَ لَيَطۡغَىٰٓ

Yakuona! Chisimu mundu akuŵaga jwakusumba mpika (pa kulikwesya).

Ajeti: 7

أَن رَّءَاهُ ٱسۡتَغۡنَىٰٓ

Ligongo lyakuliona kusichila.

Ajeti: 8

إِنَّ إِلَىٰ رَبِّكَ ٱلرُّجۡعَىٰٓ

Chisimu kwa Ambuje ŵenu pe (Allah) ni kwakuujila.

Ajeti: 9

أَرَءَيۡتَ ٱلَّذِي يَنۡهَىٰ

Ana mum'bweni ajula jwaakuŵa nkunkaanya,

Ajeti: 10

عَبۡدًا إِذَا صَلَّىٰٓ

Kapolo (jwa Allah) ndema jajukusaka kuswali?

Ajeti: 11

أَرَءَيۡتَ إِن كَانَ عَلَى ٱلۡهُدَىٰٓ

Ana nkuyiona uli najuŵaga (Muhammadi ﷺ) juli pachongoko?

Ajeti: 12

أَوۡ أَمَرَ بِٱلتَّقۡوَىٰٓ

Kapena jukulamula ya woga (wakun'jogopa Allah)?

Ajeti: 13

أَرَءَيۡتَ إِن كَذَّبَ وَتَوَلَّىٰٓ

Nambi nkuyiona uli naŵaga (Abujahalio) akukanila ni kusyulula?

Ajeti: 14

أَلَمۡ يَعۡلَم بِأَنَّ ٱللَّهَ يَرَىٰ

Ana ngaakumanyilila yanti Allah akwaona (yaakutenda)?

Ajeti: 15

كَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ

Ngwamba! Chisimu naga ngaakuleka, chiitwawuta umbo syapewuwo (pakwaponya ku Moto).

Ajeti: 16

نَاصِيَةٖ كَٰذِبَةٍ خَاطِئَةٖ

Liwuwo lyakwe lyaunami soni lyakulemwa.

Ajeti: 17

فَلۡيَدۡعُ نَادِيَهُۥ

Basi ŵaaŵilanje ŵandu ŵakwe (kuti ankamuchisye).

Ajeti: 18

سَنَدۡعُ ٱلزَّبَانِيَةَ

Nowe chitwaŵilanje Azabaniya (asilikali ŵa ku Moto).

Ajeti: 19

كَلَّا لَا تُطِعۡهُ وَٱسۡجُدۡۤ وَٱقۡتَرِب۩

Ngwamba! Mmwe ngasimunkunda jwalakwejo, nambo nsujuduji (kuswali) ni n’diŵandichisyeje (kwa Allah).