மொழிபெயர்ப்பு சூரா அந்நபஃ - சுவாஹிலி மொழிபெயர்ப்பு - அப்துல்லா முஹம்மது மற்றும் நாசர் காமிஸ் - பக்க எண் 582 - அல்குர்ஆனிய கலைக்கலஞ்சியம்

An-Naba

1 : 78

عَمَّ يَتَسَآءَلُونَ

Ni kuhusu kitu gani baadhi ya makafiri wa kikureishi wanaulizana?

2 : 78

عَنِ ٱلنَّبَإِ ٱلۡعَظِيمِ

Wanaulizana kuhusu habari iliyo na uzito mkubwa kabisa.

3 : 78

ٱلَّذِي هُمۡ فِيهِ مُخۡتَلِفُونَ

Nayo ni Qur’ani tukufu inayotoa habari za kufufuliwa ambako makafiri wa kikureishi wana shaka nako na wanakukanusha.

4 : 78

كَلَّا سَيَعۡلَمُونَ

Mambo sivyo kama wanavyodhania hawa washirikina. Hapo watajua hawa washirikina upeo wa kukanusha kwao na kitawadhihirikia waziwazi kile Atakachowatenda Allah Mtukufu Siku ya Kiyama.

5 : 78

ثُمَّ كَلَّا سَيَعۡلَمُونَ

Kisha litadhihiri kwao jambo hilo na utadhihiri ukweli wa yale aliyokuja nayo Mtume Muhammad, (rehema za Allah Mtukufu na amani zimshukie), kuhusu Qur’ani na kufufuliwa. Huu ni utisho na makemeo kwao.

6 : 78

أَلَمۡ نَجۡعَلِ ٱلۡأَرۡضَ مِهَٰدٗا

Kwani hatukuwatandazia ardhi kama tandiko?

7 : 78

وَٱلۡجِبَالَ أَوۡتَادٗا

Na Tukawafanyia majabali kuwa ni vigingi, ili isitikisike?

8 : 78

وَخَلَقۡنَٰكُمۡ أَزۡوَٰجٗا

Na Tukawaumba aina mbali mbali, za kike na kiume?

9 : 78

وَجَعَلۡنَا نَوۡمَكُمۡ سُبَاتٗا

Na Tukafanya usingizi wenu ni mapumziko kwa viwiliwili vyenu: ndani yake mnatulia na kupumzika?

10 : 78

وَجَعَلۡنَا ٱلَّيۡلَ لِبَاسٗا

Na Tukaufanya usiku kuwa ni vazi, unawavisha giza lake na kuwafunika, kama nguo inavyomsitiri mwenye kuivaa?

11 : 78

وَجَعَلۡنَا ٱلنَّهَارَ مَعَاشٗا

Na Tukaufanya mchana ni kipindi cha kutafuta maisha, mnatawanyika humo kwa ajili ya maisha yenu na mnatembea humo kwa ajili ya maslahi yenu?

12 : 78

وَبَنَيۡنَا فَوۡقَكُمۡ سَبۡعٗا شِدَادٗا

Na Tukajenga juu yenu mbingu saba, madhubuti jengo lake, lilioumbwa kwa uzuri, halina mapasuko wala nyufa?

13 : 78

وَجَعَلۡنَا سِرَاجٗا وَهَّاجٗا

Na Tukalifanya jua kuwa ni taa iwakayo na kung’ara?

14 : 78

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

Na Tukateremsha kutoka kwenye mawingu yanyeshayo maji yamiminikayo kwa wingi?

15 : 78

لِّنُخۡرِجَ بِهِۦ حَبّٗا وَنَبَاتٗا

Ili Tutoe kwa maji hayo nafaka inayoliwa na watu?

16 : 78

وَجَنَّٰتٍ أَلۡفَافًا

Na nyasi zinazoliwa na wanyama na miti iliyosongamana kwa kutawanyika matawi yake?

17 : 78

إِنَّ يَوۡمَ ٱلۡفَصۡلِ كَانَ مِيقَٰتٗا

Hakika Siku ya Uamuzi kati ya viumbe, nayo ni Siku ya Kiyama, imekuwa ni wakati na ahadi iliyowekewa muda maalumu kwa watu wa mwanzo na wa mwisho.

18 : 78

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

Siku ambayo litapulizwa baragumu na hapo mtakuja makundi kwa makundi.

19 : 78

وَفُتِحَتِ ٱلسَّمَآءُ فَكَانَتۡ أَبۡوَٰبٗا

Na zikafunguliwa mbingu zikawa ni zenye milango mingi kwa ajili ya kuteremka Malaika.

20 : 78

وَسُيِّرَتِ ٱلۡجِبَالُ فَكَانَتۡ سَرَابًا

Na yakalipuliwa majabali baada ya kuwa yamekita, yakawa ni kama hakukua na kitu.

21 : 78

إِنَّ جَهَنَّمَ كَانَتۡ مِرۡصَادٗا

Hakika Jahanamu, Siku Hiyo, itawalinda wenye ukafiri ambao Moto huo umeandaliwa wao.

22 : 78

لِّلطَّٰغِينَ مَـَٔابٗا

Kwa makafiri ndio marejeo.

23 : 78

لَّٰبِثِينَ فِيهَآ أَحۡقَابٗا

Watabakia humo muda mrefu ufuatanao, usiokoma, yani milele.

24 : 78

لَّا يَذُوقُونَ فِيهَا بَرۡدٗا وَلَا شَرَابًا

Hawatakula humo chochote kitakachozima joto la moto. Wala kinywaji kitakachowaondolea kiu yao.

25 : 78

إِلَّا حَمِيمٗا وَغَسَّاقٗا

Isipokuwa maji moto na usaha wa watu wa motoni.

26 : 78

جَزَآءٗ وِفَاقًا

Watakuwa wanalipwa kwa hilo malipo ya sawa yanayolingana na vitendo vyao walivyovitenda duniani.

27 : 78

إِنَّهُمۡ كَانُواْ لَا يَرۡجُونَ حِسَابٗا

Hakika wao walikuwa hawaiyogopi Siku ya Hesabu, na kwa hivyo hawakujitayarisha nayo kwa kufanya matendo ya kuwafaa.

28 : 78

وَكَذَّبُواْ بِـَٔايَٰتِنَا كِذَّابٗا

Na waliyakanusha waziwazi yaliyoletwa na Mitume.

29 : 78

وَكُلَّ شَيۡءٍ أَحۡصَيۡنَٰهُ كِتَٰبٗا

Na kila kitu Tulikijua na Tukakiandika katika Ubao uliohifadhiwa (Al-Lawḥ Al-Maḥfūḍ).

30 : 78

فَذُوقُواْ فَلَن نَّزِيدَكُمۡ إِلَّا عَذَابًا

Basi Onjeni, (enyi makafiri) hayo, yakiwa ni malipo ya vitendo vyenu, Hatutawazidishia isipokuwa adhabu juu ya adhabu yenu.