மொழிபெயர்ப்பு சூரா அல்மஆரிஜ் - சுவாஹிலி மொழிபெயர்ப்பு - அப்துல்லா முஹம்மது மற்றும் நாசர் காமிஸ் - பக்க எண் 568 - அல்குர்ஆனிய கலைக்கலஞ்சியம்

Al-Ma'arij

1 : 70

سَأَلَ سَآئِلُۢ بِعَذَابٖ وَاقِعٖ

Mmoja miongoni mwa washrikina amejiombea yeye na watu wake washukiwe na adhabu, adhabu ambayo ni yenye kuwapata siku ya kiama.

2 : 70

لِّلۡكَٰفِرِينَ لَيۡسَ لَهُۥ دَافِعٞ

Bila shaka ni yenye kuwapata makafiri Siku ya kiyama, na hakuna mwenye kuizuia.

3 : 70

مِّنَ ٱللَّهِ ذِي ٱلۡمَعَارِجِ

Hakuna mzuiaji yoyote wa kuizuia hiyo adhabu isipokuwa Allah Mtukufu, (Mwenye kuwa juu na mwenye utukufu na haiba).

4 : 70

تَعۡرُجُ ٱلۡمَلَٰٓئِكَةُ وَٱلرُّوحُ إِلَيۡهِ فِي يَوۡمٖ كَانَ مِقۡدَارُهُۥ خَمۡسِينَ أَلۡفَ سَنَةٖ

Malaika na Jibrili wanapanda kuenda Kwake, (Aliyetukuka), kwa siku moja ambayo ni sawa na miaka elfu hamsini katika miaka ya duniani, nayo kwa aliyeamini ni kama muda wa Swala moja ya faradhi.

5 : 70

فَٱصۡبِرۡ صَبۡرٗا جَمِيلًا

Basi vumilia, (ewe Mtume), kule kufanya kwao shere na kutaka kwao wafikiwe na adhabu kwa haraka, uvumilivu usiokuwa na shaka, wala kumshtakia asiyekuwa Allah Mtukufu.

6 : 70

إِنَّهُمۡ يَرَوۡنَهُۥ بَعِيدٗا

Kwa kweli makafiri wanaiona adhabu kuwa iko mbali na wanaona kuwa si yenye kutokea.

7 : 70

وَنَرَىٰهُ قَرِيبٗا

Na sisi tunaiona ni yenye kutokea kwa kipindi cha karibu bila shaka.

8 : 70

يَوۡمَ تَكُونُ ٱلسَّمَآءُ كَٱلۡمُهۡلِ

Siku ambayo mbingu itayayuka iwe kama rojo la mafuta.

9 : 70

وَتَكُونُ ٱلۡجِبَالُ كَٱلۡعِهۡنِ

Na majabali yawe ni kama sufi iliyochanganywa na iliyoshanuliwa na kupeperushwa na upepo.

10 : 70

وَلَا يَسۡـَٔلُ حَمِيمٌ حَمِيمٗا

Wala mtu hatamuuliza jamaa yake wa karibu kuhusu jambo lake, kwani kila mmoja atashughulishwa na nafsi yake.