மொழிபெயர்ப்பு அத்தியாயம் ஸூரா அத்தகாஸுர் - தமிழ் மொழிபெயர்ப்பு - உமர் ஷரீப் - அல்குர்ஆன் கலைக்களஞ்சியம்

ஸூரா அத்தகாஸுர்

வசனம்: 1

اَلْهٰىكُمُ التَّكَاثُرُ ۟ۙ

(செல்வம், சொத்து, பதவியில்) அதிகத்தைக் கொண்டு பெருமையடித்தல் (இன்னும், அவற்றை அடைவதில் போட்டிப்போடுவது அல்லாஹ்வை வணங்குவதை விட்டும் மறுமையை விட்டும்) உங்களை ஈடுபடுத்தியது.

வசனம்: 2

حَتّٰی زُرْتُمُ الْمَقَابِرَ ۟ؕ

இறுதியாக, நீங்கள் புதைகுழிகளைச் சந்தித்துவிட்டீர்கள்.

வசனம்: 3

كَلَّا سَوْفَ تَعْلَمُوْنَ ۟ۙ

அவ்வாறல்ல! விரைவில் (உங்கள் முடிவை) அறிவீர்கள்.

வசனம்: 4

ثُمَّ كَلَّا سَوْفَ تَعْلَمُوْنَ ۟ؕ

பிறகு, அவ்வாறல்ல! விரைவில் (உங்கள் முடிவை) அறிவீர்கள்.

வசனம்: 5

كَلَّا لَوْ تَعْلَمُوْنَ عِلْمَ الْیَقِیْنِ ۟ؕ

அவ்வாறல்ல! நீங்கள் (மறுமையை) மிக உறுதியாக அறிந்தால், (அதற்கான தயாரிப்பை மறக்க மாட்டீர்கள்).

வசனம்: 6

لَتَرَوُنَّ الْجَحِیْمَ ۟ۙ

நிச்சயமாக ஜஹீம் நரகத்தைப் பார்ப்பீர்கள்.

வசனம்: 7

ثُمَّ لَتَرَوُنَّهَا عَیْنَ الْیَقِیْنِ ۟ۙ

பிறகு, நிச்சயமாக அதைக் கண்கூடாகப் பார்ப்பீர்கள்.

வசனம்: 8

ثُمَّ لَتُسْـَٔلُنَّ یَوْمَىِٕذٍ عَنِ النَّعِیْمِ ۟۠

பிறகு, அந்நாளில் (இறை) அருட்கொடையைப் பற்றி நிச்சயமாக விசாரிக்கப்படுவீர்கள்.